Блоггерал информалатазда «ращад» гьаруна Пачалихъияб Думаялъ
Сайтазда жидецаго гьарурал хъвай-хъвагIаял, гьенир тарал кIвар бугел баянал, къокъ гьабун абуни гьениб босанщинаб галиялъул хIакъалъулъ баян, анлъго моцIалъ сайталдаса нахъе бацIцIинчIого тезе кколеб буго блогераз, гьел тIалабал тIурачIого теялъухъ щунус азарго гъурущ гIакIа бахъизе изну кьоелб буго цIияб къануналъ.
Гьелда тIад рекъон улкаялъул нухмалъулевги, критикиял къиматал кьезе жив лъугьинарин, амма цо чияс интернеталда гьабураб хъвай-хъвагIай азарго чияс цIалулеб бугони халкъиял информалатаздаса батIияб жо гьеб блогалъул бихьулеб гьечIин жинда.
Амма инсанасул ихтияразул рахъалъ президентасда цебе гIуцIараб шураялъул нумалъулев Михаил Федетовас ахIи-хIур бахъинабуна гьеб къануналда тIасан. Пачалихъияб Думаялъ къабул гьабун хадуб гьал гьанже халгьабиялде босизе буго Федералияб Шураялъ. Гьелъул нухмалъулей Валентина Матвиенкохъе рагьараб кагъат хъван буго буго Федотовас къанун къабул гьабилелде цебе хасаб комиссия гIуцIизе кколин.
Жиндирго кагътида Федотовас кIвар бусснабулеб жакъасеб интернеталъул тIалабазде дандекколарин гьеб къанун, гьединго цо-цо бакIазда гьеб дандечIараб бугин инсанасул ихтияраздеги.
Нижеца цIех-рех гьабуна гьеб къануналда тIасан цо-цо Дагъистаналда интернет-сайтазда хъвадарулел гIадамазда гьоркьоб. Гьединаб къанун къабул гьабиялъе ккараб хIажалъи букIинчIин жакъа Пачалихъияб Думаялъул, щайгурелъул сордо-къоялда жаниб 3000 чи жиндир интернеталда бугеб гьумералде ваккулев цониги блоггер гьечIин Дагъистаналда, Россиялдагицин гьел килщазда рикIкIине бегьулин абулеб буго Дагъистаналдаса блогер Лабазанов МухIамадица.
Лабазанов МухIамад: «ГьабсагIат Россиялда ва гьединго Дагъистаналдаги цIакъ гIемераб къадар буго блогеразул. Нилъеда бихьана кIиго соналъ цебе гIадин гIарабазул ракьалда «арабская весна» абун гьабураб революция, гьеб букIана аслияб куцалда твиттералд, фейсбукалда ва цогидалги социалиял сетазда хъвадарулел блогеразул хIаракаталъ гьабураб багъа-бачари. Гъодинал жалги хIисабалде росун къабул гьабураб къанун батизеги бегьула гьеб. ГьабсагIат рагIуе кьун бугеб эркенлъиги хIисабалде босун блjгерасул ихтияр бугелъул бокьарал, заралияб, экстемистазулаб темаялда хурхарал хитIабал гьаризе интернеталдаса, гьединал чагIазда хадуб халкквезелъун гьабураб хIалтIиги батизе бегьула гьеб».
Гьеб гуребги жакъа Дагъистаналда ругел блогераз гьабулеб хIаракатчилъиялда жаниб цохIо гIадамасе жамагIаталъе пайдаяб гурони цониги такъсирчилъиялда хурхараб цониги хъвай-хъвагIай яги хIалтIи гьез гьабичIин.
Гьеб къанун къабул гьабиялдалъун рагьун кIалъазе изну кьураб ресалдаса махIрум гьабулеб бугин эркенаб куцалъ интернеталдасан хъвадарулел рукIарал гIадамал, гьелда разилъизе кIоларин жинда, амма гьелдаго цадахъ чанги ругелъулин интернеталдса чанги къваригIел гьечIел жал хъван гIадамазда гьоркьоб питна бекьулелги гIадамал, гьединаб къавмалъеги чара гьечIеб къанун бугин гьебилан рикIкIунеб буго МахIачхъалаялдаса Алиса Алдашевалъ.
Алдашева Алиса: «Нилъеда бихьулеб буго дагъистналдаса къватIиреги ун чияр хIукуматалдаги чIун Россиялдаса гьоркьоса нилъ ратIа гьаризе къваригIараб магIнаялъул чанги хIажат гьечIеб информация тола гьез сетазда. Гьединал гIадамал гIемер ругищали чIванкъотIун абичIонини чанги дандчIвала. Дида ккола гьелги къваригIунин, кин бугониги кIиябго рахъалъул пикру лъазе кколелъул нилъеда, амма цIакъго тIасанккун лъугьарал чагIи тезеги бегьилишха»
Пачалихъияб Думаялъ къабул гьабураб гьеб къануналъ тIалаб гьабулеб буго 3000 чиясдаса цIикIкIун чи жиндир блогалде ваккун ватани гьеб блог тIубараб информ алатазул бутIалъун рикIкIине кколилан. Амма гьединал блоггерал Россиялда цIакъго дагьал гурони гьечIо жакъа.
