Гуржиязул премьер-министр Бидзина Иванишвилица лъазабуна, жив ине гьечΙин Россиялде улкаялъул официалиял хъулухъчагΙазулгун кΙалъа-басал тΙоритΙиялъул мурадгун. Амма гьес нахъ чΙвалеб гьечΙо россиялъул вакильзабигун лъабабилеб улкаялъул территориялда данчΙваялдаса. Хамис къоялда Тбилисиялда кΙалъалаго, Иванишвилица лъазабуна, хΙукматалъ гΙамал гьабизе бугин Абхазитялдаги Жанубияб Осетиялдаги тΙад контроль нахъ буссинабизеян.
