Дагъистаналъул чанго бакIазда тIатинарун руго гIадамал чвердезе унеб бакIалда нухал къаялъул хIужаби. «Эркенлъи» радиоялъухъе щварал баяназда рекъон гьеб хIалтIи гьабун батун буго жидерго мина-рукъалда аскIосан гIадамал ва автомобилал хьвадизе бокьичIел гIадамаз. Амма гьезул гьелъие кинабгIаги ихтияр гьечIин абулеб буго республикаялъул тIабигIат цIуниялъул рахъалъ прокуратураялъул вакилзабаз
Тахшагьаралъул прокуратураялъ гьединал анкьго хIужаби тIатинарун руго МахIачхъалаялъул къватIазда. Гьел киналго ккола гIадамал чвердезе унеб бакIалда ругел шагьаралъул къватIал, щиаб нухда лъун ратун руго хасал маххул къотIелал. ТIоцебе гьелъул хIакъалъулъ хабар къватIибе загьирлъана цересел къояздаго. Шагьар бахун къватIибехунисеб рахъалда ЧIегIерал ганчIал абулеб бакIалда бугеб хIухьбахъялъул зона бугеб бакIалда батун гIадамал чвердезе унеб нух къан.
ТIабигIат цIуниялъул рахъалъ прокуратураялъ гьелда хурхун хIалтIи гьабизе байбихьун бугилан хъвалеб букIана интернеталъул гьурмазда. МахIачхъалаялда бугеб гьеб идараялъул нухмалъулев НурмухIамадов ГIалица бицана «Эркенлъи» радиоялъе Рохьил магIишаталъул бутIаялде гъоркье унеб ракь кколин гьеб. Гьенир аскIор гIумру гьабун ругел гIадамаз жидерго мина рукъалда аскIосан автомибалалгун пуй чIваялад гIемераб халкъ хьвадизе бокьичIел чагIаца букIун бугин гьениб нух къан, амма къануналда рекъон гьезул гьединаб ихтияр гьечIин гьезулилан абулеб буго прокурорас.
Нужеегоги нижееги тIагIамбахъи гьабичIого гьел нух къалеб бакIалад лъурал къотIелал нахъе рахъун паракъат рукIаян жидеца абун хадуб щибниги дагIба гьечIого сордо-къоялда жаниб нахъе рахъанин гьез нух къалеб бакIалда лъун рукIарал маххул къотIелал. Гьанже дагьаб хадуб жидеда ракIалда бугин тахшагьаралъул Киров мухъалъул прокуратураялъе кумек гьабун шагьаралдасаги рикIкIада бугеб МахIачхъалаялъул рохьихъанлъи абулеб бакIалдаги гьединабго куцалъ нух къан бугилан абун гьенибги хIалтIи гьабизе.
Шагьаралда жанир ругел гIадамал чвердезе унел бакIал ва хIухьбахъиялул зонабазда гьединал хIужаби тIатинарун хадуб гьезда тIад хIалтIи гьабулин шагьаралъул прокуратураялъилан бицана тIабигIат цIуниялъул прокурорас.
Чвердезе гIадамал унел бакIазда нухал къалел гIадамаз кинабниги изунги гьечIого гьабулеб батанин гьеб хIалтIиян бицана НурмухIамадовас.
НурмухIамадов ГIали: « Щибниги ихтияр гьечIо гьезул гьелъие. Ралъдахъе унел ва рачIунел гIадамаз жидеего тIагIамбахъи гьабизе бокьичIел чагIаз жалго лъугьун гIадамазе гьарулел кIвекIенал руго гьел. КъватI ккола киналго гIадамаз гIахьалго пайда босулеб бакI, гьениб цебе галан лъун гьеб къазе ихтияр гьечIо лъилниги.
Э.Р Хабар букIан жеги гьел чагIаз нухкъай жидеего пайдаяб куцалда сверизе гьабун бугин, ралъадахъе риччаралъухъ гIадамзухъа гьез гIарац босулеб букIун бугилан…
НурмухIамадов: «Гьеб хабар нижедаги рагIун букIана, амма тасдикъ гьабизе гIурал далилал нижехъе щвечIо. Гьединлъидал мухIканаб баяниш гьеб гуребищали чIванкъотIун абизе кIоларо»
Жалаго лъугьун гIадамаз гьединан нухал къаялъул хIужаби тахшагьаралда аскIор ругел хасал бетIергьанлъиялъул хIухьбахъиялъул зонабаздаги ратизе бегьулин, амма гьезулгун хIалтIи шагьаралъул прокуратурялъ гьабулин. «ЧIегIерал ганчIал» абураб хIухьбахъиялъул зонаялдаги жидеца хIалтIи гьабун букIанин Хъумторхъала мухъалъул прокуратураялъ жидее кумек гьабеян гьарун. Гьединалго кумек гьарун рачIарал лъазабиял МахIачахъалаялъул цогидал мухъалъул прокуратураялдасанги ругин, гьабсагIат жидергоги хIалтIи гIемерлъун букIиналъ регIулел гьечIин гьелдеян абулеб буго НурмухIамадов ГIалица.
