Цо-цоязда гьеб къоялъул магIна бичIчIулеб гьечIоан. Гьединаб байрам букIингицин лъалеб гьечIоан гьезда, жидее къваригIарал идарабазул нуцIби къан ратизегIан. Сундул хIурматалда гьел хIалтIулел гьечIелали лъайдал, гъулгъули бахъунаан гIадамазул чIалгIун ругин гьал байрамалилан.
Конституциялъул къоялъул хIурматалда 26 июль гIодобкъолъун лъазабун букIин бициндал, уйинха, мороженоеги, понцIерабиги, камиталги гурони – тIокIаб жо щибинха гIадамазе къваригIинебин ццидахана МахIачхъалаялдаса ГIалиев Низамудин. Бащдаб лъагIалица цеве жиндиргоги яцалъулги васал рикъун ана гьесул.
ГIалиев Низамудин: «Нилъ ругьунлъун руго Америкаялъул солдатаз ГIиракъалда гьабулелъе къимат кьезе, Афгъанистаналдаги, цогидалъубги гьез гьабулелъул бицине. Нилъер кутаталда халатаб мацIги буго, бералги руго кирего щолел. Амма нилъерго берда цебе гьабулеб жо – зулмуги, гIакъуба кьейги, гьаб балагь-базарги - бихьизе нилъ беццал руго.
Гьаб системаялда кколеб буго бокьараб гьабизе ихтияр бугин жиндирилан. Жиндирго конституцияги буго гьез рукъ бацIцIунеб чIорто гIадин малакь мерхьунеб. Конституциялъул 51 абилеб пункталда тIасан хIуччги цIан, тIун нахъе рехун буго».
ХIакъикъаталда гьеб конституция гIадатияб халкъалъе гуреб, хIакимзабазе къваригIараб жо бугин бицана ЭР-лъе аваразул шагIир МухIамадова Майсаратица.
МухIамадова Майсаратица: «Дида Дагъистаналъул конституцияги лъаларо. Байрамилан дица гьебги рикIкIунаро, магIирукъилан абизе бегьула гьелда. Конституция ургъун букIунаха гIадамазе яшав лъикIлъиялъе, гьел церетIеялъе. Нилъер аниб эб хIакимзабаз жидеего пайдаялъе ургъун бугоха. Ричун росун хъулухъалгун гIумруялъго дора гIодорчIун ругел хIакимзабазе ургъараб конституция гьез кIодо гьабеян абеха, гIадатиял гIадамазе эб щибизе.
РукIа-рахъиналъул хъулухъазухъ пачалихъалъ гIарац гIемер босун, ракьул къотIелазухъ магъалаби цIикIкIинабун – гьедин халкъалъе квешлъи гьабизе гIодор рукIун руго дол дора».
Байрамкъоялъ жиндихъегоги ахIун, Дагъистаналъул нухмалъулес пачалихъиял шапакъатал кьуна дагъистаниязул цо къокъаялъе. Гьел киналго рукIана республикаялъул нухмалъиялда ругел гIадамал.
Масала, пачалихъияй секретарь Такибат МахIмудова, рищиязул комиссиялъул вакил Халид Халидов, Халкъияб Мажлисалъул комитеталъул нухмалъулев Михаил Гашимов, конституциялъул диваналъул нухмалъулев МухIамад Халитов ва жеги гIезегIан министралги, гьел хисулелги, ректоралги, гьезда релълъаралги.
Конституциялъул къоялъул хIурматалда 26 июль гIодобкъолъун лъазабун букIин бициндал, уйинха, мороженоеги, понцIерабиги, камиталги гурони – тIокIаб жо щибинха гIадамазе къваригIинебин ццидахана МахIачхъалаялдаса ГIалиев Низамудин. Бащдаб лъагIалица цеве жиндиргоги яцалъулги васал рикъун ана гьесул.
ГIалиев Низамудин: «Нилъ ругьунлъун руго Америкаялъул солдатаз ГIиракъалда гьабулелъе къимат кьезе, Афгъанистаналдаги, цогидалъубги гьез гьабулелъул бицине. Нилъер кутаталда халатаб мацIги буго, бералги руго кирего щолел. Амма нилъерго берда цебе гьабулеб жо – зулмуги, гIакъуба кьейги, гьаб балагь-базарги - бихьизе нилъ беццал руго.
Гьаб системаялда кколеб буго бокьараб гьабизе ихтияр бугин жиндирилан. Жиндирго конституцияги буго гьез рукъ бацIцIунеб чIорто гIадин малакь мерхьунеб. Конституциялъул 51 абилеб пункталда тIасан хIуччги цIан, тIун нахъе рехун буго».
ХIакъикъаталда гьеб конституция гIадатияб халкъалъе гуреб, хIакимзабазе къваригIараб жо бугин бицана ЭР-лъе аваразул шагIир МухIамадова Майсаратица.
МухIамадова Майсаратица: «Дида Дагъистаналъул конституцияги лъаларо. Байрамилан дица гьебги рикIкIунаро, магIирукъилан абизе бегьула гьелда. Конституция ургъун букIунаха гIадамазе яшав лъикIлъиялъе, гьел церетIеялъе. Нилъер аниб эб хIакимзабаз жидеего пайдаялъе ургъун бугоха. Ричун росун хъулухъалгун гIумруялъго дора гIодорчIун ругел хIакимзабазе ургъараб конституция гьез кIодо гьабеян абеха, гIадатиял гIадамазе эб щибизе.
РукIа-рахъиналъул хъулухъазухъ пачалихъалъ гIарац гIемер босун, ракьул къотIелазухъ магъалаби цIикIкIинабун – гьедин халкъалъе квешлъи гьабизе гIодор рукIун руго дол дора».
Байрамкъоялъ жиндихъегоги ахIун, Дагъистаналъул нухмалъулес пачалихъиял шапакъатал кьуна дагъистаниязул цо къокъаялъе. Гьел киналго рукIана республикаялъул нухмалъиялда ругел гIадамал.
Масала, пачалихъияй секретарь Такибат МахIмудова, рищиязул комиссиялъул вакил Халид Халидов, Халкъияб Мажлисалъул комитеталъул нухмалъулев Михаил Гашимов, конституциялъул диваналъул нухмалъулев МухIамад Халитов ва жеги гIезегIан министралги, гьел хисулелги, ректоралги, гьезда релълъаралги.
