Дагъистан бахун къватIибехун гьелъул цIар бахъидал гIемерисезда тIоцебе ракIалде бачIуна рагъ абураб рагIи - гьеб тайпаялъул баянал гIемер дандчIвазе бегьула интернет сайтазул гьумеразда. Республикаялда оперативияб ахIвал-хIал хIалуцунеб букIиналда бан Дагъистаналде тIадеги рагъулаб къуват рехизе букIиналъул баян чанго нухалъ къватIибе кьуна информ. алатаз.
ТIоцебе гьединаб лъазаби къватIибе кьун букIана гьаб соналъул март моцIалда. Чачаназул дораса Дагъистаналде 20 азарго чи вугеб рагъулаб къуват рехизе бугилан абураб баян къватIибе бачIиндал республикаялъул хIинкъи гьечIолъиялъул шураялъул нухмалъулев БагIачилов МухIамадица абун букIана гьеб гьереси бугилан. Амма гьоркьоб заман индал низам цIунулез лъазабуна хIакъикъаталдаги 20 азарго гуреб, 1700 чиясдасан гIуцIараб аскар рехизе бугин мадугьалихъ бугеб республикаялдаса абун. Гьоркьоб заман индал россиялъул цогидал шагьараздасаги 700 рагъухъан витIизе вукIиналъулги букIана хабар. Киналгойин абуни ралагьун чIун рукIана жакъа-метер республикаялда рагъ байбихьилилан абун.
"Кавказская Политика" сайталда журналист АхIмаднаби АхIмаднабиевас хъвалеб буго Чачаназул республикаялда гIурхъаби цIунун ругел аскариязул къукъаби Дагъистаналде ритIизе рукIиналъул хабар бугилан. Гьезул президент Къадиров Рамзаница абун буго ракълилаб сихIкъотIи бугеб регионалда гьединал аскариял рукIине ккеялъул хIажалъи бихьуларин жиндаян. Дагъистаналъул жанисел ишазул министерлъиялъ инкар гьабулеб буго гьел аскариял республикаялде рачIине ругилан абураб хабар хIакъикъияб букIиналдаса.
Амма дагъистаниял божулел гьечIо тIалъиялъ бицунеб хабаралда ва гьезул рахIат хун буго тIадеги рагъулал къуват рехиялдалъун регионлда ахIвал-хIал тIадеги хIалуциналан.
ХIакъикъаталдаги бугиш гьединаб хIинкъи Дагъистаналда кватIичIого рагъ байбихьилилан, кинал ругел гIадмазул гьелда тIасан пикраби? «Эркенлъи» радиоялъ хIалбихьана гьезул цо-цоял кинал ругелали лъазе.
МахIачахъалаялда Исламияб университеталда цIалулев СагIид божулев гьечIо кватIичIого Дагъистаналда рагъ букIине бегьулин абураб жоялда. Рехулел ратаниги Дагъистаналде тIадеги рагъулал къуватал гьеб бугин Россиялъулгун питна ахIизе бокьарал регионал ялъуни хIукуматал ратани, гIурхъаби цIунулел рукIинги, россиялъул армиялъул гуч букIинги гьезда бихьизабизелъун гьабулеб хIалтIиян рикIкIунеб буго СагIидица
ХIажиев СагIид: « Рагъ Дагъистаналда букIине рес гьечIо, Россиялъе нилъ жеги хIажат руго. Нилъедаса инкар гьабунани Кавказ тIубнго биххизе буго, щайгурелъул щуго республикаялъулгун гIорхъода бугеб республика ккола нилъер. Гьанире рехарал аскариялги рагъалъе ритIарал чагIи гуро гъол. Дагъистаналда рагъ гьабизе бокьарал чагIазда Россиялъул къуватги, улка цIунун гьезухъа бажарулеблъи бихьизабизе гьабулеб хIалтIи ккола гьеб».
ХIалтIулаб къваригIелалъ Россиялъул чанго шагьараздеги щун дагьав цевегIан нахъвуссун вачIарав Каспийскалда гIумру гьабун вугев Гъуниб мухъалдаса ГIалиев МухIамадица абуна «Эркенлъи» радиоялъе Дагъистаналда ахIвал-хIал хIалуцинабизе бокьарал цо хасал мурадал ругин гьабсагIат россиялда, амма гьесул ракIчIун буго жакъасеб росиялъул хIукумат нухмалъуда букIаго Дагъистаналда питна багъаризабизе лъилниги рес гIоларилан.
Республикаялда цебегоялдаса унеб буго изну гьечIого яргъид гIуцIаразде данде тIоритIулел хасал операциял. Гьезул гIаммаб къадар 200-300 чи вугилан абун букIана цебегIанго жанисел ишазул министрас. Экспертаз гIажаиблъи гьабулеб буго цоялдаса цояб лъикIаб ярагъги букIаго гьедигIанасебго къадар къуваталъул идарабазул чагIи рукIаниги гIола гурищин гьел киналго тIагIинаризе абун. Амма ахIвал-хIал республикаялда хисулебго гьечIо.
