Гьебго къоялъ Новолак мухъалъул полициялъул бутIаялде вачIана гьебго мухъалъул Тухчар росулъа гIолилав. Жанисел ишазул министерлъиялъул сайталда баян кьолеб буго, 2012 соналъул апрелалдаса нахъе гьес информациялдалъун ва кванил нигIматаздалъун кумек гьабулеб букIун бугин маялда чIварав гьебго росулъа ГIабдуразакъов Зурабил яргъидгIуцIаразул къокъаялъе. Гьединго, Тухчар росулъа цоги чи ккуна изну гьечIого яргъидгIуцIаразул къокъаялъе кумек гьабиялъул гIайиб гIунтIизабун.
Жалго кверде рачIаразул цIарал рехсолел гьечIо. Гьединго гьезул гIагарлъиялъул баянал щвечIо. Дагъистаналъул жанисел ишазул министерлъиялъул пресс-хъулухъалъул нухмалъулев ХIасанов Вячеславица «Эркенлъи» радиоялъе бицана рехсарал гIолилаз ярагъ гIодобе лъеялъе квербакъанин гьезул гIагарлъиялъ.
ХIасанов Вячеслав: «Кверде рачIана жидеего бокьун, ярагъги кьуна нахъе. Уголовияб кодексалъул 208 абилеб ва 222 статьяялда рекъон гьезда гIунтIизабизе кколаан изну гьечIого яргъид гIуцIарал къокъабазда жаниб гIахьаллъи гьабиялъул ва ярагъ кодобе босиялъул гIайибал. Амма гьел гIайибаздаса эркенлъулел руго жидеего бокьун кверде рачIун ярагъ гIодоб лъурал. Гьел гурел такъсирал ратичIони, цоги ишазулъ гьел рацIцIадал ратани тамихIалдаса эркен гьарула.
Гьал гьанже кверде рачIарал гIолилал божизаруна полициялъ ва гIагарлъиялъ цадахъ кверде рачIани тамихIалдаса эркен гьарилилан. Кин гьезулгун бухьен гьабурабали дида бицине кIоларо, кин гьабун батаниги, гьел божизаруна. Кверде рачIразе гIакъуба кьолеб буго, гьезул цаби хъухъалел руго ва гьел гурел цогидал маргьабазда божизе бегьуларин бичIчIизабуна. Гьебго жо бичIчIизабуна гьезул гIагарлъиялдаги. Кинабго кколеб хIалалъ гьабун буго, кверде рачIараз ярагъ кьуна нахъе ва гьабсагIаталда гьел рокъор руго».
ГIагарлъиялъул кумекалдалъун кверде рачIанин абураб пикру рекIее гIолеб гьечIо «Правозащита» абураб инсанасул ихтиярал цIунулеб идараялъул нухмалъулей Рустамова Гульнарае. Гьелъул пикруялда рекъон кверде рачIаразул гIагарлъиялда ва хъизаназда тIадецуй гьабулеб букIун батизе рес буго къуваталъул идарабаз.
«Рохьор ругезул гIагарлъиялда тIадецуй гьабиялъул хIужаби рукIана цереккун, гьаб нухалдаги гьел рукIинчIилан дида абизе кIоларо.
Шамхалалъул амир МуртазагIалиев Юсупие хIинкъаби кьолел рукIана гьесул хъизаналъул чагIи чIвазе ругилан, гьев кверде вачIиналъул мурадалда. Ахирги гьесул вац – МуртазагIалиев ХIасан араб бакI лъачIого тIагIана. Гьединго МахIачхъалаялъул амир Шайхулаев ГIумарил вац тIагIаралдаса 4 сон буго, гьединал хIужаби гIемер руго, киналго рехсон бажаруларо гьабсагIат»,-илан бицана Рустамова Гульнараца.
Жанисел ишазул министерлъиялъул хIалтIухъабазул профсоюзалъул нухмалъулев Шамилов МухIамадил пикруялда рекъон пачалихъалда бажарулеб гьечIо изну гьечIого яргъид гIуцIарал ракълилаб гIумруялде рачине ва гьелъие тадбирал гьарулел гIадамал цIуниялъе квербакъи гьабулеб гьечIо.
