КъогогIан соналдасан эбелалда ясги ясалда яц-вацги ратана Гуржиялъул мугIрузул росулъ.
Дихашхо абулеб гьеб росулъе ячIун йикIана Америкалдаса паралимпикияй спортсмен Элизабет Стоун. Сакъатай йикIиналъ лъималазул рокъой тарай гьей хьихьизе ячун йикIана Америкалдаса Линда Стоуница. Амма Элизабетида лъалеб букIинчIо жий лъилали ва кисаяли.
Сакъатай яс лъималазул рокъой тезе ккеялдаса нечараб Хурциевазул хъизамалда абуни ничги гIагалиги роххалил магIабаз хисана.
Элизабет Стоун: «Дида вацги яцги-Лашаги Теонаги ратана росу рагIалда. Гьел рачIун рукIана дие дандчIвай гьабизе. Цо мацIалда ниж кIалъалел гьечIониги гьез бичIчIизабуна жидер автомашинаялда дун рекIине гьезие бокьун букIин. Нухдасан дида рихьана росдал гIадамал, лъимал. КIалтIе щвараб мехалда дида йихьана дирго эбел Лиана. Дида бер чIварабго гьей гIодизе байбихьана».
Гьеб хъизам цолъиялъул история байбихьана араб соналъул риидал Паралимпиял хIаязда. Гуржиялда гьаюрай Америкаялъул рахъалдасан хIаязде ячIарай спортсмен Лондоналда ятана Эркенлъи Радиоялъул гуржиязул хъулухъалъул мухбиразда.
Элизабет гьаюна 1990 соналда ва гьей йижун йиго квегIаб бохалъул бащдабгIан гуреб кваранаб бох гьечIейлъун. Ункъго сон барай гьей хьихьизе ячарай америкалдаса эбел йиго Мичиган штаталдаса физиотерапевт. Лъим ххазе ясалъул бугеб гъира бихьун цIияй эбелалъ гьелъие чIезабула гьеб махщел цебетIезабизе шартI. 1998 соналда Пекиналъул Паралимпиадаялда Элизабетие щола гIарцул медаль. Лондоналда абуни гьелъие щола кIиго мазгар.
Эркенлъи Радиоялъул гуржиялъул хъулухъалъ гьелъул бицараб мехалда Тифлисалда бугеб гьезул бюроялде кIалъан вуго гьеб хъизамалъул гIагарав чи вугин живан абулев чи. Гьелдаса хадуб Дихашхоялдеги ун мухбираз хIадурун букIана гьеб хъизамалъул хIакъалъулъ баян.
Элизабет гьаюрай эбел 73 барай Лианада доб мехалда абун букIун буго гьелъул яс –Кетеван- хванин.
Лиана Хурцидзе: «Ахирги дида йихьана дирго Кетино. Баркала буго гьей хьихьарай эбелалъе дида гьей йихьизаюралъухъ».
Элизабет йихьизе рачIарал росдал гIадамаздаги хъизамалдаги бихьизабизе Линдаца бачIун букIана Элизабетал гIемерал соназ ракIарарал суратал лъураб альбом.
Линдаца абуна Эркенлъи Радиоялъе эбел хIисабалда жиндир мурад букIанин Америкалъул ва Гуржиялъул-кIиябго улкаялъул рахъалъ чIухIи ясалъул рекIелъ бижизабийин ва цоги гьей халкъазда гьоркьосел къецазда гIахьаллъулеб мехалда жинца хьвагIулел рукIине ругин кIиябго улкаялъул гьитIинал байрахъалин.
Ричард Солаш, Марина Вашакмадзе
Дихашхо абулеб гьеб росулъе ячIун йикIана Америкалдаса паралимпикияй спортсмен Элизабет Стоун. Сакъатай йикIиналъ лъималазул рокъой тарай гьей хьихьизе ячун йикIана Америкалдаса Линда Стоуница. Амма Элизабетида лъалеб букIинчIо жий лъилали ва кисаяли.
Сакъатай яс лъималазул рокъой тезе ккеялдаса нечараб Хурциевазул хъизамалда абуни ничги гIагалиги роххалил магIабаз хисана.
Элизабет Стоун: «Дида вацги яцги-Лашаги Теонаги ратана росу рагIалда. Гьел рачIун рукIана дие дандчIвай гьабизе. Цо мацIалда ниж кIалъалел гьечIониги гьез бичIчIизабуна жидер автомашинаялда дун рекIине гьезие бокьун букIин. Нухдасан дида рихьана росдал гIадамал, лъимал. КIалтIе щвараб мехалда дида йихьана дирго эбел Лиана. Дида бер чIварабго гьей гIодизе байбихьана».
Гьеб хъизам цолъиялъул история байбихьана араб соналъул риидал Паралимпиял хIаязда. Гуржиялда гьаюрай Америкаялъул рахъалдасан хIаязде ячIарай спортсмен Лондоналда ятана Эркенлъи Радиоялъул гуржиязул хъулухъалъул мухбиразда.
Элизабет гьаюна 1990 соналда ва гьей йижун йиго квегIаб бохалъул бащдабгIан гуреб кваранаб бох гьечIейлъун. Ункъго сон барай гьей хьихьизе ячарай америкалдаса эбел йиго Мичиган штаталдаса физиотерапевт. Лъим ххазе ясалъул бугеб гъира бихьун цIияй эбелалъ гьелъие чIезабула гьеб махщел цебетIезабизе шартI. 1998 соналда Пекиналъул Паралимпиадаялда Элизабетие щола гIарцул медаль. Лондоналда абуни гьелъие щола кIиго мазгар.
Эркенлъи Радиоялъул гуржиялъул хъулухъалъ гьелъул бицараб мехалда Тифлисалда бугеб гьезул бюроялде кIалъан вуго гьеб хъизамалъул гIагарав чи вугин живан абулев чи. Гьелдаса хадуб Дихашхоялдеги ун мухбираз хIадурун букIана гьеб хъизамалъул хIакъалъулъ баян.
Элизабет гьаюрай эбел 73 барай Лианада доб мехалда абун букIун буго гьелъул яс –Кетеван- хванин.
Лиана Хурцидзе: «Ахирги дида йихьана дирго Кетино. Баркала буго гьей хьихьарай эбелалъе дида гьей йихьизаюралъухъ».
Элизабет йихьизе рачIарал росдал гIадамаздаги хъизамалдаги бихьизабизе Линдаца бачIун букIана Элизабетал гIемерал соназ ракIарарал суратал лъураб альбом.
Линдаца абуна Эркенлъи Радиоялъе эбел хIисабалда жиндир мурад букIанин Америкалъул ва Гуржиялъул-кIиябго улкаялъул рахъалъ чIухIи ясалъул рекIелъ бижизабийин ва цоги гьей халкъазда гьоркьосел къецазда гIахьаллъулеб мехалда жинца хьвагIулел рукIине ругин кIиябго улкаялъул гьитIинал байрахъалин.
Ричард Солаш, Марина Вашакмадзе