Гьединаб кьварараб тамихIалъе мустахIикълъизе ккани, щибха гьел гIолохъабаз гьабураб?
Судалъул хIукмуялда бихьизабухъе, Мухтаровги АхIмадовги Каспийскиялда чияр рокъоре лъугьуна ва ункъо лъимадул эбелги, гьелъул эбелги, эбелалъул бетIергьанчиги чIвала. Гьел чагIи такъсирчагIаз гIумруялдаса ратIа гьарула 240 азарго гъурщие гIоло.
2010 соналъ эбелалъулаб капиталалъухъ 240 азарго гъурущ кьелин къотIиги гьабун, Мухтаровас сертификаталъул бетIергьаналъухъе кьола 50 азарго гъурущ, хутIараб хадуб кьелинги абун. Амма гъурщаз бадиса канлъи инабурав такъсирчияс хIукму гьабула гьеб гIарац кьечIого букIинелъун ункъо лъимадул эбел гIумруялдаса ятIа гьайизе. Цадахъ АхIмадовги вачун, къасимехалда гьел чияр рокъоре кIанцIула ва лъабго чи гIумруялдаса ватIа гьавула.
Республикаялъул прокуратураялда бицухъе, расги гIайиб гьечIел гIадамалги чIван, гьезул рокъоса 23 азаргогIанасеб гъурущги бикъун, чIвадарухъаби цереса хьвала. Амма рукIниб бахчун гIанкI тIубаларин абухъе, такъсирчагIи тIатинчIого хутIичIо.
Диванханаялъ гьабураб хIукмуялда тIасан Мухтаровасул ва АхIмадовасул гIагарлъиялъул рахъалдасан кинаб бугониги баян щвечIо.
ТакъсирчагIи гIумруялъго туснахъ гьариялъул хIужаби Дагъистаналда гIемер кколел жал гурониги, гьаниб ракIалде щвезабуни, гьединаб иш ккун букIана исана июнь моцIалда.
Дагъистаналъул ТIадегIанаб диванханаялъул хIукмуялда рекъон, гIумруялъго эркенлъиялдаса махIрум гьавун вукIана МухIамадов ИбрагьимсултIан жиндирго яцги гьелъул кIиго гьитIинаб лъимерги чIваялъе гIоло. Яц чIваялъе гIиллалъунин абуни ИбрагьимсултIаница бихьизабун букIана гьелъул рекъечIеб хьвада-чIвади букIин.
Гьал къоязда Дагъистаналда ккараб цогидаб лъугьа-бахъиналъул бицани, Буйнакск шагьаралъул азарханаялда, лъавудецин вачIинчIого хвана полициялъул капитан, рехсараб шагьаралда бугеб заманаялъ гIадамал жанир тIамулеб идараялъул нухмалъулев. 40 сонил ригьалде вахарав капитан Ибрагьим Мамаев гIумруялдаса ватIалъана гьесул автомобилалда гъоркь лъураб кьвагьулеб алат кьвагьиялъул хIасилалда.
Гьадин бицана Дагъистаналъул Жанисел ишазул министерлъиялъул пресс-хъулухъалда. Гьенибго бицухъе, 19 соналъ жанисел ишазул идараялда хIалтIарав Мамаевасул рагIула лъадиги кIиго лъимерги.
Гьединаб лъугьа-бахъин ккеялъул хIужаби гIемерлъулел ругин Буйнакск шагьаралдайин бицана Жанисел ишазул министерлъиялъул пресс-хъулухъалда ва рехсана кIигоги гьединабго лъугьа-бахъин.
Масала, 11 августалда щалали лъазе кIвечIез жиндирго минаялда цебе чIвана полициялъул лейтенант Давудов ГIумар, гьелдаса чанго къоялъ цебейин абуни, автомобильги кьвагьизабун гIумруялдаса ватIа гьавуна полициялъул капитан МухIамадов Рустам.
Судалъул хIукмуялда бихьизабухъе, Мухтаровги АхIмадовги Каспийскиялда чияр рокъоре лъугьуна ва ункъо лъимадул эбелги, гьелъул эбелги, эбелалъул бетIергьанчиги чIвала. Гьел чагIи такъсирчагIаз гIумруялдаса ратIа гьарула 240 азарго гъурщие гIоло.
2010 соналъ эбелалъулаб капиталалъухъ 240 азарго гъурущ кьелин къотIиги гьабун, Мухтаровас сертификаталъул бетIергьаналъухъе кьола 50 азарго гъурущ, хутIараб хадуб кьелинги абун. Амма гъурщаз бадиса канлъи инабурав такъсирчияс хIукму гьабула гьеб гIарац кьечIого букIинелъун ункъо лъимадул эбел гIумруялдаса ятIа гьайизе. Цадахъ АхIмадовги вачун, къасимехалда гьел чияр рокъоре кIанцIула ва лъабго чи гIумруялдаса ватIа гьавула.
Республикаялъул прокуратураялда бицухъе, расги гIайиб гьечIел гIадамалги чIван, гьезул рокъоса 23 азаргогIанасеб гъурущги бикъун, чIвадарухъаби цереса хьвала. Амма рукIниб бахчун гIанкI тIубаларин абухъе, такъсирчагIи тIатинчIого хутIичIо.
Диванханаялъ гьабураб хIукмуялда тIасан Мухтаровасул ва АхIмадовасул гIагарлъиялъул рахъалдасан кинаб бугониги баян щвечIо.
ТакъсирчагIи гIумруялъго туснахъ гьариялъул хIужаби Дагъистаналда гIемер кколел жал гурониги, гьаниб ракIалде щвезабуни, гьединаб иш ккун букIана исана июнь моцIалда.
Дагъистаналъул ТIадегIанаб диванханаялъул хIукмуялда рекъон, гIумруялъго эркенлъиялдаса махIрум гьавун вукIана МухIамадов ИбрагьимсултIан жиндирго яцги гьелъул кIиго гьитIинаб лъимерги чIваялъе гIоло. Яц чIваялъе гIиллалъунин абуни ИбрагьимсултIаница бихьизабун букIана гьелъул рекъечIеб хьвада-чIвади букIин.
Гьал къоязда Дагъистаналда ккараб цогидаб лъугьа-бахъиналъул бицани, Буйнакск шагьаралъул азарханаялда, лъавудецин вачIинчIого хвана полициялъул капитан, рехсараб шагьаралда бугеб заманаялъ гIадамал жанир тIамулеб идараялъул нухмалъулев. 40 сонил ригьалде вахарав капитан Ибрагьим Мамаев гIумруялдаса ватIалъана гьесул автомобилалда гъоркь лъураб кьвагьулеб алат кьвагьиялъул хIасилалда.
Гьадин бицана Дагъистаналъул Жанисел ишазул министерлъиялъул пресс-хъулухъалда. Гьенибго бицухъе, 19 соналъ жанисел ишазул идараялда хIалтIарав Мамаевасул рагIула лъадиги кIиго лъимерги.
Гьединаб лъугьа-бахъин ккеялъул хIужаби гIемерлъулел ругин Буйнакск шагьаралдайин бицана Жанисел ишазул министерлъиялъул пресс-хъулухъалда ва рехсана кIигоги гьединабго лъугьа-бахъин.
Масала, 11 августалда щалали лъазе кIвечIез жиндирго минаялда цебе чIвана полициялъул лейтенант Давудов ГIумар, гьелдаса чанго къоялъ цебейин абуни, автомобильги кьвагьизабун гIумруялдаса ватIа гьавуна полициялъул капитан МухIамадов Рустам.
