"Эркенлъи" радио гІенеккулел бакІаздаса суратал. 10-16 декабрь
Цолъарал штатал. Штат Коннектекут. ГІадамаз тІугьдул лъолеб буго Санд Гьук абураб бакІалъул байбихьул школаялъул азбаралда. Гьенисан байбихьулн цІалдохъаби ва школаялъул хІалтІухъаби чІвазе байбихьун буго 20 сон барав чІвадарухъанас.
Каир. І5 декабрь. Президентасул кІалгІаялда аскІоб мисриялъул чІужугІаданалъ гьариял гьарулел руго ТІадегІанасде.
Каир. Президентасул кІалгІаялда аскІоб чІезабураб танкалъул фоналда оппозициялъул рахъ ккураз хІалеб буго футбол. Гьединаб атмосфера букІана мисралъул тахшагьаралда исламистазул конституциялда хурхун референдумалъул тІоцебесеб этапалда цебе.
Пхеньян. Шималияб Кореялъул солдатал г1ахьаллъулел руго орбитаялде спутник щвезабураб Unha-3 ракета биччаялда хурхараб митингалда.
12 декабралда орбитаялде спутник щвезабураб Unha-3 ракета биччан хадуб Спутниказул контролалъул ва команадабазул генералияб централда хІалтІи унеб мехалда Шималияб Кореялъул лидер Ким Чен Уница бухІулеб буго хъалиян.
Герат шагьаралъул рагІаллъуда бугеб хІоралда аскІор расандулел руго афгъанистаналъул лъимал.
ХІАМАСалъул хІинкъигьечІолъиялъул идараялъул хІалтІухъабаз израилалъул аэропланалдаса биччараб кьвагьичІого хутІараб ракетаялъул хутІел хІадур гьабулеб буго тІагІинабиялъе. Израиалалъул гьавадул къуватаз 8 къоялъ кьабиял щвезаруна Газа секторалда цебесеб моцІалда. Гьел акцияби чІезаризе бажарана мисриялъул гьоркьохъанлъиялъул хІалтІул кумкалдалъун.
Албаниялъул Кукес шагьаралда аскІобехун бугеб хІоралда чІугІа кколел гІадамал.
Германия. Гамбургалъул стадион. Сант-Паули ва Эрцгебирге абурал футболалъул командабазда гьоркьоб матч тІобитІулеб мехалда тІоцебесеб командаялдаса Кристофер Бухтман ккун вуго гІаздул гъуниялде гъорлье.
Лондоналъул финансазул мухъалда бугеб хазинадул кІалгІаялда Британиялъул къиралай Елизавета балагьун йиго меседил кесеказухъ.
Лондон. Букингемалъул кΙалгΙа. Шотландиялъул гвардиялъул солдатазде гъорлъе восун вуго тΙоцевесев сигх. Жатендерпал Сингх Бгьулларие ихтияр кьун буго гΙадатияб цидул тагъуралъул бакΙалда чалма ретΙизе.
Пакистан. Лахор. Чваххун балеб цΙадухъе ккун руго къватΙазул артистал.
Индия. Аллагьабад. «Кумбха Мела» абураб фестивалалда цебе гьелъул гΙахьалчи диналъул рахъалдаса хириявлъун риккунев чияс бухΙулеб буго хъалиян. Гьеб динияб фестиваладе ракΙарула тΙолабго дунялалдаса индуистал. ГΙахьалчагΙазул къадар миллионаздалъун риккуна.
Украиналда цΙибищараб парламенталде данде жидерго къагΙидаялда, ай ретΙел бахъун протест загьир гьабулеб Femen абураб къокъаялъул гΙахьалчΙужу кколей йиго полициялъ.
Украиналъул цΙибищараб парламенталда унеб буго иргадулаб кьал. Ι3 декабралда рагΙи рекъечΙел оппозициялъул депутатал "гΙадатиял" парламентариялгун рагъиялъе гΙоло биххана парламенталъул сессия.
Сирия. Алеппо. Сириялъул эркенаб армиялъул вагъухъанас матΙуялъул кумекалдалъун балагьулеб буго хΙукуматалъул къуватазул снайперасул позиция.
Исландиялъул филантроп, заманалъ Санта Клауслъун вахъарав Эйнар Свейнсон кΙалъалев вуго Сан-Сальвадоралда бугеб Бенджамин Блумил миллияб лъималазул азарханаялъул онкологиялъул бутΙаялъул гьитΙинав пациентгун. 2001 соналдаса байбихьун гьес санайилго сайгъатал кьола гьеб азарханаялъул пациентазе.
Косово. Приштина шагьаралда аскΙоб бугеб Коморане росулъан чияс жиндирго хуриб хъапустан хΙадур гьабулеб буго бичизе.
Франциялъул Альпазда. Валь-д'Изер абураб бакΙалда гьанже гьанжего бараб гΙаздуда лыжаби тΙамулез тарал лъалкΙал.
Москва. Кремль. Россиялъул президент Владимир Путин унев вуго санайилаб пачалихъияб хитΙаб цΙализе.
Украина. Киев. "Дворец спорта" абураб метроялъул станиялда бекун буго кΙудияб гъветΙ.
Афгъанистан. Мазари-Шариф. Миллияб полициялдаса руччабазул ругьунлъиял. Гьезие кумек гьабулеб буго Германиялъул полициялъул специалистаз.
Китаялдаса Лю Кияница гΙоралда хΙалбихьи гьабулеб буго жинцаго гьабураб "НухΙил раса" цΙар кьураб хвасар гьариялъул сфераялъул.
Жанубияб Корея. Сеул. Санта Клаусил ретΙел ретΙарав дайвер сардина чΙугΙа бугеб аквариумалда жанив.
Россия. Владивосток.Инвалидал-руччабазул "ГΙорхъаби лъалареб берцинлъи" абураб конкурсалъул гΙахьлчΙужуялъе кумек гьабулеб буго минаялде жание ине гьеб тадбир гΙуцΙараб "Ковчег" абураб гΙуцΙиялъул хΙаракатчагΙаз.
Азербайджан. Полициялъ кколев вуго оппозициялъул хΙаракатчи Бакуялъул централда. Гьев гΙахьаллъулев вукΙун вуго президент Ильгьам ГΙалиевасде данде протесталъул акциялда.
Шималияб Корея. Пхеньян. Гьазу бацΙинабулезул захΙматаб масъала.
Япония. Яманучи шагьар. Йигокуданил маймалаказул паркалда. Ι60 макакаялдаса къокъаялъул бакΙ цΙакъ бокьула туристазе.
Индия. Нью Дели. Украиналъул президент Виктор Янукович унев вуго хΙурматияб харавуллъиялъул мухъазда цевеса. Индиялде гьесул официалияб визит тΙобитΙана ункъго къоялъ.
Сирия. Аллеппо. Оппозициялдаса вагъухъан жиндирго васгун.