РакIалде щвезабила гьелго чагIи гIахьаллъана 28 июлалда Авар театралда цебе тIобитIараб митингалда. Гьенибги гьез жидер васал ругел бакI бицеян гьарулеб букIана. Театралда цебе букIараб митингалда вачIана нусгоялде гIагарав чи. Ленинил майданалда тIобитIараб митингалда 10-12 чIужугIадан ячIана.
ХъахIаб рукъалда цебе бугеб маххул чалиялда цереги чIун гьез Дагъистаналъул нухмалъулев Рамазан ГIабдулатIиповасдехун ахIдолеб букIана жидехъе къватIиве вачIаян.
ГIабдулаевасул эбел ПатIимат ГIабдулкъадыровалъ бицана жиндие бокьун бугин ГIабдулатIиповасда абизе жиндир вас вугеб бакI лъазабизе хIаракатбахъеян.
Цебе тIобитIараб митингалда Закирагаевасул эбел Султанат МухIамадовалъ бицун букIана Эркенлъи радиоялъе жиндир васги ГIабдуллаевги къотIносан унел рукIанин, гьезда аскIоб чаналиго автомобиль чIезабураб мехалда.
Гьурмазда маскабиги ххурал, кодор автоматалги ругел чагIи рахъун рачIанин автомобилаздасайилан бицун буго нугIзаз хадуб васазул гIагарлъиялда.
Гьез бицаралда рекъон, ГIабдулаевги Закирагаевги лъутизе лъугьун руго дол чагIазухъа, амма автоматалдаса кьвагьун буго гьезул рахъалдехун маскаби ххураз. КIиязулго хIатIазда щванин гуллбиян бицун буго нугIзаз.
ГIабдулаевги Закирагаевги автомобилалда жанир рехун, маскаби ххурал тIурун руго лъугьа-бахъин ккараб бакIалдаса.
Жидер васал лъица рачун аралали лъазабеян жидеца гIарзаби хъванин Дагъистаналъул хIукуматалдеги, прокуратураялдеги, Жанисел ишазул министерлъиялдегиилан бицана ГIабдулкъадыровалъ ва МухIамадовалъ.
ХъахIаб рукъалъул чалиялда цереги эхетун гьел ахIдолел рукIана кIиго моцI анин васал ругел бакIги лъачIого.
15-20 минут бана руччабаз ХъахIаб рукъалда цебе. Гьезда аскIоре бачIана полициялъул къокъа, хадуб кIиго УАЗги бачIана. Полициялъулаз сверун ккун руччаби чалиялда аскIоса нахъе гъуна майданалда гIагарда бугеб паркалде.
Тадбиралда гIахьаллъараз абуна кIалбичан къоялдаса хадуб жидеца цогидал митингал гьаризе ругилан. Рикъаразул улбуз абуна митингаз кумек гьабичIони жидеца ракъунчIеялъул акциял гьаризе ругин.
ХъахIаб рукъалда цебе бугеб маххул чалиялда цереги чIун гьез Дагъистаналъул нухмалъулев Рамазан ГIабдулатIиповасдехун ахIдолеб букIана жидехъе къватIиве вачIаян.
ГIабдулаевасул эбел ПатIимат ГIабдулкъадыровалъ бицана жиндие бокьун бугин ГIабдулатIиповасда абизе жиндир вас вугеб бакI лъазабизе хIаракатбахъеян.
Цебе тIобитIараб митингалда Закирагаевасул эбел Султанат МухIамадовалъ бицун букIана Эркенлъи радиоялъе жиндир васги ГIабдуллаевги къотIносан унел рукIанин, гьезда аскIоб чаналиго автомобиль чIезабураб мехалда.
Гьурмазда маскабиги ххурал, кодор автоматалги ругел чагIи рахъун рачIанин автомобилаздасайилан бицун буго нугIзаз хадуб васазул гIагарлъиялда.
Гьез бицаралда рекъон, ГIабдулаевги Закирагаевги лъутизе лъугьун руго дол чагIазухъа, амма автоматалдаса кьвагьун буго гьезул рахъалдехун маскаби ххураз. КIиязулго хIатIазда щванин гуллбиян бицун буго нугIзаз.
ГIабдулаевги Закирагаевги автомобилалда жанир рехун, маскаби ххурал тIурун руго лъугьа-бахъин ккараб бакIалдаса.
Жидер васал лъица рачун аралали лъазабеян жидеца гIарзаби хъванин Дагъистаналъул хIукуматалдеги, прокуратураялдеги, Жанисел ишазул министерлъиялдегиилан бицана ГIабдулкъадыровалъ ва МухIамадовалъ.
ХъахIаб рукъалъул чалиялда цереги эхетун гьел ахIдолел рукIана кIиго моцI анин васал ругел бакIги лъачIого.
15-20 минут бана руччабаз ХъахIаб рукъалда цебе. Гьезда аскIоре бачIана полициялъул къокъа, хадуб кIиго УАЗги бачIана. Полициялъулаз сверун ккун руччаби чалиялда аскIоса нахъе гъуна майданалда гIагарда бугеб паркалде.
Тадбиралда гIахьаллъараз абуна кIалбичан къоялдаса хадуб жидеца цогидал митингал гьаризе ругилан. Рикъаразул улбуз абуна митингаз кумек гьабичIони жидеца ракъунчIеялъул акциял гьаризе ругин.
