Анкьил тΙаса рищарал суратал. Сентябрь, 1-8
Молдовалъул Приднестровье абулеб сепаратистазул территориялъул аскрияз Тирасполь шагьаралда рагъулаб парадалда кIодо гьабулеб буго жидецаго лъазабураб жидерго лъидаго бачIеблъиялъул къо. 2-билеб сентябрь (Reuters / Глеб Гаранич)
Исламабадалъул диванханаялде полициялъ вачунев Пакистаналъул рухIанияв Халид Чишти. (AFP)
Полициязулгун багъарараб тунка-гIуссиялда шиитас цIа гъун автомобилалъул шинаби рухIулел руго Ситра абулеб росулъа инсанасул ихтиярал цIунулел хIаракатчагIи Бахрейналъул туснахъалде жанире тIамиялда разилъи гьечIолъи хIисабалда. (AFP / МухIаммад аль-Шайих)
Алеппо шагьаралъул сверухълъиялда бугеб Аль-Муасалат абулеб бакIалда туканалъул кIалтIа гIодов чIарав лъукъарав чи. (AFP / Эшли Завалис)
Ираналъул Мазандаран вилаяталъул Сари шагьаралъул сверухълъиялда бугеб Бадаба-е-Сутр абулеб иццул лъим гьекъолел гIадамал.
Эрменистаналъул аскаралъул лейтенант Гурген Маркарянил суратгун кодоб Венгриялъул демонстрантал эхетун чIана Будапешталда парламенталъул минаялда цере гьев лейтенант чIварав Азирбижаналда эркенлъуде виччан хадусала.(AFP / Атилла Кисбенедек)
Лондоналъул Паралимпиялъул хIаязда бергьенлъи шварав хеч речIчIулев ГIиракъалдаса сакъатав спортсмен АхIмад Наас. (REUTERS / Тоби Мелвилл)
Хеч речIчIулев Ираналдаса сакъатав спортсмен ГIабдулреза Жокар. (AFP)
Бородино абулеб авлахъалда гIурусазда ва парангазда гьоркьоб кьал багъараралдаса 200 сон тIубай кIодо гьабулел, доб мехалъул ретIелги ретIун. (Reuters / Сергей Карпухин)
Америкалъул Шималияб Каролина Штаталъул Шарлотт шагьаралда букIараб Демократикияб партиялъул данделъиялда президентлъиялъул кIиабилеб болжалалде официалияб къагIидаялъ кандидатлъун лъазавурав Барак Обама. (AFP).
Кабулалда бугеб бецал лъималазул мактабалъул жанáхIалда хьвадулей цIалдохъан. (Reuters / ГIумар СобхIани)
Герат шагьаралда бугеб полициялъулал хIадурлъизарулеб Центр. Апгъанистаналъул миллияп полициялда хIалтIизе хIадураб иргадулаб къукъа рохалилаб тадбиралда. (AFP)
Кандагар вилаяталда Апгъанистаналъул миллияб Армиялъул аскарияс Америкалъул рагъулал хъулухъчагIазулгун цадахъ гьабулеб патруллъиялъухъ хал-шал гьабулев лъимер. (AFP )
Уайтхос, Юкон (Канада) абулеб бакIалда 3-билеб сентябралъул сардилъ гъвангъараб полярияб зодил нур. (Reuters / NASA)