МахIачхъалаялдаса Санкт-Петербург шагьаралде унеб букIараб автобусалде тIадекIанцIи гьабун буго «Астрахань-МахIачхъала» шагьранухда гьоркьоб къаси сагIат 10 тIубалеб гIужалъ. Жал щалали лъазе кIвечIел чагIазул ункъоял рачIун руго тIад номералги гьечIеб хъахIаб кьералъул «Приора» автомобилалда тIадги рекIун. Автобусалда рукIаразул цояв къватIиве вачун ун вуго гьез ва гьесухъа 8 миллион гъурушги бахъун жалго тIад рукIараб автомобилалда тIадеги рахун гьениса лъутун ун руго.
Дагъистаналъул жанисел ишазул министерлъиялъул пресс-хъулухъалъул нухмалъулев ХIасанов Вячеславица бицана « Эркенлъи» радиоялъе цо-цо информалатаз тIибитIизабун бугин хабар автобусалда тIад рукIарал цогидал гIадамазеги къварилъи ккун бугилан, амма гьеб гьереси бугин, гIарац цо чиясухъа бахъун бугин хутIаразе щибниги къварилъи ккун гьечIилан. ТакъсирчагIи щал рукIаралали чIезабурал баянал жеги щвечIин, гьел кквезе рукIиналъе хехал тадбирал тIоритIулел ругин.
Талат къоялъ гьединго Хасавюрт мухъалда маххул нух унеб бакIалда лъун батун буго 3 кг. тротилалъул къуват бугеб кьвагьул алатги, 4 сагIаталъ поездал хьвадулеб нух къан букIана гьениб.
МаркIачIул гIужалдехун кьвагьул алатазда хурхун хIалтIи гьабулел гIадамаз хасаб техникаялъул кумекалдалъун гьениса нахъеги босун хIинкъи гьечIеб бакIалда тIагIинабун буго гьеб, къасиялде поездал хьвадулеб мухъ цIидасан хIалтIизе биччан буго.
Унсоколо мухъалъул Балахьуни росдада аскIоб бугеб рохьоб цIа рекIун бугилан абуралдаса лъабабилеб къо ккола жакъа.
ТIоцебесеб декабралдаса нахъе гьениб контртерроралъулаб режим лъазабун бугилан абураб лъазаби къватIибе кьун букIана информалатаз. Рохьор рахчун ругел изну гьечIого яргъид гIуцIаразул къукъаби кквезелъун тадбирал тIоритIулелъул аскарияца гъураб цIа гьеб букIиналда щаклъи буго жалго балахьунисезул. Дагьабниги гьорол къуват цIикIкIани цIа росдаде тIаде бачIинилан абураб хIинкъи бугин гьезулилн хъвалеб бугоан «Кавказ Узел» сайталъ кьураб баяналда.
Балахьуни росдал бегавул Якъубов МухIамадрасулица бицана «Эркенлъи» радиоялъе жидер рахъалдехун букIараб бакIалдаса цIа свинабизе кIванин жидеда, гьанже цIа ХарачIи росдада аскIобе щун бугилан. Гьале анлъабго къо бугин аскарияца сверун ккун росуги бугин, мех-мехалъ цIех-рех гьабизейиланги абун ккун рачун унел гIолохъабиги ругин бухIулеб рохьги бугин, гьадинаб ахIвал-хIалалда ругинхайилан бицана гьес.
Аскариязухъа кьвагьараб жоялдасанищинха цIа рекIарабилан гьикъидал гьадинаб жавабги кьуна:
Якъубов МухIамадрасул: « Лъаларо, жидеца гьабичIилан гъоз абулеб буго, посталадасан рекIанин цIайилан ал гIадамазги абулеб буго, цIа кин рекIарабали абизе кIоларо дида»
ЭР. Шагьаралдаса кумек щвечIищ нужее цIа свинабиялъе?
