Дагъистаналдаса гьеб автобус къватIибехун бахъун буго талат къоялъ къаси сагIат 7 тIубараб гIужалда. ГIорхъолъа рорчIарал ахIвал хIалазул рахъалъ министерлъиялъул пресс-хъулухъалъул хIалтIухъан ГъазимухIамадова Тамилаца гьадинан бицана:
Тамила ГъазимухIамадова: «Лъугъа бахъин ккун буго жакъа радал Ставрополалда аскIосан унеб «Тахта-Ипатово» абулеб шагьранухда аскIоб. МахIачхъалаялдаса Москваялде бачIунеб букIараб автобус дандречIун буго12 маркаялъул ВАЗ автомобилалда. Нижехъе шварал ахирисел баяназда рекъон авариялде ккарал гIадамазул 5 чи хун вуго 43 лъукъун вуго.
Гьезда гьоркьоса лъабгоял ккола 12 маркаялъул автомобилалда, 2 чIужугIадан МахIачхъалаялдаса бачIунеб автобусалда жанир рукIарал гIадамал. Лъукъарал ва хваразул гIагарлъи Ставрополалде щун руго».
Россиялъул шагьаразде автобусал хьвадулеб чанго парк буго Дагъистаналда. Талат къоялъ Москваялде гIадамалги рачун автобус чIолеб паркалде швана гьелъул хIакъалъулъ баян швезе. Амма автопаркалъул нухмалъиялдаса байбихьун цонигиязе рекIее гIечIо жидее кьолел суалал, щибниги бицинарин чIана. ХIатта гьаниса нахъе айиланцин лъугьана гьезул цо- цоял.
Официалияб къагIидаялъ хIалтIулеб МахIачахъалаялъул автовокзалалъул нухмалъулев хисулев ХIусенов ХIусеница бицана «Эркенлъи» радиоялъе бицен гьабулеб автопаркалда ругел гIемерисел автобус бачунел гIадамал гIолохъанаб ригьалъул гIолилал ругин.
Нижер программаялъе жиндирго кIалъай бахъизе разилъичIо гьев, амма абуна жинда ракIчIун лъалин бицен гьабулеб автопаркалда хIалтIулел гIемерисел гIолилал кколин агъаз гьечIого жидерго хIалтIи гьабулел гIадамал.
Гьеб баян дагьабги тасдикъ гьабуна гьеб автовокзалалда хIалтIулев хIалтIухъан СагIидицаги. Мисалалъе гьесда чанги рагIун бугоан гьез цоцазда абулеб МахIачхъалаялдаса Москваялде дун дудасаги хекко щвезе вугилан гьоркьоб къец балеб. Гьединал тIасан ккарал мурадалгун рахъунин гьел сапаралъ, тIад рекIарал гIадамазул ургъелцин букIунарин гьезиеян абуна СагIидица.
МахIачхъалялъул автовокзалалъул хIалтIухъабаз гьединго бицана тахашагьаралъул ЦIумадисезул базаралда аскIоб бугин гьел автобусал чIолеб бакI. Гьединаб къваридаб бакIалда чIахIиял автобусал рукIине бегьулареблъи киназдаго лъалин, амма автопаркалда хIалтIулезе гьелъул ургъелцин гьечIин, щайгурелъул гьезие мугъчIвай гьабулеб бугин цо хасал чагIазул къуваталъ.
Тамила ГъазимухIамадова: «Лъугъа бахъин ккун буго жакъа радал Ставрополалда аскIосан унеб «Тахта-Ипатово» абулеб шагьранухда аскIоб. МахIачхъалаялдаса Москваялде бачIунеб букIараб автобус дандречIун буго12 маркаялъул ВАЗ автомобилалда. Нижехъе шварал ахирисел баяназда рекъон авариялде ккарал гIадамазул 5 чи хун вуго 43 лъукъун вуго.
Гьезда гьоркьоса лъабгоял ккола 12 маркаялъул автомобилалда, 2 чIужугIадан МахIачхъалаялдаса бачIунеб автобусалда жанир рукIарал гIадамал. Лъукъарал ва хваразул гIагарлъи Ставрополалде щун руго».
Россиялъул шагьаразде автобусал хьвадулеб чанго парк буго Дагъистаналда. Талат къоялъ Москваялде гIадамалги рачун автобус чIолеб паркалде швана гьелъул хIакъалъулъ баян швезе. Амма автопаркалъул нухмалъиялдаса байбихьун цонигиязе рекIее гIечIо жидее кьолел суалал, щибниги бицинарин чIана. ХIатта гьаниса нахъе айиланцин лъугьана гьезул цо- цоял.
Официалияб къагIидаялъ хIалтIулеб МахIачахъалаялъул автовокзалалъул нухмалъулев хисулев ХIусенов ХIусеница бицана «Эркенлъи» радиоялъе бицен гьабулеб автопаркалда ругел гIемерисел автобус бачунел гIадамал гIолохъанаб ригьалъул гIолилал ругин.
Нижер программаялъе жиндирго кIалъай бахъизе разилъичIо гьев, амма абуна жинда ракIчIун лъалин бицен гьабулеб автопаркалда хIалтIулел гIемерисел гIолилал кколин агъаз гьечIого жидерго хIалтIи гьабулел гIадамал.
Гьеб баян дагьабги тасдикъ гьабуна гьеб автовокзалалда хIалтIулев хIалтIухъан СагIидицаги. Мисалалъе гьесда чанги рагIун бугоан гьез цоцазда абулеб МахIачхъалаялдаса Москваялде дун дудасаги хекко щвезе вугилан гьоркьоб къец балеб. Гьединал тIасан ккарал мурадалгун рахъунин гьел сапаралъ, тIад рекIарал гIадамазул ургъелцин букIунарин гьезиеян абуна СагIидица.
МахIачхъалялъул автовокзалалъул хIалтIухъабаз гьединго бицана тахашагьаралъул ЦIумадисезул базаралда аскIоб бугин гьел автобусал чIолеб бакI. Гьединаб къваридаб бакIалда чIахIиял автобусал рукIине бегьулареблъи киназдаго лъалин, амма автопаркалда хIалтIулезе гьелъул ургъелцин гьечIин, щайгурелъул гьезие мугъчIвай гьабулеб бугин цо хасал чагIазул къуваталъ.