ТIоцебе гьединаб лъазаби къватIибе кьун букIана гьаб соналъул март моцIалда. Чачаназул дораса Дагъистаналде 20 азарго чи вугеб рагъулаб къуват рехизе бугилан абураб баян къватIибе бачIиндал республикаялъул хIинкъи гьечIолъиялъул шураялъул нухмалъулев БагIачилов МухIамадица абун букIана гьеб гьереси бугилан. Амма гьоркьоб заман индал низам цIунулез лъазабуна хIакъикъаталдаги 20 азарго гуреб, 1700 чиясдасан гIуцIараб аскар рехизе бугин мадугьалихъ бугеб республикаялдаса абун. Гьоркьоб заман индал россиялъул цогидал шагьараздасаги 700 рагъухъан витIизе вукIиналъулги букIана хабар. Киналгойин абуни ралагьун чIун рукIана жакъа-метер республикаялда рагъ байбихьилилан абун.
"Кавказская Политика" сайталда журналист АхIмаднаби АхIмаднабиевас хъвалеб буго Чачаназул республикаялда гIурхъаби цIунун ругел аскариязул къукъаби Дагъистаналде ритIизе рукIиналъул хабар бугилан. Гьезул президент Къадиров Рамзаница абун буго ракълилаб сихIкъотIи бугеб регионалда гьединал аскариял рукIине ккеялъул хIажалъи бихьуларин жиндаян. Дагъистаналъул жанисел ишазул министерлъиялъ инкар гьабулеб буго гьел аскариял республикаялде рачIине ругилан абураб хабар хIакъикъияб букIиналдаса.
Амма дагъистаниял божулел гьечIо тIалъиялъ бицунеб хабаралда ва гьезул рахIат хун буго тIадеги рагъулал къуват рехиялдалъун регионлда ахIвал-хIал тIадеги хIалуциналан.
ХIакъикъаталдаги бугиш гьединаб хIинкъи Дагъистаналда кватIичIого рагъ байбихьилилан, кинал ругел гIадмазул гьелда тIасан пикраби? «Эркенлъи» радиоялъ хIалбихьана гьезул цо-цоял кинал ругелали лъазе.
МахIачахъалаялда Исламияб университеталда цIалулев СагIид божулев гьечIо кватIичIого Дагъистаналда рагъ букIине бегьулин абураб жоялда. Рехулел ратаниги Дагъистаналде тIадеги рагъулал къуватал гьеб бугин Россиялъулгун питна ахIизе бокьарал регионал ялъуни хIукуматал ратани, гIурхъаби цIунулел рукIинги, россиялъул армиялъул гуч букIинги гьезда бихьизабизелъун гьабулеб хIалтIиян рикIкIунеб буго СагIидица
ХIажиев СагIид: « Рагъ Дагъистаналда букIине рес гьечIо, Россиялъе нилъ жеги хIажат руго. Нилъедаса инкар гьабунани Кавказ тIубнго биххизе буго, щайгурелъул щуго республикаялъулгун гIорхъода бугеб республика ккола нилъер. Гьанире рехарал аскариялги рагъалъе ритIарал чагIи гуро гъол. Дагъистаналда рагъ гьабизе бокьарал чагIазда Россиялъул къуватги, улка цIунун гьезухъа бажарулеблъи бихьизабизе гьабулеб хIалтIи ккола гьеб».
ХIалтIулаб къваригIелалъ Россиялъул чанго шагьараздеги щун дагьав цевегIан нахъвуссун вачIарав Каспийскалда гIумру гьабун вугев Гъуниб мухъалдаса ГIалиев МухIамадица абуна «Эркенлъи» радиоялъе Дагъистаналда ахIвал-хIал хIалуцинабизе бокьарал цо хасал мурадал ругин гьабсагIат россиялда, амма гьесул ракIчIун буго жакъасеб росиялъул хIукумат нухмалъуда букIаго Дагъистаналда питна багъаризабизе лъилниги рес гIоларилан.
Республикаялда цебегоялдаса унеб буго изну гьечIого яргъид гIуцIаразде данде тIоритIулел хасал операциял. Гьезул гIаммаб къадар 200-300 чи вугилан абун букIана цебегIанго жанисел ишазул министрас. Экспертаз гIажаиблъи гьабулеб буго цоялдаса цояб лъикIаб ярагъги букIаго гьедигIанасебго къадар къуваталъул идарабазул чагIи рукIаниги гIола гурищин гьел киналго тIагIинаризе абун. Амма ахIвал-хIал республикаялда хисулебго гьечIо.