Якъубов МухIамадрасул«РачIине ругилан ахIун букIана гIицIго цIа свинабулезул цо машина гурони бачIинчIо, рохьихъанасде гIайибги гIунтIизабун, гьесдеги семун гьелги нахъе ана, МокIсохъ росдададеги нижер гьанибеги бачIиналъул хIинкъи букIиналъ нижго рахъун свинабуна цIа, гьанже гьеб ХарачIи росдал добехун балагьун ана, гьениб щиб ахIвал-хIал бугебали дида лъаларо".
ЭР. Цадахъго гьезул рахъалдасанги свинабизе рес букIинчIиш цIа?
Якъубов МухIамадрасул «БукIинчIо, нижеда гьоркьоб кьуриги буго. Гьезул жидерго гьитIинаб росу буго, гьезул жамагIат бугин къватIибе бахъун цIа свинабулелилан бицана дида».
ХарачIи росдал бегавуласул телефоналъул номерги кьуна Якъубов МухIамадица, амма гьенибе ахIизе хIал бихьидал бухьен гьабизе щвечIо. ГIорхъолъа рорчIарал ахIвал-хIалазул рахъалъ министерлъиялъул Дагъистаналда бугеб бутIаялъ абуна рохьоб цIа рекIиналда тIасан кинал ругониги баянал кьезе кIоларин, гьеб бугин Рохьил магIишаталъул рахъалъ министерлъиялъ тIубалеб суалилан. ЦIаккеялда дандечIараб рохьил хъулухъалъ Унсоколо мухъалда рохь бухIулеб бугилан абураб баяналдаса инкар гьабунин хъвалеб буго информалатаз.
Контртерроралъулаб режим Балахьуни росулъ лъазабун букIана гьединго 2010 соналъул 30 ноябралдаги, исана маялъул 10-б къоялъги. Жалго Белехьдерица рази гьечIого ракIалде щвезабулеб буго изну гьечIого яргъид гIуцIарал ралагьулеланги абун гьоркьоса къотIичIого аскарияз лъураб кьвагьиялъул хIасилалда магъилъ букIараб гьезул боцIи. чIвараб куцалъул. Аскарияз гьабсагIат гьабулеб хIатIудаса рази гьечIолъи загьир гьабурал гьединалго гIарзал жакъаги руго гьезул.
Дагъистаналъул жанисел ишазул министерлъиялъул пресс-хъулухъалъул нухмалъулев ХIасанов Вячеславица бицана « Эркенлъи» радиоялъе цо-цо информалатаз тIибитIизабун бугин хабар автобусалда тIад рукIарал цогидал гIадамазеги къварилъи ккун бугилан, амма гьеб гьереси бугин, гIарац цо чиясухъа бахъун бугин хутIаразе щибниги къварилъи ккун гьечIилан. ТакъсирчагIи щал рукIаралали чIезабурал баянал жеги щвечIин, гьел кквезе рукIиналъе хехал тадбирал тIоритIулел ругин.
Талат къоялъ гьединго Хасавюрт мухъалда маххул нух унеб бакIалда лъун батун буго 3 кг. тротилалъул къуват бугеб кьвагьул алатги, 4 сагIаталъ поездал хьвадулеб нух къан букIана гьениб.
МаркIачIул гIужалдехун кьвагьул алатазда хурхун хIалтIи гьабулел гIадамаз хасаб техникаялъул кумекалдалъун гьениса нахъеги босун хIинкъи гьечIеб бакIалда тIагIинабун буго гьеб, къасиялде поездал хьвадулеб мухъ цIидасан хIалтIизе биччан буго.
Унсоколо мухъалъул Балахьуни росдада аскIоб бугеб рохьоб цIа рекIун бугилан абуралдаса лъабабилеб къо ккола жакъа.
