Исана риидал Германиялде вачIинегIан ГIумаханов ХIабибил чIей букIун вуго ГIарабазул Цолъарал Эмиратазда. ГIагарал чагIазухъе щвезе вачIарав гьев исана июнь моцIалда ккуна Германиялда. ГIумаханов Германиялъ Россиялде витIи-витIунгутIи мухIканаб букIинчIо. Гьелдаса нахъе 10 ноябралде щвезегIан баянлъизабулеб букIун буго Алхаматов чIваялдехун ГIумаханов ХIабибил унголъунги бухьен бугищали.
ГIалимсолтан Алхаматов чIвалелде чанго моцIалъ цеве Хасавюрталда чIван вукIана ГIумаханов Сайгидпашал вацасул вас МухIамадги. ГIумахановазе квешезе Алхаматовазул чагIаз гьабураб чIвай-хъвейлъун рикIкIунеб букIана гьеб гIадамаз. Бицуна живго Алхаматов ГIалимсолтаницаги абун бугила ГIумахановазда Къуръаналда тIад квералги лъун гьедилин жив гьеб такъсир жинца гьабичIолъиялъе. ГIумаханов МухIамадил бакIалда Сайгидпашал гIагарав – ГIумаров МухIамад абурав цойги чи къваригIун вукIун, мекъи ккун гьабураб чIвай-хъвейлъун рикIкIуна гьеб цо-цояз.
Алхаматов кколаан Дагъистаналда Хасавюрт мухъалъул вукIарав нухмалъулев. Гьев чIваялъе гIайибияллъун низам цIунулез рехсолел руго жеги МухIамадов Заурбегги, Будайханов ХIабибги, Саипов Геланиги, Къадиев МикагIилги.
Гьезда гьоркьоса МухIамадов Заурбег полициялъ чIвана исана риидал. Гьел гьелъие мукIурлъулелги руго. Амма гьез абулеб буго кколеб мехалда жидеда дандечIей гьабулеб букIанин Заурбегица, гьедин гьесда речIчIичIого ресги букIинчIилан.
ЦIех-рехчагIаз рикIкIунеб буго ГIалимсолтан Алхаматов чIвазе церехун рехсарал гIадамазе тIадкъай ГIумаханов ХIабибица кьунин, щайгурелъул гьесул имгIал, Хасавюрталъул мэр ГIумаханов Сайгидпашада дандечIарав чи вукIанин Алхаматов, гьелда бан гьесдаса рецIел босизе къваригIун букIине рес бугила ХIабиб ГIумахановасе.
ЭР-ялъ цебеккунго бицун букIахъе, 90 абилел соназда республикаялъул тIалъиялъ Хасавюрт мухъалъул нухмалъиялда тана ГIалимсолтан Алхаматов. Ракьул суалазда тIасан магIарулазулгун дагIба-рагIиялда рукIунел лъарагI миллаталъул вакил ккола гьев. Ургъунго ГIумаханов Сайгидпашада дандечIолеб кIиабилеб къуватлъун вукIине тIамунин тIалъиялъ гьев гьенивеян абула республикаялда.
13 ноябралда Германиялдасан Россиялде вачун вачIарав ГIумаханов ХIабибил адвокат МухIамадхIажиев ХIажимурадица бицана гьев Россиялде вачlине жидер лъиениги бокьун букlинчlин.
ХIажимурад МухIамадхIажиев: «Гьанже гьесул процесс гьаниб, Москваялда, букIине буго. Нижее лъиениги бокьун букIинчIо гьев гьаниве Россиялде вачIине. Амма немцаз хIукму гьабунаха гьев къватIиве кьезе».
ГIалимсолтан Алхаматов чIвалелде чанго моцIалъ цеве Хасавюрталда чIван вукIана ГIумаханов Сайгидпашал вацасул вас МухIамадги. ГIумахановазе квешезе Алхаматовазул чагIаз гьабураб чIвай-хъвейлъун рикIкIунеб букIана гьеб гIадамаз. Бицуна живго Алхаматов ГIалимсолтаницаги абун бугила ГIумахановазда Къуръаналда тIад квералги лъун гьедилин жив гьеб такъсир жинца гьабичIолъиялъе. ГIумаханов МухIамадил бакIалда Сайгидпашал гIагарав – ГIумаров МухIамад абурав цойги чи къваригIун вукIун, мекъи ккун гьабураб чIвай-хъвейлъун рикIкIуна гьеб цо-цояз.
Алхаматов кколаан Дагъистаналда Хасавюрт мухъалъул вукIарав нухмалъулев. Гьев чIваялъе гIайибияллъун низам цIунулез рехсолел руго жеги МухIамадов Заурбегги, Будайханов ХIабибги, Саипов Геланиги, Къадиев МикагIилги.
Гьезда гьоркьоса МухIамадов Заурбег полициялъ чIвана исана риидал. Гьел гьелъие мукIурлъулелги руго. Амма гьез абулеб буго кколеб мехалда жидеда дандечIей гьабулеб букIанин Заурбегица, гьедин гьесда речIчIичIого ресги букIинчIилан.
ЦIех-рехчагIаз рикIкIунеб буго ГIалимсолтан Алхаматов чIвазе церехун рехсарал гIадамазе тIадкъай ГIумаханов ХIабибица кьунин, щайгурелъул гьесул имгIал, Хасавюрталъул мэр ГIумаханов Сайгидпашада дандечIарав чи вукIанин Алхаматов, гьелда бан гьесдаса рецIел босизе къваригIун букIине рес бугила ХIабиб ГIумахановасе.
ЭР-ялъ цебеккунго бицун букIахъе, 90 абилел соназда республикаялъул тIалъиялъ Хасавюрт мухъалъул нухмалъиялда тана ГIалимсолтан Алхаматов. Ракьул суалазда тIасан магIарулазулгун дагIба-рагIиялда рукIунел лъарагI миллаталъул вакил ккола гьев. Ургъунго ГIумаханов Сайгидпашада дандечIолеб кIиабилеб къуватлъун вукIине тIамунин тIалъиялъ гьев гьенивеян абула республикаялда.
13 ноябралда Германиялдасан Россиялде вачун вачIарав ГIумаханов ХIабибил адвокат МухIамадхIажиев ХIажимурадица бицана гьев Россиялде вачlине жидер лъиениги бокьун букlинчlин.
ХIажимурад МухIамадхIажиев: «Гьанже гьесул процесс гьаниб, Москваялда, букIине буго. Нижее лъиениги бокьун букIинчIо гьев гьаниве Россиялде вачIине. Амма немцаз хIукму гьабунаха гьев къватIиве кьезе».
