ЭР-ялъе жиндир цIар баян гьабизе разилъичIев прокуратураялъул хIалтIухъанас абуна республикаялъул нухмалъулесда данде вахъин гIадаб жоги кколеб бугила, амма жив тIадрекъолеб жо гурила гьеб.
Прокурор: «Чияр хIалтIи босулеб буго жидедаго тIаде. ГьабсагIаталда гьезие гьабизе бокьун бугеб жо къануналда данде кколеб жо гурин абизе кIола дида ракIчIун».
Хасавюрталдаса адвокат ГIумаров ГIадилгерейил пикруялда, кватIунцин руго гьел хасал къокъаби гIуцIизе, гьеб гьабизе ккола цо чанго соналъ цебего. Жинца гьедин 10 соналъ цебего абулеб букIанин бицана адвокат ГIумаровас ЭР-ялъе. 1999 соналда Дагъистаналда рагъ ккараб 13 соналъ жеги къотIинчIила гьаниб кьвагьа-гIанхъи.
ГIумаров ГIадилгерей: «Долдаса нахъе гьаниб чIвай-хъвей гьоркьоса къотIичIелъул. Гьел къокъаби гIуцIани, росулъе вачIуневги вихьила, къватIиве уневги вихьила…».
Низам цIунулезда божилъи гьечIого бечедал чагIаз жидеего ресал ралагьулел ругин цIуна-къай гьабизе, гIадатиял гIадамал ругин гьабилеб жо лъаларогоян рикIкIунеб буго ГIадилгерейица.
ГIумаров ГIадилгерей: «Гъоз, бихьуларищха, росулъ ругел рукIа, шагьаралда ругел рукIа, гIадамал цIунулел гьечIелъул. Бечедал чагIазин абуни жалго цIунизе къокъаби гIуцIун руго жидерго гIарцухъги, пачалихъалъул ресалдасанги… Кинабго жо жидеего рекъезабун буго. Мискинзабийин абуни цIуна-къан гьечIо. Полициялъулги низам цIунулел цогидал идарбазулги кинаб къимат гIодобегIан ккей букIунеб, жалго жидедаго цIунизе кIолареб мехалда? ТIутIал гIадин чIвалел руго гурищ гьел къойилго».
ГьабсагIаталда Дагъистаналда бугеб ахIвал-хIал гIемерисез 1999 соналда букIаралда релълъинабулеб буго. Гьеб мехалда нуже-нужеего ярагъ босейин, хадуб гьеб пачалихъалъ бецIизе бугин халкъалде хитIаб гьабун букIана Дагъистаналъул гьанжесев нухмалъулесул эмен МухIамадов МухIамадгIалица. Рокъоб бугеб мал-мулкги боцIи-панзги бичун гьебги босун, хадуб – рагъ лъугIигун – гIадамал диваназде рекерахъдулел хутIана. Хасавюрталдаса адвокат ГIумаров ГIадилгерейица абулеб буго гьаб нухалда хIисабалде росизе кколин доб мехалда рукIарал гIунгутIаби.
Гьединлъидал букIине кколедухъ гьабулеб бугони, щибаб росулъ, шагьаралда яргъилал къокъаби гIуцIиялъул пикру гIезегIан лъикIаб жолъун рикIкIунеб буго адвокат ГIумаров ГIадилгерейица.
ТIасахун буюрухъги кьун гуреб, гъоркьан, жибго халкъалъ гIуцIулел ругони гурони, гьел къокъабаз унго-унгояб хIасил кьоларин абураб пикру загьир гьабулеб буго интернеталда Москваялда чIарав Дагъистаналдаса политолог Къурбанов Русланица. Гьединалго хIалбихьиял 1999 соналдаги гьарун рукIанилан ракIалде щвезабулеб буго гьес. Гьединго росабазул жамгIатаз кодобе босизе кколила гьеб хIалтIи.
Россиялдаса гIалимчи ва журналист Казенин Константинида гьел къокъаби гIуцIиялъулъ бихьулеб буго кIиго хIинкъи. Цин бугони, кодобе ярагъги кьун гIадатиял гIадамаздасан гIуцIарал гьел къокъаби батIи-батIиял конфликтазулъе цIазе рес буго цо-цо чагIаз. Дагъистаналда гIемер букIуна ракьуда хурхараб дагIба-рагIи. Гьединго гьел къокъабиги хIалае ккун, батIи-батIиял чагIаз жидеего цIар гьабизеги бегьулила. Гьедин 1999 соналда Болъихъ рагъда гIахьаллъизеян МахIачхъалаялъул мэр СагIид Амировас гIуцIараб къокъа гIад-хочI гьабула гIадамаз, аскIобе гIагарунгицин рагъ бихьичIин гьездаянги абун.
