Абизе бегьила терроралде данде къеркьезеян цодагьалъ цере Чачанлъиялдаса Дагъистаналде рехарал рагъулазги щибго хисичIин. 26 ва 27 июлалда ккаралъ гьелъие нугIлъи гьабула.
26 июлалда сардил мехалда ЦIунтIа мухъалъул ЧIалахъ росулъ чIвана мадрасалда дарсал кьолев СаидахIмад Иманов. 35 сон барав гьев льугьа-бахъин ккараб бакIалдаго хун вуго.
Дагъистаналъул жанисел ишазул министерлъиялда лъазабуна такъсир гьабиялъул иш рагьун бугин уголовияб кодексалъул кIиго бутIаялдалъун: чи чIвай, къануналда рекъечIого ярагъ тIибитIизаби.
Иманов чIваялъе кинаб гIилла букIарабали официалияб къагIидаялъ лъазабулеб гьечIо. Дагъистаналъул ЦIех-рехалъул комитеталда хIалтIулес (жиндир цIар абугеянги гьарун) бицана Дагъистаналъул бусурбабазул идараялъул вакиллъун вукIанин чIваравилан.
Идараялда гъорлъе унаан аслияб къагIидаялъ суфиял. Иманов хIалтIулев вукIана Гъуталъ росулъ. Гьенир гIумру гьарулел салафиязулгун гьесул рагIи данде кколеб букIун гьечIо. Иманов чIваялда гьеб кинабго хурхараб бугебищ гьечIебищ ЦIех-рехалъул комитеталъул вакилас мухIкан гьабичIо, амма тIаде жубана гъоркьисала Имановасул минадул азбаралъубе граната рехун букIанин. Гьеб кьвагьичIого хутIана.
Динияв хIаракатчи чIваялъул хIужа гьаб моцIалъул байбихьудаги ккун букIана. Буйнахъск мухъалъул Карамахи росулъ лъицалиго чIвана мажгиталъул имамги, как базе вачIаравги. ЧIваразул жаназабиги къватIире рехъ-рехъун, жибго мажгитги бухIана гьенире кIанцIараз.
26 июлалда сардил мехалда МахIачхъалаялда къвагьана ВАЗалъул 14-леб тайпаялъул автомобиль. Гьелда жаниб батана лъабго жаназа. Гьезда гьоркьосан цояв щив вугевали лъазабуна цадахъ батараб документалдаса (гьев ккола Гъарабудахкент мухъалдаса, цIар гьесул полициялъулаз тIатинабулеб гьечIо).
Низам цIунулез лъазабулеб буго автомобилалъул салоналда жанир ратанин номерал рацIарал таманчаги, Калашниковасул автоматги цогидаб ярагъги.
Кьвагьи ккеялъе кинаб гIилла букIарабали экспертаз мухIкан гьабичIо жеги. ТIоцересел баяназда рекъон, автомобилалда жаниб букIараб бомба кьвагьун буго.
26 июлъул сардилъ МахIачхъалаялъул Альбурикент росулъ низам цIунулез сверун ккуна мина, гьенире изну гьечIого яргъид гIуцIарал рахчун ругиланги абун.
Терроралде данде чIараб операцияги лъазабун, къуваталъул идарабазул хIалтIухъабаз сверун ккураб минаялда гIагарда ругел миниабаздаса гIадамал гочинаруна.
Жибго минаялда жаниб анцIго чи вукIана. Гьезда гьоркьор – ункъго лъимер, лъабго чIужугIадан. Терроралде дандечIараб миллияб комитеталъул лъазабиязда рекъон, радал мех щвезегIан кIалъа-басаял унел рукIана сверун ккуралгун. Радалги къадеялда нахъеги минаялдаса къватIире кIи-кIи ккун лъимал къватIире риччана. Жанир хутIараз инкар гьабуна къватIире рачIине.
Низам цIунулез лъазабулеб буго минаялда жаниса кверде ячIиней йигинги абун къватIие ячIанин СагIидат Юсупова ян цIар бугей гIадан. Къуваталъулазда аскIой ячIунаго гьелъ жийго жинцаго кьвагьизаюнин хъвалеб буго информациялъул цо-цо алатаз.
«Минаялда жанир ругез кьвагьдезе байбихьана, гьезда дандеги кьвагьдана низам цIунулез», - илан бицана Дагъистаналъул жанисел ишазул министерлъиялъул пресс-хъулухъалда.
Кьуваталъул идарабазул хIалтIухъабаз минаялда жанир ругел чIвана. Гьезул цIарал лъазарулел руго. ЧIварал руччабазул цIараллни хасаб операция байбихьарабго тIатинаруна Терроралде данде чIараб Миллияб Комитеталъ.