ТIоцебесеб декабралдаса нахъе гьениб контртерроралъулаб режим лъазабун бугилан абураб лъазаби къватIибе кьун букIана информалатаз. Рохьор рахчун ругел изну гьечIого яргъид гIуцIаразул къукъаби кквезелъун тадбирал тIоритIулелъул аскарияца гъураб цIа гьеб букIиналда щаклъи буго жалго балахьунисезул. Дагьабниги гьорол къуват цIикIкIани цIа росдаде тIаде бачIинилан абураб хIинкъи бугин гьезулилн хъвалеб бугоан «Кавказ Узел» сайталъ кьураб баяналда.
Балахьуни росдал бегавул Якъубов МухIамадрасулица бицана «Эркенлъи» радиоялъе жидер рахъалдехун букIараб бакIалдаса цIа свинабизе кIванин жидеда, гьанже цIа ХарачIи росдада аскIобе щун бугилан. Гьале анлъабго къо бугин аскарияца сверун ккун росуги бугин, мех-мехалъ цIех-рех гьабизейиланги абун ккун рачун унел гIолохъабиги ругин бухIулеб рохьги бугин, гьадинаб ахIвал-хIалалда ругинхайилан бицана гьес.
Аскариязухъа кьвагьараб жоялдасанищинха цIа рекIарабилан гьикъидал гьадинаб жавабги кьуна:
Якъубов МухIамадрасул: « Лъаларо, жидеца гьабичIилан гъоз абулеб буго, посталадасан рекIанин цIайилан ал гIадамазги абулеб буго, цIа кин рекIарабали абизе кIоларо дида»
ЭР. Шагьаралдаса кумек щвечIищ нужее цIа свинабиялъе?
Якъубов МухIамадрасул«РачIине ругилан ахIун букIана гIицIго цIа свинабулезул цо машина гурони бачIинчIо, рохьихъанасде гIайибги гIунтIизабун, гьесдеги семун гьелги нахъе ана, МокIсохъ росдададеги нижер гьанибеги бачIиналъул хIинкъи букIиналъ нижго рахъун свинабуна цIа, гьанже гьеб ХарачIи росдал добехун балагьун ана, гьениб щиб ахIвал-хIал бугебали дида лъаларо".
ЭР. Цадахъго гьезул рахъалдасанги свинабизе рес букIинчIиш цIа?
Якъубов МухIамадрасул «БукIинчIо, нижеда гьоркьоб кьуриги буго. Гьезул жидерго гьитIинаб росу буго, гьезул жамагIат бугин къватIибе бахъун цIа свинабулелилан бицана дида».
ХарачIи росдал бегавуласул телефоналъул номерги кьуна Якъубов МухIамадица, амма гьенибе ахIизе хIал бихьидал бухьен гьабизе щвечIо. ГIорхъолъа рорчIарал ахIвал-хIалазул рахъалъ министерлъиялъул Дагъистаналда бугеб бутIаялъ абуна рохьоб цIа рекIиналда тIасан кинал ругониги баянал кьезе кIоларин, гьеб бугин Рохьил магIишаталъул рахъалъ министерлъиялъ тIубалеб суалилан. ЦIаккеялда дандечIараб рохьил хъулухъалъ Унсоколо мухъалда рохь бухIулеб бугилан абураб баяналдаса инкар гьабунин хъвалеб буго информалатаз.
Контртерроралъулаб режим Балахьуни росулъ лъазабун букIана гьединго 2010 соналъул 30 ноябралдаги, исана маялъул 10-б къоялъги. Жалго Белехьдерица рази гьечIого ракIалде щвезабулеб буго изну гьечIого яргъид гIуцIарал ралагьулеланги абун гьоркьоса къотIичIого аскарияз лъураб кьвагьиялъул хIасилалда магъилъ букIараб гьезул боцIи. чIвараб куцалъул. Аскарияз гьабсагIат гьабулеб хIатIудаса рази гьечIолъи загьир гьабурал гьединалго гIарзал жакъаги руго гьезул.