Шамилов МухIамад: «Гьел рохьор ругел гIадамал гьениса нахъ руссине ккани букIине ккола авторитет тIалъиялъул ва хасго президентасул. Гьезда божизе ккола рохьор ругел гIадамал. КIиабизеги, доб Чачаналда гIадин, рохьоса нахъ руссарал гIадамал хIалтIудалъун хьезаризе ккола гьел нахъ руссун рохьоре унгутIиялъул мурадалда. ВатIанияб рагъ лъугIун хадуб нилъер гьанир рохьаздаги рукIана дагьалги цIикIкIун гъачагъал, гьел гьенисан руссинарураб куцги балагьизе бегьула архивалда. Амма жакъа хIукуматалъ гьел гIадамал рохьоса рачине кIолин абураб жоялда дун цIакъ захIматго гурони божизе кIолев гьечIо.
Гьел ратила гьаб комиссиялъ хIалтIи гьабулеб бугин абизе, жидеего цIар-реццалъе гьарулел жал. Гьел рохьор рукIарал гIадамал нахъе рачIиналъулъ буго цоги хIинкъи. Дагьалъ цебе букIана хабар, рохьор ругел нахъруссиналъе гIоло гьезул гIагарлъиялъе гIакъуба кьезе кколилан бицунел рукIана. Цощина гьел тадбиразе нуцIа рагьундай бугеб абураб пикру буго. Дие бокьилаан дун мекъи ккун ватизе».
Цо-цо экспертазул ва журналистазул баяназда рекъон, изну гьечIого яргъид гIуцIараздаса кверде рачIарал гIолилал ккола гIолохъанал, жидеего бокьичIого гьенире ине ккарал чагIи. Къуваталъул идараялъул хIалтIухъабаз гьенире ине ккеялда тIамулел чагIи гIезегIан руго, гьел ратизе ккола, гурони жал битIараб нухда рукIиналда ракI чIчIарал чагIи гьенисан руссунарилан рикIкIунеб буго Гульнара Рустамовалъ.
Мекъи ккун рохьоре ккарал, амма нахъ руссине бокьарал гIолилазул къадар гIезегIан буго, амма гьел къуваталъул идарабаз тIадруссун рокъоре риччаялда божулел гьечIилан рикIкIунеб буго журналист ХIасанова Заремаца Facebook.com сайталда.
Жалго кверде рачIаразул цIарал рехсолел гьечIо. Гьединго гьезул гIагарлъиялъул баянал щвечIо. Дагъистаналъул жанисел ишазул министерлъиялъул пресс-хъулухъалъул нухмалъулев ХIасанов Вячеславица «Эркенлъи» радиоялъе бицана рехсарал гIолилаз ярагъ гIодобе лъеялъе квербакъанин гьезул гIагарлъиялъ.
ХIасанов Вячеслав: «Кверде рачIана жидеего бокьун, ярагъги кьуна нахъе. Уголовияб кодексалъул 208 абилеб ва 222 статьяялда рекъон гьезда гIунтIизабизе кколаан изну гьечIого яргъид гIуцIарал къокъабазда жаниб гIахьаллъи гьабиялъул ва ярагъ кодобе босиялъул гIайибал. Амма гьел гIайибаздаса эркенлъулел руго жидеего бокьун кверде рачIун ярагъ гIодоб лъурал. Гьел гурел такъсирал ратичIони, цоги ишазулъ гьел рацIцIадал ратани тамихIалдаса эркен гьарула.
Гьал гьанже кверде рачIарал гIолилал божизаруна полициялъ ва гIагарлъиялъ цадахъ кверде рачIани тамихIалдаса эркен гьарилилан. Кин гьезулгун бухьен гьабурабали дида бицине кIоларо, кин гьабун батаниги, гьел божизаруна. Кверде рачIразе гIакъуба кьолеб буго, гьезул цаби хъухъалел руго ва гьел гурел цогидал маргьабазда божизе бегьуларин бичIчIизабуна. Гьебго жо бичIчIизабуна гьезул гIагарлъиялдаги. Кинабго кколеб хIалалъ гьабун буго, кверде рачIараз ярагъ кьуна нахъе ва гьабсагIаталда гьел рокъор руго».
