"The Washington Post" газетаялъ лъазабулеб буго Америкаялъул цIех-рехалъул идараялъ къватIире кьун ругин машрикъалъул Украиналда Malaysia Airlines компаниялъул MH17 рейс кьвагьизабиялда хурхен бугел сураталин.
ЦРУялъул директорасул офисалъ лъазабулеб буго гьел суратазда бихьулеб бугин Россиялъул ракетазул система гьениб бакIалде унебин.
MH17 бортизабиялъулъ Россиялъул гIахьалъи
1
Ростовалда аскIоб бугеб Россиялъул рагъулаб базаялда 2014 июналдаса нахъе лъалеб чIаголъи кколеб буго. "The Washington Post" газетаялъул баяназда рекъон, америкалъул цIех-рехчагIаз чIезабун буго Украиналда ругел сепаратистазе гIурусаз рагъулаб квер-чIвай аслияб куцалда гьеб базаялдасан гьабулеб букIин.
2
Россиялъул ракетазул системаялде гъорлъе унеб «Бук» украиналъул Краснодон шагьаралдасан унаго бахъараб сурат лъун букIун буго социалиял сайтазда. The Washington Postалъул баяназда рекъон, гьелъги бихьизабулеб буго Малайзиялъул лайнер кьвагьизабиялъулъ Россиялъул гIахьаллъи букIин.
3
Социалиял сайтазда кьураб гьаб сураталда бихьулеб буго MH17 бортун хадуб Краснодоналъул къотIносан унеб россиялъул «Бук».
4
Америкаялъул цIех-рехчагIазул баяназда рекъон, социалиял сайтазда кьураб гьаб сураталда бихьизабулеб буго Malaysia Airlinesалъул Boeing 777 кьвагьизабун хадуб Краснодоналда гIагардасан унеб Россиялъул «Бук» тIад лъураб транспортёр .
5
Америкаялъул хIукуматалъул спутниказул картаялда бихьулеб буго Malaysia Airlines MH17 унеб нухги, кьвагьараб ракетаялъул траекторияги, лайнер боржунеб бакIалде гьеб щвезе рес букIинги.