Москваялъул тIадтараз изну кьураб гьеб марш унеб букIана Пушкинил цIаралда бугеб майданалдаса бахъараб,Сахаровасул цIаралда бугеб майданалде щвезегIан, колоннаби гьарун унеб халкъалъул къадар, нижер бералъ босаралда рекъон, 30 азарго гIанасев чи вугоан.
Гьелдаса дагьаб цIикIкIараб къадар халкъалъул бачIанин лъазабулеб букIана марш гIуцIаразги.
Амма официалиял лъазабиязда 6-7 азарго чи вачIанин абулеб букIана.
Цо колонаялъе бетIерлъи гьабулеб букIана квегIаб багъабачариялъул лидер Сергей Удальцовас.
КIиабилеб колоннаялъул бетIералда рукIана политикал: Михаил кКьянов, Владимир Рыжков, Борис Немцов, гьездаго цадахъ Илья Яшин, Алексей Навальныйги.
РукIана гьединго инсанасул ихтиярал цIунулелги.
Инсанасул ихтиярал цIуниялда тIасан президентасда цебе бугеб шураялъул гIахьалчи, журналист Николай Сванидзе вукIана хадуб халкколев хIисабалда.
Гьесул бербалагьиялда рекъон маршалъул гIахьалчагIиги гъалмагъир гьабичIого берцинго чIун рукIана, гьездасаги лъикI полицияги чIун букIана кинал рукIаниги гIайибал маршалъул гIахьалчагIаде гIунтIизаричIого, сабурго хал ккун.
Маршалъул гIахьалчагIаз данде чIей гьабулеб букIана Дима Яковлевасул цIаралда къоркь бахъараб къануналде. Гьеб къуваталде лъугьана 2013 соналъул тIоцебесеб январалдаса нахъе.
Америкалъул гражданазе Россиялдаса лъимал хьихьизе рачине гьукъулеб къануналде данде маршал гьединго тIоритIана- Барнаул, Томск, Екатеринбург, Ярославл, Петербург, Доналда бугеб Ростов, Казань, Саратовь ва Калининград шагьараздаги.
Гьелдаса дагьаб цIикIкIараб къадар халкъалъул бачIанин лъазабулеб букIана марш гIуцIаразги.
Амма официалиял лъазабиязда 6-7 азарго чи вачIанин абулеб букIана.
Цо колонаялъе бетIерлъи гьабулеб букIана квегIаб багъабачариялъул лидер Сергей Удальцовас.
КIиабилеб колоннаялъул бетIералда рукIана политикал: Михаил кКьянов, Владимир Рыжков, Борис Немцов, гьездаго цадахъ Илья Яшин, Алексей Навальныйги.
РукIана гьединго инсанасул ихтиярал цIунулелги.
Инсанасул ихтиярал цIуниялда тIасан президентасда цебе бугеб шураялъул гIахьалчи, журналист Николай Сванидзе вукIана хадуб халкколев хIисабалда.
Гьесул бербалагьиялда рекъон маршалъул гIахьалчагIиги гъалмагъир гьабичIого берцинго чIун рукIана, гьездасаги лъикI полицияги чIун букIана кинал рукIаниги гIайибал маршалъул гIахьалчагIаде гIунтIизаричIого, сабурго хал ккун.
Маршалъул гIахьалчагIаз данде чIей гьабулеб букIана Дима Яковлевасул цIаралда къоркь бахъараб къануналде. Гьеб къуваталде лъугьана 2013 соналъул тIоцебесеб январалдаса нахъе.
Америкалъул гражданазе Россиялдаса лъимал хьихьизе рачине гьукъулеб къануналде данде маршал гьединго тIоритIана- Барнаул, Томск, Екатеринбург, Ярославл, Петербург, Доналда бугеб Ростов, Казань, Саратовь ва Калининград шагьараздаги.