ГIагарлъиялъул кумекалдалъун кверде рачIанин абураб пикру рекIее гIолеб гьечIо «Правозащита» абураб инсанасул ихтиярал цIунулеб идараялъул нухмалъулей Рустамова Гульнарае. Гьелъул пикруялда рекъон кверде рачIаразул гIагарлъиялда ва хъизаназда тIадецуй гьабулеб букIун батизе рес буго къуваталъул идарабаз.
«Рохьор ругезул гIагарлъиялда тIадецуй гьабиялъул хIужаби рукIана цереккун, гьаб нухалдаги гьел рукIинчIилан дида абизе кIоларо.
Шамхалалъул амир МуртазагIалиев Юсупие хIинкъаби кьолел рукIана гьесул хъизаналъул чагIи чIвазе ругилан, гьев кверде вачIиналъул мурадалда. Ахирги гьесул вац – МуртазагIалиев ХIасан араб бакI лъачIого тIагIана. Гьединго МахIачхъалаялъул амир Шайхулаев ГIумарил вац тIагIаралдаса 4 сон буго, гьединал хIужаби гIемер руго, киналго рехсон бажаруларо гьабсагIат»,-илан бицана Рустамова Гульнараца.
Жанисел ишазул министерлъиялъул хIалтIухъабазул профсоюзалъул нухмалъулев Шамилов МухIамадил пикруялда рекъон пачалихъалда бажарулеб гьечIо изну гьечIого яргъид гIуцIарал ракълилаб гIумруялде рачине ва гьелъие тадбирал гьарулел гIадамал цIуниялъе квербакъи гьабулеб гьечIо.
Шамилов МухIамад: «Гьел рохьор ругел гIадамал гьениса нахъ руссине ккани букIине ккола авторитет тIалъиялъул ва хасго президентасул. Гьезда божизе ккола рохьор ругел гIадамал. КIиабизеги, доб Чачаналда гIадин, рохьоса нахъ руссарал гIадамал хIалтIудалъун хьезаризе ккола гьел нахъ руссун рохьоре унгутIиялъул мурадалда. ВатIанияб рагъ лъугIун хадуб нилъер гьанир рохьаздаги рукIана дагьалги цIикIкIун гъачагъал, гьел гьенисан руссинарураб куцги балагьизе бегьула архивалда. Амма жакъа хIукуматалъ гьел гIадамал рохьоса рачине кIолин абураб жоялда дун цIакъ захIматго гурони божизе кIолев гьечIо.
Гьел ратила гьаб комиссиялъ хIалтIи гьабулеб бугин абизе, жидеего цIар-реццалъе гьарулел жал. Гьел рохьор рукIарал гIадамал нахъе рачIиналъулъ буго цоги хIинкъи. Дагьалъ цебе букIана хабар, рохьор ругел нахъруссиналъе гIоло гьезул гIагарлъиялъе гIакъуба кьезе кколилан бицунел рукIана. Цощина гьел тадбиразе нуцIа рагьундай бугеб абураб пикру буго. Дие бокьилаан дун мекъи ккун ватизе».
Цо-цо экспертазул ва журналистазул баяназда рекъон, изну гьечIого яргъид гIуцIараздаса кверде рачIарал гIолилал ккола гIолохъанал, жидеего бокьичIого гьенире ине ккарал чагIи. Къуваталъул идараялъул хIалтIухъабаз гьенире ине ккеялда тIамулел чагIи гIезегIан руго, гьел ратизе ккола, гурони жал битIараб нухда рукIиналда ракI чIчIарал чагIи гьенисан руссунарилан рикIкIунеб буго Гульнара Рустамовалъ.
Мекъи ккун рохьоре ккарал, амма нахъ руссине бокьарал гIолилазул къадар гIезегIан буго, амма гьел къуваталъул идарабаз тIадруссун рокъоре риччаялда божулел гьечIилан рикIкIунеб буго журналист ХIасанова Заремаца Facebook.com сайталда.
