Сергей Леонов диванханаялде вачIана 13 сентябралда ва гьес кьураб жавабалдасан баянлъана Расулица кьабураб зар сабаблъун Иван хвечIевлъи. Экспертас тIаде жубана кьабиялъул хIасилалда хун вукIаравани, Иванил гьурмада кIудияб ругъун лъугьине кколаанин, амма гьединаб ругъун букIинчIилан. Итни къоялъ Замоскворецкий диваналъ лъазабуна гьеб лъугьа-бахъиналда хурхун щуго экспертиза тIобитIизе бугилан. Диванханаялъ баян гьабуна гьелда хурхун кинабниги ункъо экспертиза тIобитIун букIанин цебеккун, амма гьел гьарун рукIанин тохтурзабаз, диванханаялда гьезул хIасилал гIей гьечIеллъун рихьулел руго.
Рехсараб лъугьа-бахъин ккана араб соналъул августалда. Москваялъул «Гараж» абулеб рекIелгъеялъе гIолилал данделъулеб клубалдаса къватIире рачIунеб заманалда Расулидаги, 19 сон барав студент Иван Агафоновасдаги гьоркьоб ккун букIана кьал. Расулида цадахъ йикIарай гIолилай Косогорова Алладе инжитал рагIаби абунин Иваницаян абулеб буго. Гьеб тасдикъ гьабуна доб сордоялъ гьеб бакIалда аскIор рукIарал Расулил гьудул-гьалмагъзабазги цогидал гIадамазги.
Расул Мирзаевасул адвокат рази гьечIо диваналъулаб процесс гьедин халат гьабулеб букIиналдаса. Ахирисеб данделъиялда гьес рази гьечIого абуна кинабго гьадигIан халат бахъине гьабизе ккани, гIилла щибин, хIукму къотIизе заман
щун бугин цебегойилан. Гьаниб гьединго тIаде жубачIого гIоларо, Иван Агафонов вегизавураб азарханаялъул хIалтIухъабаз жидерго хIалтIулъ биччараб тIаса-масалъиялде кIвар буссинабулаго, Расулил адвокатас абуна гьелги цIазе кколин тамихIалдеян.
Расул Мирзаевасда сверухъ унеб цIех-рехалда жаниб миллатчилъиялъул мисал бихьизабулеб букIиналъул гIемераб бицана рехсараб лъугьа-бахъин ккаралдаса Дагъистаналъул информациялъулал алатаз. Расулил бакIалда цогидав, гIадатияв гIурус милаталъул чи вукIараван, гьеб суалалде цебего нуцIа къазе букIанилан чанго нухалда абуна жидерго пикраби загьир гьарулаго жамгIиял хIаракатчагIазги, юристазгун экспретазги, гьединго гIадатиял гIадамазги.
Жинца гIажаиблъи гьабулеб бугин диванхана чIванкъотIараб хIукмуялде бачIине кIунгутIиялдаян абуна ЭР-ялъе Марина Абрамкиналъги. Дагъистаналъул Халкъияб Мажлисалъул гIолилазулгун спорталъул ва туризмалъул рахъалъ комитеталъул нухмалъулей ккола гьей. 10 соналъулаб хIалбихьи бугей юрист хIисабалдаги жинда ракIчIун абизе кIолила гьениб Расулида кинабниги гIайиб гьечIилан. Гьеб ритIухъ гьабунин чанго нухалъ батIайиса диванханаялде ахIарал гьеб лъугьа бахъиналдехун хурхен бугел нугIзалги. РачIайинха хIисаб гьабизе гьадинаб хIужаялъухъ, абулеб буго Абрамкиналъ: Расулица кьабун хадув гьев гIолилав хун гьечIин, тIадежоялъе расги гьечIеб гIадин тIадеги вахъун ун вугин азарханаялде. Гьелдаса хадубги бан бугин ункъо къо. Ункъо къоян нахъеги такрар гьабуна гьелъ. Лъидайинха лъалеб гьеб ункъо къоялда жаниб щиб лъугьарабали, гьелъул щайин цIех рех гьабулареб:
Марина Абрамкина: «Гьаниб цIакъго бичIчIизе захIмат буго диванханаялъ гьабулеб хIалтIи. Щайгурелъул гьез загьир гьабулеб гьечIо жидерго пикру, сунда жидеца тIадчIей гьабулеб бугебалицин. Жакъа батIияб бицун метерисала батIияб рехсон, хадуса абуни тIуранго хадур гъезе толел гьечIо гьез, нахъойги абила диваналъул позиция бичIчIизе кIолеб гьечIо. СверутIаса сверутIе унеб буго гьеб щибаб нухалъ, хIукму къотIулелъул рагIа-ракьанде щунгутIиялъул хIасилалда цоцада хадуб цун раккулел руго гIемерал, цIакъго гIемерал суалал, дица абила хIажатцин гьечIел суалалилан. БукIине кколедухъ жиндир заманалда гьез хIукму къотIарабани, гьадинаб гIала-гъважаги букIинароан».
Миллатчилъиги хIалтIизабун Расулие гьабулеб диваналдаса разилъи гьечIолъи загьир гьабун Россиялъул нухмалъиялъухъе хитIаб гьабун букIана Халкъияб Мажлисалъул депутатаз исана ихдал парламенталъул каникулазда цебе. Диваналъул данделъаби хадурккунги халатрахъине ругони, гьединабго хитIаб нахъойги гьабизе бугилан абуна Марина Абармкиналъ ЭР-ялъе. Амма жиндир хьул бугин тIара-магъадаги тIобитIизе бугеб диваналъул процессалда хадувгIаги Расул къватIиве виччалилан.
