«Амировас инкар гьабуна жинда гIунтIизарулел гIайибазул протоколалда гъоркь гъулбас лъезе, гьев гьезие мукIурлъулев гьечIо»,-гьедин абуна Амировасул адвокат Марк Рутерица.
Адвокатасда мугъчIвайги гьабулаго РАПСИ агентлъиялъ лъазабуна «Лефортово» абулеб Москваялъул цIех-рехалъул изоляторалда ругел шартIаздаги разияв гьечIин Амировин. Адвокатасул рагIабазда рекъон, гьесие дарабиги кьолел гьечIо, кверал чуризегицин бакIги гьечIо.
1 июналда ккурав СагIид Амиров МахIачхъалаялъул мэрлъун вукIана 15 соналъ. Гьев чIвазе къасдал гIемер гьарун рукIана. Гьезул цоялъул хIасилалда гьев инвалидлъунги хутIана.
Дагъистаналъул бетIерлъун заманалъ тIамурав Рамазан ГIабдулатIиповас лъазабуна, СагIид Амиров кквей Дагъистаналде Путинил низам бачIин бугин.