Прокурор: «Чияр хIалтIи босулеб буго жидедаго тIаде. ГьабсагIаталда гьезие гьабизе бокьун бугеб жо къануналда данде кколеб жо гурин абизе кIола дида ракIчIун».
Хасавюрталдаса адвокат ГIумаров ГIадилгерейил пикруялда, кватIунцин руго гьел хасал къокъаби гIуцIизе, гьеб гьабизе ккола цо чанго соналъ цебего. Жинца гьедин 10 соналъ цебего абулеб букIанин бицана адвокат ГIумаровас ЭР-ялъе. 1999 соналда Дагъистаналда рагъ ккараб 13 соналъ жеги къотIинчIила гьаниб кьвагьа-гIанхъи.
ГIумаров ГIадилгерей: «Долдаса нахъе гьаниб чIвай-хъвей гьоркьоса къотIичIелъул. Гьел къокъаби гIуцIани, росулъе вачIуневги вихьила, къватIиве уневги вихьила…».
Низам цIунулезда божилъи гьечIого бечедал чагIаз жидеего ресал ралагьулел ругин цIуна-къай гьабизе, гIадатиял гIадамал ругин гьабилеб жо лъаларогоян рикIкIунеб буго ГIадилгерейица.
ГIумаров ГIадилгерей: «Гъоз, бихьуларищха, росулъ ругел рукIа, шагьаралда ругел рукIа, гIадамал цIунулел гьечIелъул. Бечедал чагIазин абуни жалго цIунизе къокъаби гIуцIун руго жидерго гIарцухъги, пачалихъалъул ресалдасанги… Кинабго жо жидеего рекъезабун буго. Мискинзабийин абуни цIуна-къан гьечIо. Полициялъулги низам цIунулел цогидал идарбазулги кинаб къимат гIодобегIан ккей букIунеб, жалго жидедаго цIунизе кIолареб мехалда? ТIутIал гIадин чIвалел руго гурищ гьел къойилго».
ГьабсагIаталда Дагъистаналда бугеб ахIвал-хIал гIемерисез 1999 соналда букIаралда релълъинабулеб буго. Гьеб мехалда нуже-нужеего ярагъ босейин, хадуб гьеб пачалихъалъ бецIизе бугин халкъалде хитIаб гьабун букIана Дагъистаналъул гьанжесев нухмалъулесул эмен МухIамадов МухIамадгIалица. Рокъоб бугеб мал-мулкги боцIи-панзги бичун гьебги босун, хадуб – рагъ лъугIигун – гIадамал диваназде рекерахъдулел хутIана. Хасавюрталдаса адвокат ГIумаров ГIадилгерейица абулеб буго гьаб нухалда хIисабалде росизе кколин доб мехалда рукIарал гIунгутIаби.
Гьединлъидал букIине кколедухъ гьабулеб бугони, щибаб росулъ, шагьаралда яргъилал къокъаби гIуцIиялъул пикру гIезегIан лъикIаб жолъун рикIкIунеб буго адвокат ГIумаров ГIадилгерейица.
ТIасахун буюрухъги кьун гуреб, гъоркьан, жибго халкъалъ гIуцIулел ругони гурони, гьел къокъабаз унго-унгояб хIасил кьоларин абураб пикру загьир гьабулеб буго интернеталда Москваялда чIарав Дагъистаналдаса политолог Къурбанов Русланица. Гьединалго хIалбихьиял 1999 соналдаги гьарун рукIанилан ракIалде щвезабулеб буго гьес. Гьединго росабазул жамгIатаз кодобе босизе кколила гьеб хIалтIи.
Россиялдаса гIалимчи ва журналист Казенин Константинида гьел къокъаби гIуцIиялъулъ бихьулеб буго кIиго хIинкъи. Цин бугони, кодобе ярагъги кьун гIадатиял гIадамаздасан гIуцIарал гьел къокъаби батIи-батIиял конфликтазулъе цIазе рес буго цо-цо чагIаз. Дагъистаналда гIемер букIуна ракьуда хурхараб дагIба-рагIи. Гьединго гьел къокъабиги хIалае ккун, батIи-батIиял чагIаз жидеего цIар гьабизеги бегьулила. Гьедин 1999 соналда Болъихъ рагъда гIахьаллъизеян МахIачхъалаялъул мэр СагIид Амировас гIуцIараб къокъа гIад-хочI гьабула гIадамаз, аскIобе гIагарунгицин рагъ бихьичIин гьездаянги абун.