Сайтазда жидецаго гьарурал хъвай-хъвагIаял, гьенир тарал кIвар бугел баянал, къокъ гьабун абуни гьениб босанщинаб галиялъул хIакъалъулъ баян, анлъго моцIалъ сайталдаса нахъе бацIцIинчIого тезе кколеб буго блогераз, гьел тIалабал тIурачIого теялъухъ щунус азарго гъурущ гIакIа бахъизе изну кьоелб буго цIияб къануналъ.
Гьелда тIад рекъон улкаялъул нухмалъулевги, критикиял къиматал кьезе жив лъугьинарин, амма цо чияс интернеталда гьабураб хъвай-хъвагIай азарго чияс цIалулеб бугони халкъиял информалатаздаса батIияб жо гьеб блогалъул бихьулеб гьечIин жинда.
Амма инсанасул ихтияразул рахъалъ президентасда цебе гIуцIараб шураялъул нумалъулев Михаил Федетовас ахIи-хIур бахъинабуна гьеб къануналда тIасан. Пачалихъияб Думаялъ къабул гьабун хадуб гьал гьанже халгьабиялде босизе буго Федералияб Шураялъ. Гьелъул нухмалъулей Валентина Матвиенкохъе рагьараб кагъат хъван буго буго Федотовас къанун къабул гьабилелде цебе хасаб комиссия гIуцIизе кколин.
Жиндирго кагътида Федотовас кIвар бусснабулеб жакъасеб интернеталъул тIалабазде дандекколарин гьеб къанун, гьединго цо-цо бакIазда гьеб дандечIараб бугин инсанасул ихтияраздеги.
Нижеца цIех-рех гьабуна гьеб къануналда тIасан цо-цо Дагъистаналда интернет-сайтазда хъвадарулел гIадамазда гьоркьоб. Гьединаб къанун къабул гьабиялъе ккараб хIажалъи букIинчIин жакъа Пачалихъияб Думаялъул, щайгурелъул сордо-къоялда жаниб 3000 чи жиндир интернеталда бугеб гьумералде ваккулев цониги блоггер гьечIин Дагъистаналда, Россиялдагицин гьел килщазда рикIкIине бегьулин абулеб буго Дагъистаналдаса блогер Лабазанов МухIамадица.
Лабазанов МухIамад: «ГьабсагIат Россиялда ва гьединго Дагъистаналдаги цIакъ гIемераб къадар буго блогеразул. Нилъеда бихьана кIиго соналъ цебе гIадин гIарабазул ракьалда «арабская весна» абун гьабураб революция, гьеб букIана аслияб куцалда твиттералд, фейсбукалда ва цогидалги социалиял сетазда хъвадарулел блогеразул хIаракаталъ гьабураб багъа-бачари. Гъодинал жалги хIисабалде росун къабул гьабураб къанун батизеги бегьула гьеб. ГьабсагIат рагIуе кьун бугеб эркенлъиги хIисабалде босун блjгерасул ихтияр бугелъул бокьарал, заралияб, экстемистазулаб темаялда хурхарал хитIабал гьаризе интернеталдаса, гьединал чагIазда хадуб халкквезелъун гьабураб хIалтIиги батизе бегьула гьеб».
Гьеб гуребги жакъа Дагъистаналда ругел блогераз гьабулеб хIаракатчилъиялда жаниб цохIо гIадамасе жамагIаталъе пайдаяб гурони цониги такъсирчилъиялда хурхараб цониги хъвай-хъвагIай яги хIалтIи гьез гьабичIин.
Гьеб къанун къабул гьабиялдалъун рагьун кIалъазе изну кьураб ресалдаса махIрум гьабулеб бугин эркенаб куцалъ интернеталдасан хъвадарулел рукIарал гIадамал, гьелда разилъизе кIоларин жинда, амма гьелдаго цадахъ чанги ругелъулин интернеталдса чанги къваригIел гьечIел жал хъван гIадамазда гьоркьоб питна бекьулелги гIадамал, гьединаб къавмалъеги чара гьечIеб къанун бугин гьебилан рикIкIунеб буго МахIачхъалаялдаса Алиса Алдашевалъ.
Алдашева Алиса: «Нилъеда бихьулеб буго дагъистналдаса къватIиреги ун чияр хIукуматалдаги чIун Россиялдаса гьоркьоса нилъ ратIа гьаризе къваригIараб магIнаялъул чанги хIажат гьечIеб информация тола гьез сетазда. Гьединал гIадамал гIемер ругищали чIванкъотIун абичIонини чанги дандчIвала. Дида ккола гьелги къваригIунин, кин бугониги кIиябго рахъалъул пикру лъазе кколелъул нилъеда, амма цIакъго тIасанккун лъугьарал чагIи тезеги бегьилишха»
Пачалихъияб Думаялъ къабул гьабураб гьеб къануналъ тIалаб гьабулеб буго 3000 чиясдаса цIикIкIун чи жиндир блогалде ваккун ватани гьеб блог тIубараб информ алатазул бутIалъун рикIкIине кколилан. Амма гьединал блоггерал Россиялда цIакъго дагьал гурони гьечIо жакъа.
