Чехиялъул Карловы Вары шагьаралда централияб паркалъе кьун буго Москваялда чIварай журналист Анна Политковскаялъул цIар. Жакъа паркалъе цIар кьолеб тадбиралда цIалулел рукIана Аннал макъалабаздаса бутIаби.
Гьелдаса цебе лъазабулеб букIана «Новая газетаялъул» журналист Анна Политковская ракIалде щвезайиялъул тадбирал Москва бакьулъ тIоритIиялъул суал дандбазе хIадураб бугин шагьаралъул нухмалъийин.
Инсанасул ихтиярал цIуниялда сверун «Мемориал» централъул нухмалъулев Александр Черкасовас лъазабуна жакъа жиндихъе ракIалдаго гьечIого ахIун бачIанин Москваялъул централияб мухъалъул префектуралдаса ва абунин Новопушкинский абулеб ахикь гьеб тадбир тIобитIанин лъикI букIинаанин.
Цебе лъазабулеб букIана гьеб къоялъ нухмалъиялъ гIемерал тадбирал тIоритIизе ругин ва шагьар бакьулъ цоги акция гьеб къоялъ гьабизе тезе рес рекъоларин, Яузаялъул абулеб бульваралда яги Александр Суворовасул монументалда аскIоб тIобитIейин гьеб тадбирин. Акция гIуцIаразда гьел бакIал данде кколареллъун рихьулел рукIана.
Анна Политковская чIван йикIана жиндирго рукъалъул кIалтIа 2006 соналда. Гьеб ишалъул цIех-рех жеги рагIалде бахъун гьечIо.
Гьелдаса цебе лъазабулеб букIана «Новая газетаялъул» журналист Анна Политковская ракIалде щвезайиялъул тадбирал Москва бакьулъ тIоритIиялъул суал дандбазе хIадураб бугин шагьаралъул нухмалъийин.
Инсанасул ихтиярал цIуниялда сверун «Мемориал» централъул нухмалъулев Александр Черкасовас лъазабуна жакъа жиндихъе ракIалдаго гьечIого ахIун бачIанин Москваялъул централияб мухъалъул префектуралдаса ва абунин Новопушкинский абулеб ахикь гьеб тадбир тIобитIанин лъикI букIинаанин.
Цебе лъазабулеб букIана гьеб къоялъ нухмалъиялъ гIемерал тадбирал тIоритIизе ругин ва шагьар бакьулъ цоги акция гьеб къоялъ гьабизе тезе рес рекъоларин, Яузаялъул абулеб бульваралда яги Александр Суворовасул монументалда аскIоб тIобитIейин гьеб тадбирин. Акция гIуцIаразда гьел бакIал данде кколареллъун рихьулел рукIана.
Анна Политковская чIван йикIана жиндирго рукъалъул кIалтIа 2006 соналда. Гьеб ишалъул цIех-рех жеги рагIалде бахъун гьечIо.