Чехазда лъалареб Дагъистан
Your browser doesn’t support HTML5
Чехиялда халат бахъунеб буго Дагъистаналда ругел террористазе кумек гьабиялда щаклъи букIунин ккурал гIадамазда тIад диваналъул процесс. Диваналда цеве эхетарав анкьго чиясул лъабгояв вуго дагъистанияв, цо молдованав ва лъабгоял кколел руго болгарал.
Гьезул адвокатаз рикIкIунеб буго жидеца цIунулезул терроризмгун гIахьалаб жо щибниги гьечIин.
Гьел кквеялъул гIатIидго бицунеб букIана чехазул телевидениялъ араб ихдал, амма жакъа Прагаялда гIумру гьабулезул гьеб хIужаялъул рагIарал гIемерал гьечIоан. Гьеб бихьизабулеб буго Прагаялъул къватIахъ нижеца гьабураб цIех-рехалъ.