Гьесул рагIабазда рекъон, Гьеб къоялъ жиндирго гIагарав чиясда цадахъ Гъизилюрт мухъалъул Бавтугъай росдал азарханаялде унев вукIарав Шагьидовасул машинаялда хадуб бачIине лъугьун буго I4 моделалъул «Лада» автомобиль. Азарханаялъул азбаралда Ладаялъуса тунчулги кодор ккун къватIире рачIарал лъабгоязда гьоркьов Шагьидовасда лъан вуго цевеги лъалев вукIарав АхIмад абурав гъизилюрталъулав. АхIмадида цадахъ рукIарал кIигояв полициялъул хIалтIухъабазул докуменги бихьун дуца жидее гIарац кьезе кколин абун МухIамадиде тIаделъун руго.
Шагьидов МухIамад: «Дун нижер автомобилалде аскIове щолагун нахъа чIезабун букIараб автомобилалъуса дида аскIоре лъабгояв вачIана. Гьезул цояв АхIмад дида цевеги лъалаан. КIалъалагун гьес таманчаги бахъун гьелъ кьабуна дида, данде дицаги кьабуна гьесда. Ниж рагъулеб мехала добго автомобилалъусан къватIире лъугьун вачIана кIигоявги дун вухизе лъугьана. АскIор ракIарарал гIадамаздаги полициялъул хасаб бутIаялъул хIалтIухъанасдаги жал полициялъул хIалтIухъаби ругин документ бихьизабуна гьез.
ГIадамаздаги дица гьезул имгIаласул гIарац бикъун бугин лъазабуна. Гьелдаса дуца жидее гIарац кьезе кколин лъугьана гьел. Машинаялъувги къазавун дица гьезие 7 миллион гъурущ кьезе кколин абураб кагътида гъулбас гьабеян тIаделъана гьел. АхIмад дида цевеги лъалев чи вукIана. Ниж кIиязулго бизнесалда хурхарал суалал рукIана. Дица гьесие кьезе кколеб букIараб 380 азарго гъурущги кьун букIана. Гьанже дир москваялда бизнес лъикI инеб букIин лъан гьев дихъа гIарац тIалаб гьабизе лъугьана».
Гьелдаса хадув жинца лъиениги гIарац кьоларин чIарав бидвецIцIулев МухIамад гьел лъабгояс автомобилалда жанивги къазавун вачун вуго Гъизилюрт мухъалъул КIулзеб росулъе. Гьенир росда аскIор гьазухъ балагьун чIараб цоги автомобильги батун буго. МухIамадица бицухъе нухда гьав рекIараб автомобиль чанго нухалъ нухазул полициялъул хIалтIухъабаз чIезабун буго, амма гьав вухараз жидерго документал рихьизаруралго щибго абичIого риччан тун руго.
Шагьидов МухIамад: «Гьедин ниж щвана КIулзеб росулъе. Гьениб росу рагIалда бугеб цо минаялъуве вачана дун. Гьениб дица гьезие 7 миллион гъурущ кьезе кколин абураб кагътида дица гъулбас лъеян тIаделъана диде. Жидеца абураб гьабичIони мун чIвазе вугиланги лъазабуна дида».
Шагьидовасул рагIабазда рекъон КIулзебалда гьесда аскIове вачIун вуго жив полициялъул хIалтIухъан вугин жидеца малъараб гьабичIого дур тIокIаб рес гьечIиланги абун цо чи.
Шагьидов МухIамад: «Дун рекIараб машинаялъул цебесеб бакIалдаги чIун гьев чияс абуна жив полициялъул хIалтIухъан вугин, жидее 7 гъурущ миллион кьезе кколин абураб кагътида гъулбасги гьабун берцинго нахъе ани лъикI бугин дуе, гурони жидеца дуе рахIат тезе гьечIин».
Гьебго сордоялъ МухIамад МахIачхъалаялде вачун вуго. Гьенивги цо рокъовги тIамун гьасдаса добго гIарац тIалаб гьабизе лъугьун буго.
Шагьидовасул гIагарлъияъ Гъизилюрт мухъалъул цIех-рехалъул комитеталде гIарза хъван букIин лъараб мехалда гьел чагIаз гIарцул хабарги лъугIизе тун гIарза нахъе босеян тIалаб гьабун буго. Босилин абун къотIиги гьабун таксиялда рекIинавун Шагьидов нахъе виччан вуго.
Гьеб сагIатго МухIамад Гъизилюрталъул цIех-рехалъул комитеталде щун вуго, гьеб бакIалдаго , гьасул гIарза босарав цIех-рехчиясе, полициялъул кIудиял хъулухъазда ругел гIадамал кIалъазе лъугьун руго Шагьидовасул гIарзалъухъ гIинтIамугеян абун. Щиб гьабунги жинца гьелчагIазе тамихI гьабизабичIого тезе гьечIин абулеб буго вухарас.
