Брюсселалда еврозонаялъул улкабазул финасазул министразда 12 сагΙаталъ тΙобитΙараб данделъиялда бажаричΙо тасдикъ гьабизе Грециялъе 31миллиардалдаса цΙиккун евроялъул иргадулаб транш кьеялъул хΙукму. Гьеб суал гьоркьоб лъей халат бахъинабизе буго 26 ноябралда тΙобитΙизесеб данделъиялда. Бицен гьабулеб буго Грециялъе налъабазул кризисалдаса рорчΙиялъе Европаялъулги дунялалъулги финансазул институтазул кумекалъул.
