Инсанасде гьеб унти бахунгутIиялъе медицинаялъул идарабазул хIалтIухъабаз гьеб мухъалда гIумру гьабун ругезе хасаб дару гьабулеб буго.
Роспотребнадзоралъул хIалтIухъабазул баяналда рекъон хIайваназул къавуда унти гIемерисеб мехалда хурул гIункIкIазда ва гIунхрузда букIунеб буго. Рукъалъул хIайваназде гьеб бахунеб гьечIо гьединлъидал щибго хIинкъи гьечIого босизе бегьулила тукадаса гьанилан лъазабулеб буго гьез.
РакIалде щвезабилин исана июль моцIалъул байбихьуда Кули мухъалда хIайванззул къавуда унти батун бугин, цIодорлъи гьабейин лъазабун букIана Дагъистаналъул Роспотребнадзоралъ. Аслияб къагIидаялъ гIалхуда рукIунел гIисинал гIунхруздасан бахунин гьеб гьединлъидал гьезда хъвагейин, яги цосина гьез хIанчIун бугони хантIан азарханаялде рачIаян лъазабун букIана гьеб идараялъ. I6 июлалъ Роспотребнадзоралъ кьурал баяназда рекъон гьаб сагIатлда жаниб гьеб унти цониги чиясде бахун гьечIо.
