Франциялъул нухмалъиялъ гьукъун руго улкаялда «Бусурбабазул гΙаиб гьечΙолъи» абураб фильм бахъиялда бан протесталъул акцияби. Гьеб хурхараб рагΙуна Парижалда гьеб фильмалде данде демонстрация шамат къоялда тΙобитΙизе планалда букΙиналда. Франциялъул къватΙисел ишазул министерлъиялъ лъазабун буго, чанго улкаялда франциялъул дипломатиял вакиллъиял цΙуниялъе тΙадеги тадбирал гьаризе къваригΙун рукΙиналъул хΙакъалъулъ.
Франциялда гьединго цΙех-рех байбихьун буго, араб шамат къоялда Цолъарал штатазул вакиллъиялда цебе изну кьечΙеб протесталъул акция тΙобитΙиялда бан. «Чарли Эбдо» абураб щибаб анкьалда бахъулеб сатирикияб газетаялъул арбагΙ къоялъул номералда бахъун буго аварагасул карикатура. Редакциялъ балъголъи гьабулеб гьечΙо гьеб бахъиялъе гΙиллалъун рехсараб фильмалда сверун загьирлъулеб ахΙвал-хΙал кколеб букΙин.
БатΙи-батΙиял улкабазда гьеб фильм баккиялда бан ккарал тунка-гΙусиязда хун вуго бищун дагь босун 28 чи.
Франциялда гьединго цΙех-рех байбихьун буго, араб шамат къоялда Цолъарал штатазул вакиллъиялда цебе изну кьечΙеб протесталъул акция тΙобитΙиялда бан. «Чарли Эбдо» абураб щибаб анкьалда бахъулеб сатирикияб газетаялъул арбагΙ къоялъул номералда бахъун буго аварагасул карикатура. Редакциялъ балъголъи гьабулеб гьечΙо гьеб бахъиялъе гΙиллалъун рехсараб фильмалда сверун загьирлъулеб ахΙвал-хΙал кколеб букΙин.
БатΙи-батΙиял улкабазда гьеб фильм баккиялда бан ккарал тунка-гΙусиязда хун вуго бищун дагь босун 28 чи.