Цолъарал штатазул шималиябгун машрикъалъул рахъалда «Сэнди» штормалдаса зарал ккарал бакΙазда гΙадамазул гΙумру бигьа-гьабун рукΙалиде буссунеб буго. ТΙабигΙияб балагьалъул къурбаналлъун лъугьун руго 72 чи. Нью-Йоркалда, Нью Джерсиялда ва чанго цогидаб шататалда риххун руго гΙемер объектал, цо-цо мухъал жакъаги хутΙулел руго лъеца ккун. Нью-Йоркалда цо-цо бакΙазда хΙалтΙизе байбихьун буго метро. ХΙалтΙизе байбихьун буго шагьаралъул лъабго аэропортги. Манхэтеналъул цо-цо къватΙал гьанжеги хутΙулел руго электроэнергия гьечΙого.
Цолъарал штатазул президент Барак Обама арбагΙ къоялда щвана Нью-Джерсиялъул зарал ккарал мухъазде. Гьес рагΙи кьуна федералияб хΙукуматалъ бакΙалъулал нухмалъиязе балагьалъул хΙассилаздаса рорчΙизе кумек гьабизе букΙиналъул.
Цолъарал штатазул президент Барак Обама арбагΙ къоялда щвана Нью-Джерсиялъул зарал ккарал мухъазде. Гьес рагΙи кьуна федералияб хΙукуматалъ бакΙалъулал нухмалъиязе балагьалъул хΙассилаздаса рорчΙизе кумек гьабизе букΙиналъул.