Хасаб операциялда хвана анкьго соналъ цеве чIварав Расул Макашариповасул чIужу Динара Бутдаева (гьелъул вац Вадим Бутдаева лъабго соналъ цеве чIвана хасаб операциялда).
Чiварай цогидай кколаан Загьра КъадимухIамадова. Низам цIунулез гьей цееги ккун йикIана Дагестанские Огни шагьаралда хасаб операция тIобитIулеб мехалъ.
Ракълилаб гIумруялде тIадруссиналъе изну гьечIого яргъид гIуIцаразе кумек гьабулеб Комиссиялъул хIаракаталдалъун КъадимухIамадова эркен гьаюн йикIана низам цIунулез.
Хасаб операциялда чIваразул цIарал мухIкан гьарулел руго низам цIунулез. Гьезул пикруялда рекъон, гьел рукIине бегьула МахIачхъалаялда чIараб изну гьечIого яргъид гIуцIараб къокъаялде гъорлъе унеллъун.
Гьеб хасаб операциялда хурхун низам цIунулез гьерсал рицулел ругин лъазабулеб буго инсанасул ихтиярал цIунулез. «Правозащита» абулеб гIуцIиялъул вакил Фатима Тарасовалъ абуна къватIире рачIине бокьарал рукIанин ва тIаде жубана Юсупова СагIидатида шагьидасул рачел бан букIичIин:
Фатима Тарасовалъ:«Гьелъ жийго жинцаго кьвагьизаюнин абураб жо букIинчIо. Дица бицаралда рекъон, лъималаз абулеб буго гьелда тIад кинабгIаги рачел букIинчIин. Лъимал къватIире унаго гьезда хадуй къватIие ячIинехъин йикIун йиго гьей амма гьелдехун квагьдон буго».
Ахирисеб анкьалда тIоритIарал хасал операциязул лъабабилеблъун ккола гьеб. Цересел операциязда чIвана Гъизилюрт мухъалда чIварал изну гьечIого яргъид гIуцIаразул цевехъанги гьезда гъорлъе унел щугоялги.
Полицялъулал чIвай, хIинкъи гьечIолъи чIезабиялъул федералияб хъулухъалъул прапорщик чIвай, чанги шагьаралда кьвагьиял ккей – гьединал хIужжаби ккана ахирисел къоязда республикаялда.
26 июлалда сардил мехалда ЦIунтIа мухъалъул ЧIалахъ росулъ чIвана мадрасалда дарсал кьолев СаидахIмад Иманов. 35 сон барав гьев льугьа-бахъин ккараб бакIалдаго хун вуго.
Дагъистаналъул жанисел ишазул министерлъиялда лъазабуна такъсир гьабиялъул иш рагьун бугин уголовияб кодексалъул кIиго бутIаялдалъун: чи чIвай, къануналда рекъечIого ярагъ тIибитIизаби.
Иманов чIваялъе кинаб гIилла букIарабали официалияб къагIидаялъ лъазабулеб гьечIо. Дагъистаналъул ЦIех-рехалъул комитеталда хIалтIулес (жиндир цIар абугеянги гьарун) бицана Дагъистаналъул бусурбабазул идараялъул вакиллъун вукIанин чIваравилан.
Идараялда гъорлъе унаан аслияб къагIидаялъ суфиял. Иманов хIалтIулев вукIана Гъуталъ росулъ. Гьенир гIумру гьарулел салафиязулгун гьесул рагIи данде кколеб букIун гьечIо. Иманов чIваялда гьеб кинабго хурхараб бугебищ гьечIебищ ЦIех-рехалъул комитеталъул вакилас мухIкан гьабичIо, амма тIаде жубана гъоркьисала Имановасул минадул азбаралъубе граната рехун букIанин. Гьеб кьвагьичIого хутIана.
Динияв хIаракатчи чIваялъул хIужа гьаб моцIалъул байбихьудаги ккун букIана. Буйнахъск мухъалъул Карамахи росулъ лъицалиго чIвана мажгиталъул имамги, как базе вачIаравги. ЧIваразул жаназабиги къватIире рехъ-рехъун, жибго мажгитги бухIана гьенире кIанцIараз.
26 июлалда сардил мехалда МахIачхъалаялда къвагьана ВАЗалъул 14-леб тайпаялъул автомобиль. Гьелда жаниб батана лъабго жаназа. Гьезда гьоркьосан цояв щив вугевали лъазабуна цадахъ батараб документалдаса (гьев ккола Гъарабудахкент мухъалдаса, цIар гьесул полициялъулаз тIатинабулеб гьечIо).
