Дагъистаналдаса тохтур-анестезиолог Гунашев Марат жанив кквеялъул болжал халат бахъинабун буго. Гьесда гIунтIизабулеб буго жанисел ишазул министерлъиялъул МахIачхъалаялъул бутIаялъул нухмалъулевлъун вукIарав МухIамадов АхIмад чIваялъулъ гIахьаллъиялъул гIайиб. Гунашев жанив кквеялда сверун гьабураб хIукмуялда тIасан Дагъистаналъул ТIадегIанаб диванаханаялде гIарза хъвазе ракIалда буго гьесул адвокатасда. Лъазабиязда рекъон, Гунашев полициялъ вачун вукIана живго хIалтIулеб азарханаялда унтарасе операция гьабулеб бакIалдаса. Живго Гунашевас абулеб буго жинда гIунтIизабулеб бугеб гIайибалъулгун жиндир гIаммаб жо щибго гьечIин.
