Гуржиялъул улка цΙуниялъул министрлъун вукΙарав Ираклий Окруашвили аресталде гъоркье восун вуго улкаялде щваравго. Юстициялъул министр Тея Цулукианица лъазабухъе, гьев ккун вуго гΙорхъи бахарабго ва щвезавун вуго Гдланалъул туснахъалде.
Окруашвилица нухмалъулеб «Гуржиязул партиялъул» лъазабиялда рекъон, вукΙарав министр нахъ вуссун вуго ват1аналде, диваналда цеве чΙун, жив гΙайибияв гьечΙолъи бихьизабиялъе.
Ахирисеб щуго сонида жаниб Окруашвили вукΙана Франциялда. 2009 соналда Тбилисиялъул диваналъ гьесие лъазабун букΙана туснахъалъул 11 сон, коррупциялъул гΙайибалги гΙунтΙизарун.
Окруашвилица лъазабулеб буго, жинде гΙунтΙизарурал киналго гΙайибазда нахъ бугила политикияб кьучΙин.