Низам цIунулез лъазабулеб буго автомобилалъул салоналда жанир ратанин номерал рацIарал таманчаги, Калашниковасул автоматги цогидаб ярагъги.
Кьвагьи ккеялъе кинаб гIилла букIарабали экспертаз мухIкан гьабичIо жеги. ТIоцересел баяназда рекъон, автомобилалда жаниб букIараб бомба кьвагьун буго.
26 июлъул сардилъ МахIачхъалаялъул Альбурикент росулъ низам цIунулез сверун ккуна мина, гьенире изну гьечIого яргъид гIуцIарал рахчун ругиланги абун.
Терроралде данде чIараб операцияги лъазабун, къуваталъул идарабазул хIалтIухъабаз сверун ккураб минаялда гIагарда ругел миниабаздаса гIадамал гочинаруна.
Жибго минаялда жаниб анцIго чи вукIана. Гьезда гьоркьор – ункъго лъимер, лъабго чIужугIадан. Терроралде дандечIараб миллияб комитеталъул лъазабиязда рекъон, радал мех щвезегIан кIалъа-басаял унел рукIана сверун ккуралгун. Радалги къадеялда нахъеги минаялдаса къватIире кIи-кIи ккун лъимал къватIире риччана. Жанир хутIараз инкар гьабуна къватIире рачIине.
Низам цIунулез лъазабулеб буго минаялда жаниса кверде ячIиней йигинги абун къватIие ячIанин СагIидат Юсупова ян цIар бугей гIадан. Къуваталъулазда аскIой ячIунаго гьелъ жийго жинцаго кьвагьизаюнин хъвалеб буго информациялъул цо-цо алатаз.
«Минаялда жанир ругез кьвагьдезе байбихьана, гьезда дандеги кьвагьдана низам цIунулез», - илан бицана Дагъистаналъул жанисел ишазул министерлъиялъул пресс-хъулухъалда.
Кьуваталъул идарабазул хIалтIухъабаз минаялда жанир ругел чIвана. Гьезул цIарал лъазарулел руго. ЧIварал руччабазул цIараллни хасаб операция байбихьарабго тIатинаруна Терроралде данде чIараб Миллияб Комитеталъ.
Хасаб операциялда хвана анкьго соналъ цеве чIварав Расул Макашариповасул чIужу Динара Бутдаева (гьелъул вац Вадим Бутдаева лъабго соналъ цеве чIвана хасаб операциялда).
Чiварай цогидай кколаан Загьра КъадимухIамадова. Низам цIунулез гьей цееги ккун йикIана Дагестанские Огни шагьаралда хасаб операция тIобитIулеб мехалъ.
Ракълилаб гIумруялде тIадруссиналъе изну гьечIого яргъид гIуIцаразе кумек гьабулеб Комиссиялъул хIаракаталдалъун КъадимухIамадова эркен гьаюн йикIана низам цIунулез.
Хасаб операциялда чIваразул цIарал мухIкан гьарулел руго низам цIунулез. Гьезул пикруялда рекъон, гьел рукIине бегьула МахIачхъалаялда чIараб изну гьечIого яргъид гIуцIараб къокъаялде гъорлъе унеллъун.
Гьеб хасаб операциялда хурхун низам цIунулез гьерсал рицулел ругин лъазабулеб буго инсанасул ихтиярал цIунулез. «Правозащита» абулеб гIуцIиялъул вакил Фатима Тарасовалъ абуна къватIире рачIине бокьарал рукIанин ва тIаде жубана Юсупова СагIидатида шагьидасул рачел бан букIичIин:
Фатима Тарасовалъ:«Гьелъ жийго жинцаго кьвагьизаюнин абураб жо букIинчIо. Дица бицаралда рекъон, лъималаз абулеб буго гьелда тIад кинабгIаги рачел букIинчIин. Лъимал къватIире унаго гьезда хадуй къватIие ячIинехъин йикIун йиго гьей амма гьелдехун квагьдон буго».
Ахирисеб анкьалда тIоритIарал хасал операциязул лъабабилеблъун ккола гьеб. Цересел операциязда чIвана Гъизилюрт мухъалда чIварал изну гьечIого яргъид гIуцIаразул цевехъанги гьезда гъорлъе унел щугоялги.
Полицялъулал чIвай, хIинкъи гьечIолъи чIезабиялъул федералияб хъулухъалъул прапорщик чIвай, чанги шагьаралда кьвагьиял ккей – гьединал хIужжаби ккана ахирисел къоязда республикаялда.