Гьаб сагIаталда МухIамад цIех-рехалъул комитеталъ витIун медицинаялъул экспертизаги гьабун МахIачхъалаялъул аслияб азарханаялда вегун вуго. Тохтурзабаз гьесул гIадалнахуй жагъаллъи ккун бугин чIезабун буго.
МахIмудова ПатIимат
Шагьидов МухIамад: «Дун нижер автомобилалде аскIове щолагун нахъа чIезабун букIараб автомобилалъуса дида аскIоре лъабгояв вачIана. Гьезул цояв АхIмад дида цевеги лъалаан. КIалъалагун гьес таманчаги бахъун гьелъ кьабуна дида, данде дицаги кьабуна гьесда. Ниж рагъулеб мехала добго автомобилалъусан къватIире лъугьун вачIана кIигоявги дун вухизе лъугьана. АскIор ракIарарал гIадамаздаги полициялъул хасаб бутIаялъул хIалтIухъанасдаги жал полициялъул хIалтIухъаби ругин документ бихьизабуна гьез.
ГIадамаздаги дица гьезул имгIаласул гIарац бикъун бугин лъазабуна. Гьелдаса дуца жидее гIарац кьезе кколин лъугьана гьел. Машинаялъувги къазавун дица гьезие 7 миллион гъурущ кьезе кколин абураб кагътида гъулбас гьабеян тIаделъана гьел. АхIмад дида цевеги лъалев чи вукIана. Ниж кIиязулго бизнесалда хурхарал суалал рукIана. Дица гьесие кьезе кколеб букIараб 380 азарго гъурущги кьун букIана. Гьанже дир москваялда бизнес лъикI инеб букIин лъан гьев дихъа гIарац тIалаб гьабизе лъугьана».
Гьелдаса хадув жинца лъиениги гIарац кьоларин чIарав бидвецIцIулев МухIамад гьел лъабгояс автомобилалда жанивги къазавун вачун вуго Гъизилюрт мухъалъул КIулзеб росулъе. Гьенир росда аскIор гьазухъ балагьун чIараб цоги автомобильги батун буго. МухIамадица бицухъе нухда гьав рекIараб автомобиль чанго нухалъ нухазул полициялъул хIалтIухъабаз чIезабун буго, амма гьав вухараз жидерго документал рихьизаруралго щибго абичIого риччан тун руго.
Шагьидов МухIамад: «Гьедин ниж щвана КIулзеб росулъе. Гьениб росу рагIалда бугеб цо минаялъуве вачана дун. Гьениб дица гьезие 7 миллион гъурущ кьезе кколин абураб кагътида дица гъулбас лъеян тIаделъана диде. Жидеца абураб гьабичIони мун чIвазе вугиланги лъазабуна дида».
Шагьидовасул рагIабазда рекъон КIулзебалда гьесда аскIове вачIун вуго жив полициялъул хIалтIухъан вугин жидеца малъараб гьабичIого дур тIокIаб рес гьечIиланги абун цо чи.
Шагьидов МухIамад: «Дун рекIараб машинаялъул цебесеб бакIалдаги чIун гьев чияс абуна жив полициялъул хIалтIухъан вугин, жидее 7 гъурущ миллион кьезе кколин абураб кагътида гъулбасги гьабун берцинго нахъе ани лъикI бугин дуе, гурони жидеца дуе рахIат тезе гьечIин».
Гьебго сордоялъ МухIамад МахIачхъалаялде вачун вуго. Гьенивги цо рокъовги тIамун гьасдаса добго гIарац тIалаб гьабизе лъугьун буго.
Шагьидовасул гIагарлъияъ Гъизилюрт мухъалъул цIех-рехалъул комитеталде гIарза хъван букIин лъараб мехалда гьел чагIаз гIарцул хабарги лъугIизе тун гIарза нахъе босеян тIалаб гьабун буго. Босилин абун къотIиги гьабун таксиялда рекIинавун Шагьидов нахъе виччан вуго.
Гьеб сагIатго МухIамад Гъизилюрталъул цIех-рехалъул комитеталде щун вуго, гьеб бакIалдаго , гьасул гIарза босарав цIех-рехчиясе, полициялъул кIудиял хъулухъазда ругел гIадамал кIалъазе лъугьун руго Шагьидовасул гIарзалъухъ гIинтIамугеян абун. Щиб гьабунги жинца гьелчагIазе тамихI гьабизабичIого тезе гьечIин абулеб буго вухарас.
Гьаб сагIаталда МухIамад цIех-рехалъул комитеталъ витIун медицинаялъул экспертизаги гьабун МахIачхъалаялъул аслияб азарханаялда вегун вуго. Тохтурзабаз гьесул гIадалнахуй жагъаллъи ккун бугин чIезабун буго.
МахIмудова ПатIимат