Итни къоялъ Замоскворецкий диваналъ лъазабуна Расулида хурхун иргадулаб данделъи октябралъул 17-абилеб къоялъ тIобитIизе бугилан.
Рехсараб лъугьа-бахъин ккана араб соналъул августалда. Москваялъул «Гараж» абулеб рекIелгъеялъе гIолилал данделъулеб клубалдаса къватIире рачIунеб заманалда Расулидаги, 19 сон барав студент Иван Агафоновасдаги гьоркьоб ккун букIана кьал. Расулида цадахъ йикIарай гIолилай Косогорова Алладе инжитал рагIаби абунин Иваницаян абулеб буго. Гьеб тасдикъ гьабуна доб сордоялъ гьеб бакIалда аскIор рукIарал Расулил гьудул-гьалмагъзабазги цогидал гIадамазги.
Расул Мирзаевасул адвокат рази гьечIо диваналъулаб процесс гьедин халат гьабулеб букIиналдаса. Ахирисеб данделъиялда гьес рази гьечIого абуна кинабго гьадигIан халат бахъине гьабизе ккани, гIилла щибин, хIукму къотIизе заман
щун бугин цебегойилан. Гьаниб гьединго тIаде жубачIого гIоларо, Иван Агафонов вегизавураб азарханаялъул хIалтIухъабаз жидерго хIалтIулъ биччараб тIаса-масалъиялде кIвар буссинабулаго, Расулил адвокатас абуна гьелги цIазе кколин тамихIалдеян.
Расул Мирзаевасда сверухъ унеб цIех-рехалда жаниб миллатчилъиялъул мисал бихьизабулеб букIиналъул гIемераб бицана рехсараб лъугьа-бахъин ккаралдаса Дагъистаналъул информациялъулал алатаз. Расулил бакIалда цогидав, гIадатияв гIурус милаталъул чи вукIараван, гьеб суалалде цебего нуцIа къазе букIанилан чанго нухалда абуна жидерго пикраби загьир гьарулаго жамгIиял хIаракатчагIазги, юристазгун экспретазги, гьединго гIадатиял гIадамазги.
Жинца гIажаиблъи гьабулеб бугин диванхана чIванкъотIараб хIукмуялде бачIине кIунгутIиялдаян абуна ЭР-ялъе Марина Абрамкиналъги. Дагъистаналъул Халкъияб Мажлисалъул гIолилазулгун спорталъул ва туризмалъул рахъалъ комитеталъул нухмалъулей ккола гьей. 10 соналъулаб хIалбихьи бугей юрист хIисабалдаги жинда ракIчIун абизе кIолила гьениб Расулида кинабниги гIайиб гьечIилан. Гьеб ритIухъ гьабунин чанго нухалъ батIайиса диванханаялде ахIарал гьеб лъугьа бахъиналдехун хурхен бугел нугIзалги. РачIайинха хIисаб гьабизе гьадинаб хIужаялъухъ, абулеб буго Абрамкиналъ: Расулица кьабун хадув гьев гIолилав хун гьечIин, тIадежоялъе расги гьечIеб гIадин тIадеги вахъун ун вугин азарханаялде. Гьелдаса хадубги бан бугин ункъо къо. Ункъо къоян нахъеги такрар гьабуна гьелъ. Лъидайинха лъалеб гьеб ункъо къоялда жаниб щиб лъугьарабали, гьелъул щайин цIех рех гьабулареб:
Марина Абрамкина: «Гьаниб цIакъго бичIчIизе захIмат буго диванханаялъ гьабулеб хIалтIи. Щайгурелъул гьез загьир гьабулеб гьечIо жидерго пикру, сунда жидеца тIадчIей гьабулеб бугебалицин. Жакъа батIияб бицун метерисала батIияб рехсон, хадуса абуни тIуранго хадур гъезе толел гьечIо гьез, нахъойги абила диваналъул позиция бичIчIизе кIолеб гьечIо. СверутIаса сверутIе унеб буго гьеб щибаб нухалъ, хIукму къотIулелъул рагIа-ракьанде щунгутIиялъул хIасилалда цоцада хадуб цун раккулел руго гIемерал, цIакъго гIемерал суалал, дица абила хIажатцин гьечIел суалалилан. БукIине кколедухъ жиндир заманалда гьез хIукму къотIарабани, гьадинаб гIала-гъважаги букIинароан».
Миллатчилъиги хIалтIизабун Расулие гьабулеб диваналдаса разилъи гьечIолъи загьир гьабун Россиялъул нухмалъиялъухъе хитIаб гьабун букIана Халкъияб Мажлисалъул депутатаз исана ихдал парламенталъул каникулазда цебе. Диваналъул данделъаби хадурккунги халатрахъине ругони, гьединабго хитIаб нахъойги гьабизе бугилан абуна Марина Абармкиналъ ЭР-ялъе. Амма жиндир хьул бугин тIара-магъадаги тIобитIизе бугеб диваналъул процессалда хадувгIаги Расул къватIиве виччалилан.
Итни къоялъ Замоскворецкий диваналъ лъазабуна Расулида хурхун иргадулаб данделъи октябралъул 17-абилеб къоялъ тIобитIизе бугилан.
