ТIоцебесеб хасаб операциялде низам цIунулез байбихьана рузманкъоялъго МахIачхъалаялъул Казбекова абураб къотIноб бугеб минаялъуб. Цереккунисел баяназдасан хъачагъазул лъабго чи вахчун вугин гьенивилан абураб хабар щун букIун буго гьезухъе. Амма сардилъ ккарал чанго рагъулал тунка-гIусияздасан къуваталъул идарабзда лъан буго такъсирчагIи цIикIкIун рукIин. Сверун ккураб минаялъусан къватIире рорчIизе чанго къасд гьабун буго яргъид гIуцIарал хъачагъаз, амма гьеб гIададисеб ишлъун ккана гьезие. Низам цIунулез лъураб кьвагьиялъул хIасилалда изну гьечIого яргъид гIуцIаразул анкьгояв чIван вуго гьенив. Кьвагьа-гIанхъиялъул хIасилалда полициялъулазул кIиго чи лъукъун вуго.
Тахшагьаралда кIиабилебги хасаб операция тIобитIулеб букIиналъул баян тIоцебе къватIибе кьуна инсанасул ихтиярал цIунулез. «Правозащита» централъул вакил Рустамова Гульнараца бицухъе ГIахъушиясул цIаралда бугеб къотIноб гIумру гьабун йигей ясалъ ахIун буго гьелъухъе къаси сагIат 12 тIубарабго гьелъул рукъ сверун ккунин низам цIунулел хIалтIухъабазилан. Амма Дагъистаналъул жанисел ишазул идараялъ гьеб баян мекъаблъун рикIкIанилан хъвалеб буго информ.алатаз кьураб баяналда. Низам цIунулезул рагIабазда рекъон ГIахъушиясул къотIноб бугеб рукъ хIакъикъаталдаги сверун ккун букIун буго полициялъул хIалтIухъабаз, амма гьениб хасаб операция унеб букIинчIилан абулеб буго гьез.
29 декабралда къуваталъул идарабаз бицана цебесеб къоялъ Махачхъалаялда чIварал изну гьечIого яргъид гIуцIарал щал рукIаралали. Гьел ккола ТалхIатов ХIажимурадги, КъурамухIамадов Арсенги, Ахмадов Шамильги. Гьел лъабалго унел рукIун руго Гъизилюрт мухъалъул изун гьечIого яргъид гIуцIаразул къукъаялде гъорлъе. ТIадехун рехсарав ТалхIатов ХIажимурадица Гъизилюрт мухъалъул жанисел ишазул нухмалъулев Заирбегов АсхIабгIалие интернеталдасан хIинкъи кьолеб хитIаб бахъун букIана фейсбук сайталда. ХутIарал ункъоял щал рукIаралали жеги лъазабулеб буго низам цIунулез.
Шамат къоялъ МахIачхъалаялда бугеб цогиги мина сверун ккун букIана полициялъулаз. Гьенир жанир изнугьечIого яргъид гIуцIаразул чанго чи вукIиналъул хабар щун буго гьезухъе. Жансиел ишазул идарялъ кьурал баяназда абулеб букIана сверун ккураб минялъур такъсирчагIазул щуго чи вугин ва гьабсагIаталда кверде рачIинелъун полициялъулаз гьезулгун къотIи-къаял гьарулел ругилан. Дагьал хадусан щварал баяназдасан лъан гьеб рокъор хъачагъал рукIун гьечIилан.
Дагъистаналъул чанго шагьаразда полициялъулаз гьединго ккун руго ЦIияб сон баркизе бегьуларилан абурал тIамчал рикьулел рукIарал гIолохъабазул чанго чи. Гьедин Избербашалдаса Исрапилов Садикъ абулев гIолилас бицунеб буго гьединал тIамчал гIадамазухъе рикьулев вукIаго рачIун полициялъулазул чанго чияс автомобилалдеги вахинавун шагьаралъул жанисел ишазул идараялде живго вачараб куцалъул ва гьениб жиндего хIинкъаби кьурал куцалъул. Радал нахъе вичан вуго гьев полициялъулаз.
Гьединго Гъизилюрт мухъалъул Чонтаул росулъа гIолилавги жеги I0 чиги рачун руго полициялде, анлъгоял гIемер мех балелдего нахъе риччан руго, гьевги хутIаралги жал гьенире рачиналъе букIараб гIилла бицеян полициялъулаздаса гьез жаваб тIалаб гьабуралъухъилан халкъияв диванчияс 10 суткаялъ жанир тIамизе хIукму къотIун буго.
Адвокат Зиявудин МухIамадовас рикIкIунеб буго полициялъулаз гьеб бакIалда къанун хвезабун бугин, лъилниги ихтияр гьечIин гьел тIамчал рикьунилан абун гIадамал жанир тIамизе.
Полициялъ кквезе кколин такъир гьабурал чагIи, амма щивасул жинди-жиндир бугеб пикру загьир гьабуралъухъ гьев чи жанив тIамизейищин кколев, гьелда тIад рекъезе жинда кIоларилан абуна «Эркенлъи» радиоялъе Болъихъ мухъалдаса адвокат Сулейманов Сулейманицаги:
Сулейманов Сулейман: «Нилъер Конституциялъги абулеб буго щивасул ихтияр бугин жиндирго пикру загьир гьабизейилан. БатIияб рагIи буго гьел гIолилаца ЦIияб сон кIодо гьабизе бегьуларилан, гьеб чIезабизейилан гьел лъугьонел рукIарал ратани, гьеб такъсир ккола. Амма гьедин абунилан полициялъ гьев кквей къанун хвезабилъун рикIкIуна дица».
