Руччабазул ихтияразда хурхун Эркенлъи Радиоялъе суалазе жавабл кьезе кьезе разилъичIо нилъер бихьинал. Дагъистаниязул хъизаназда гьанже къуват цIикIкIун руччабазухъ бугин, гьел бихьиназдаса бергьунги ругин абураб пикруялде рачIун руго гьел. Рокъоб рос-лъадуда гьоркьоб кколеб дагIба-къецги дагъистанияз гIемерисеб къватIибе бахъичIого толеб гIадат буго. Ялъуни росас гIакъуба кьей гIадатияб жолъунги рикIкIун, цо-цоял гьеб хIехьонги чIолел руго. Руго дагьалъ бат1иял пикрабиги.
МахIачхъалаялъул Совет мухъалъул диванчIужулъун йикIарай Пахрудинова Жамиля: «Руччабазулин, бихьиназулин абураб жо гьечIо гьанже, гIаммаб куцалда гIадамазул ихтиярал руго хвезарулел.»
Аслияб мекълъи пачалихъиял хъулухъчагIаздасанги къанун цIунизе тараздасанги бугин абуна Пахрудиновалъги ЭРадиоялъулгун гара-чIвариялда рукIарал цогидал дагъистаниязги. Гьелъие мисаллъун рехсезе бегьула Пятигорскалда т1обит1араб тадбиралъул Дагъистаналъул рахъалдаса гIахьаллъарай адвокат Сапият МухIамадова. Полициялъулаз юхун азарханаялде кканиги, дол чагIазе букIине кколеб тамихI гьабун гьечIо жеги.
Чачан республикаялъул вакилзабазул раг1абазда, нагагьлъун росс хвани, гьезул руччаби хут1улел руго росасул гIагарлъиялъ лъималги нахъе рачун, ирсги щвеч1ого. Дагъистаналда гьеб рахъалъ иш батIайисан букIуна – лъималги эбелалъухъ тола, гIагарлъиялъ кумекги гьабула.
Амма гьаниб рехсезе бегьула некIо заманалдасанго Дагъистаналда хутIун бугеб гIадат. Пуланай ясалда нахъасан цодагьабниги квешаб хабар рагIани, чIван яги араб бакI лъачIого кьолбода ругел бихьиназ тIагIинаюла гьей. Аслияб куцалда Шамиль мухъалда кколин гьединал хIужабийин рикIкIуна магIарулаз.
Шамил мухъалда гIагарлъухъ бугеб ЛъаратIа мухъалда гьедин кьолбода ругел бихьиназ гьаб 10-15 соналда жаний тIагIинаюн йиго 3 яс. Амма Эркенлъи Радиоялъе ЛъаратIа мухъалъул полициялъул майор Рамазан ГIумаровас бицунеб буго жидер дора рехсаралг1адал хIужаби къанагIатгуро кколарилан:
Рамазан ГIумаров: «1996 соналда букIана хабар цо яс чIван йигилан, амма гIагарлъиялъ къватIибе бахъичIоха доб. Дун хIалтIана 17 соналъ, гьеб заманалда жаниб ккараб цохIо хIужа буго гьеб. БукIана цоги хабар цо яс хун йигин, юкъун йиги. Цоги букIана хIужа яс ятичIин лъадуда тIасан росас мацI гьабураб. Гьедин ясазда аскIор гьарурал, ккарал хIужаби тIатичIого хутIуларо росабалъ, шагьаразда хутIаниги.»
Шамиль мухъалъул Гьидалъан ГьитIинасул ПатIимат:
«Шамил мухъалда гуребги, магIарухъ кибго букIараб жо буго гьеб. Исламалда дандекколарел, амма жеги цIунун хутIарал гIадатал чанги ругелъул нилъер. НекIо заманалдаго нижер тухумалдаги чIвана вацаз жидерго яц. Би риххун Хунзахъа рачIарал гьел цIакъ пахруго хьвадулел рукIун, хундерил мацIалда кIалъалел рукIун гьидерида рихун рукIун руго гьел. Гьеб мехалда гьезда унтизелъун гIадин гIадамаз харбал риччан руго гьезул яс къватIулъа къинай рагIулилан. Гьезги, уябищ гьеб хабар, гуребищали лъазабичIого, рогьо чуризеян чIван рехун йиго гьей. Амма гьедин гьабунилан чурулеб батуларо рогьо, тIадеги харбал рижун гурони. Гьанже информация хехго тIибитIулеб заманалда хехго тIтиритIула гьединал харбалги. Гьел гIемер кколел руго нижер мухъалдаго гIадин, ЧIарада мухъалдаги. Бахча-хьван тезейин лъугьаниги, хутIуларо гъоб къватIибе бачIинчIого. Дагьабниги хабар къватIибе бачIани, эбелалъухъ яги цогидазухъ балагьичIо чIвала яги араб бакI лъачIого, вахIшиго тIагIинарулаха ясал.
