АнцΙ-анцΙ чи хун вуго, гΙемер чи лъукъун вуго хамис къоялда сириялъул рагъул къуватаз улкаялъул шималияб рахъалда щвезарурал авиакьабиязул хΙассилалда. Инсанасул ихтиярал цΙунулезул лъазабиязда рекъон кьаби щвезабиялъул хΙассилалда кьвагьун буго цΙатари бичулеб станция, гьелда цΙа рекΙун буго. БатΙи-батΙиял лъазабиязда рекъон, хун вуго 30-ялдасан 110-ялде щвезег1ан чи. Сириялъул шималияб рахъалда Турциялъулгун гΙорхъида аскΙор халат рахъунел руго сириялъул армиялдаги оппозициялъул рахъ ккураздаги гьоркьор тунка-гΙусиял.