Дагъистаналда ЦIияб соналъул байрамалда хурхун бахIсал унел рукIин цIияб хIужа гуро республикаялъе. Гьедин араб соналда гьеб капурзабазул байрам кколилан гIемерисел бусурбабаз инкар гьабуна гьеб кIодо гьабизе. ЦIияб сон тIаде щвезе жеги кIигониги анкь букIаго гьелго хабарал нахъойги цIилъана исанаги. Амма кин букIаниги дагъистаналъул халкъ хIадурлъулеб буго байрам кIодо гьабизе.
Тахшагьаралда кIиабилебги хасаб операция тIобитIулеб букIиналъул баян тIоцебе къватIибе кьуна инсанасул ихтиярал цIунулез. «Правозащита» централъул вакил Рустамова Гульнараца бицухъе ГIахъушиясул цIаралда бугеб къотIноб гIумру гьабун йигей ясалъ ахIун буго гьелъухъе къаси сагIат 12 тIубарабго гьелъул рукъ сверун ккунин низам цIунулел хIалтIухъабазилан. Амма Дагъистаналъул жанисел ишазул идараялъ гьеб баян мекъаблъун рикIкIанилан хъвалеб буго информ.алатаз кьураб баяналда. Низам цIунулезул рагIабазда рекъон ГIахъушиясул къотIноб бугеб рукъ хIакъикъаталдаги сверун ккун букIун буго полициялъул хIалтIухъабаз, амма гьениб хасаб операция унеб букIинчIилан абулеб буго гьез.
29 декабралда къуваталъул идарабаз бицана цебесеб къоялъ Махачхъалаялда чIварал изну гьечIого яргъид гIуцIарал щал рукIаралали. Гьел ккола ТалхIатов ХIажимурадги, КъурамухIамадов Арсенги, Ахмадов Шамильги. Гьел лъабалго унел рукIун руго Гъизилюрт мухъалъул изун гьечIого яргъид гIуцIаразул къукъаялде гъорлъе. ТIадехун рехсарав ТалхIатов ХIажимурадица Гъизилюрт мухъалъул жанисел ишазул нухмалъулев Заирбегов АсхIабгIалие интернеталдасан хIинкъи кьолеб хитIаб бахъун букIана фейсбук сайталда. ХутIарал ункъоял щал рукIаралали жеги лъазабулеб буго низам цIунулез.
Шамат къоялъ МахIачхъалаялда бугеб цогиги мина сверун ккун букIана полициялъулаз. Гьенир жанир изнугьечIого яргъид гIуцIаразул чанго чи вукIиналъул хабар щун буго гьезухъе. Жансиел ишазул идарялъ кьурал баяназда абулеб букIана сверун ккураб минялъур такъсирчагIазул щуго чи вугин ва гьабсагIаталда кверде рачIинелъун полициялъулаз гьезулгун къотIи-къаял гьарулел ругилан. Дагьал хадусан щварал баяназдасан лъан гьеб рокъор хъачагъал рукIун гьечIилан.
Дагъистаналъул чанго шагьаразда полициялъулаз гьединго ккун руго ЦIияб сон баркизе бегьуларилан абурал тIамчал рикьулел рукIарал гIолохъабазул чанго чи. Гьедин Избербашалдаса Исрапилов Садикъ абулев гIолилас бицунеб буго гьединал тIамчал гIадамазухъе рикьулев вукIаго рачIун полициялъулазул чанго чияс автомобилалдеги вахинавун шагьаралъул жанисел ишазул идараялде живго вачараб куцалъул ва гьениб жиндего хIинкъаби кьурал куцалъул. Радал нахъе вичан вуго гьев полициялъулаз.
Гьединго Гъизилюрт мухъалъул Чонтаул росулъа гIолилавги жеги I0 чиги рачун руго полициялде, анлъгоял гIемер мех балелдего нахъе риччан руго, гьевги хутIаралги жал гьенире рачиналъе букIараб гIилла бицеян полициялъулаздаса гьез жаваб тIалаб гьабуралъухъилан халкъияв диванчияс 10 суткаялъ жанир тIамизе хIукму къотIун буго.
Адвокат Зиявудин МухIамадовас рикIкIунеб буго полициялъулаз гьеб бакIалда къанун хвезабун бугин, лъилниги ихтияр гьечIин гьел тIамчал рикьунилан абун гIадамал жанир тIамизе.
Полициялъ кквезе кколин такъир гьабурал чагIи, амма щивасул жинди-жиндир бугеб пикру загьир гьабуралъухъ гьев чи жанив тIамизейищин кколев, гьелда тIад рекъезе жинда кIоларилан абуна «Эркенлъи» радиоялъе Болъихъ мухъалдаса адвокат Сулейманов Сулейманицаги:
Сулейманов Сулейман: «Нилъер Конституциялъги абулеб буго щивасул ихтияр бугин жиндирго пикру загьир гьабизейилан. БатIияб рагIи буго гьел гIолилаца ЦIияб сон кIодо гьабизе бегьуларилан, гьеб чIезабизейилан гьел лъугьонел рукIарал ратани, гьеб такъсир ккола. Амма гьедин абунилан полициялъ гьев кквей къанун хвезабилъун рикIкIуна дица».
Дагъистаналда ЦIияб соналъул байрамалда хурхун бахIсал унел рукIин цIияб хIужа гуро республикаялъе. Гьедин араб соналда гьеб капурзабазул байрам кколилан гIемерисел бусурбабаз инкар гьабуна гьеб кIодо гьабизе. ЦIияб сон тIаде щвезе жеги кIигониги анкь букIаго гьелго хабарал нахъойги цIилъана исанаги. Амма кин букIаниги дагъистаналъул халкъ хIадурлъулеб буго байрам кIодо гьабизе.