ЦIализеги гъол гьукъуларо, хъулухъалде ине гьукъуларо, Европаялъул къагIидаялда ретIа-къазе гьукъуларо. Цодагьабниги гIорхъолъа араб, гIадаталдасаги исламалдасаги кьурараб мехалъ – росасе хилиплъарай чIужу ятаниги, телефоналдасан, интернеталдасан васасулгун лъай-хъвай ккарай яс ятаниги – гьединаб мехалъ кколел руго ясал чIваялъул хIужаби.»
МахIачхъалаялъул Совет мухъалъул диванчIужулъун йикIарай Пахрудинова Жамиля: «Руччабазулин, бихьиназулин абураб жо гьечIо гьанже, гIаммаб куцалда гIадамазул ихтиярал руго хвезарулел.»
Аслияб мекълъи пачалихъиял хъулухъчагIаздасанги къанун цIунизе тараздасанги бугин абуна Пахрудиновалъги ЭРадиоялъулгун гара-чIвариялда рукIарал цогидал дагъистаниязги. Гьелъие мисаллъун рехсезе бегьула Пятигорскалда т1обит1араб тадбиралъул Дагъистаналъул рахъалдаса гIахьаллъарай адвокат Сапият МухIамадова. Полициялъулаз юхун азарханаялде кканиги, дол чагIазе букIине кколеб тамихI гьабун гьечIо жеги.
Чачан республикаялъул вакилзабазул раг1абазда, нагагьлъун росс хвани, гьезул руччаби хут1улел руго росасул гIагарлъиялъ лъималги нахъе рачун, ирсги щвеч1ого. Дагъистаналда гьеб рахъалъ иш батIайисан букIуна – лъималги эбелалъухъ тола, гIагарлъиялъ кумекги гьабула.
Амма гьаниб рехсезе бегьула некIо заманалдасанго Дагъистаналда хутIун бугеб гIадат. Пуланай ясалда нахъасан цодагьабниги квешаб хабар рагIани, чIван яги араб бакI лъачIого кьолбода ругел бихьиназ тIагIинаюла гьей. Аслияб куцалда Шамиль мухъалда кколин гьединал хIужабийин рикIкIуна магIарулаз.
Шамил мухъалда гIагарлъухъ бугеб ЛъаратIа мухъалда гьедин кьолбода ругел бихьиназ гьаб 10-15 соналда жаний тIагIинаюн йиго 3 яс. Амма Эркенлъи Радиоялъе ЛъаратIа мухъалъул полициялъул майор Рамазан ГIумаровас бицунеб буго жидер дора рехсаралг1адал хIужаби къанагIатгуро кколарилан:
Рамазан ГIумаров: «1996 соналда букIана хабар цо яс чIван йигилан, амма гIагарлъиялъ къватIибе бахъичIоха доб. Дун хIалтIана 17 соналъ, гьеб заманалда жаниб ккараб цохIо хIужа буго гьеб. БукIана цоги хабар цо яс хун йигин, юкъун йиги. Цоги букIана хIужа яс ятичIин лъадуда тIасан росас мацI гьабураб. Гьедин ясазда аскIор гьарурал, ккарал хIужаби тIатичIого хутIуларо росабалъ, шагьаразда хутIаниги.»
Шамиль мухъалъул Гьидалъан ГьитIинасул ПатIимат:
«Шамил мухъалда гуребги, магIарухъ кибго букIараб жо буго гьеб. Исламалда дандекколарел, амма жеги цIунун хутIарал гIадатал чанги ругелъул нилъер. НекIо заманалдаго нижер тухумалдаги чIвана вацаз жидерго яц. Би риххун Хунзахъа рачIарал гьел цIакъ пахруго хьвадулел рукIун, хундерил мацIалда кIалъалел рукIун гьидерида рихун рукIун руго гьел. Гьеб мехалда гьезда унтизелъун гIадин гIадамаз харбал риччан руго гьезул яс къватIулъа къинай рагIулилан. Гьезги, уябищ гьеб хабар, гуребищали лъазабичIого, рогьо чуризеян чIван рехун йиго гьей. Амма гьедин гьабунилан чурулеб батуларо рогьо, тIадеги харбал рижун гурони. Гьанже информация хехго тIибитIулеб заманалда хехго тIтиритIула гьединал харбалги. Гьел гIемер кколел руго нижер мухъалдаго гIадин, ЧIарада мухъалдаги. Бахча-хьван тезейин лъугьаниги, хутIуларо гъоб къватIибе бачIинчIого. Дагьабниги хабар къватIибе бачIани, эбелалъухъ яги цогидазухъ балагьичIо чIвала яги араб бакI лъачIого, вахIшиго тIагIинарулаха ясал.
ЦIализеги гъол гьукъуларо, хъулухъалде ине гьукъуларо, Европаялъул къагIидаялда ретIа-къазе гьукъуларо. Цодагьабниги гIорхъолъа араб, гIадаталдасаги исламалдасаги кьурараб мехалъ – росасе хилиплъарай чIужу ятаниги, телефоналдасан, интернеталдасан васасулгун лъай-хъвай ккарай яс ятаниги – гьединаб мехалъ кколел руго ясал чIваялъул хIужаби.»