«Чвердезе гьаниб гьукъун бугилан» абураб хъарщи чIван буго гьединго МахIачхъалялъул гIадамал чвердезе унеб ралъдал рагIалдаги. Амма гьеб игIлан кинаб гIиллаялда бан, ралъдалъ бугеб лъим чорокаб букиналда бан гIадамазул сахлъи цIуниялъул мурадалдайиш чIвараб ялъуни гьелъие батIияб гIиллайищ букIарабали мухIканал баянал нижехъе щвечIо.
Тахшагьаралъул прокуратураялъ гьединал анкьго хIужаби тIатинарун руго МахIачхъалаялъул къватIазда. Гьел киналго ккола гIадамал чвердезе унеб бакIалда ругел шагьаралъул къватIал, щиаб нухда лъун ратун руго хасал маххул къотIелал. ТIоцебе гьелъул хIакъалъулъ хабар къватIибе загьирлъана цересел къояздаго. Шагьар бахун къватIибехунисеб рахъалда ЧIегIерал ганчIал абулеб бакIалда бугеб хIухьбахъялъул зона бугеб бакIалда батун гIадамал чвердезе унеб нух къан.
ТIабигIат цIуниялъул рахъалъ прокуратураялъ гьелда хурхун хIалтIи гьабизе байбихьун бугилан хъвалеб букIана интернеталъул гьурмазда. МахIачхъалаялда бугеб гьеб идараялъул нухмалъулев НурмухIамадов ГIалица бицана «Эркенлъи» радиоялъе Рохьил магIишаталъул бутIаялде гъоркье унеб ракь кколин гьеб. Гьенир аскIор гIумру гьабун ругел гIадамаз жидерго мина рукъалда аскIосан автомибалалгун пуй чIваялад гIемераб халкъ хьвадизе бокьичIел чагIаца букIун бугин гьениб нух къан, амма къануналда рекъон гьезул гьединаб ихтияр гьечIин гьезулилан абулеб буго прокурорас.
Нужеегоги нижееги тIагIамбахъи гьабичIого гьел нух къалеб бакIалад лъурал къотIелал нахъе рахъун паракъат рукIаян жидеца абун хадуб щибниги дагIба гьечIого сордо-къоялда жаниб нахъе рахъанин гьез нух къалеб бакIалда лъун рукIарал маххул къотIелал. Гьанже дагьаб хадуб жидеда ракIалда бугин тахшагьаралъул Киров мухъалъул прокуратураялъе кумек гьабун шагьаралдасаги рикIкIада бугеб МахIачхъалаялъул рохьихъанлъи абулеб бакIалдаги гьединабго куцалъ нух къан бугилан абун гьенибги хIалтIи гьабизе.
Шагьаралда жанир ругел гIадамал чвердезе унел бакIал ва хIухьбахъиялул зонабазда гьединал хIужаби тIатинарун хадуб гьезда тIад хIалтIи гьабулин шагьаралъул прокуратураялъилан бицана тIабигIат цIуниялъул прокурорас.
Чвердезе гIадамал унел бакIазда нухал къалел гIадамаз кинабниги изунги гьечIого гьабулеб батанин гьеб хIалтIиян бицана НурмухIамадовас.
НурмухIамадов ГIали: « Щибниги ихтияр гьечIо гьезул гьелъие. Ралъдахъе унел ва рачIунел гIадамаз жидеего тIагIамбахъи гьабизе бокьичIел чагIаз жалго лъугьун гIадамазе гьарулел кIвекIенал руго гьел. КъватI ккола киналго гIадамаз гIахьалго пайда босулеб бакI, гьениб цебе галан лъун гьеб къазе ихтияр гьечIо лъилниги.
Э.Р Хабар букIан жеги гьел чагIаз нухкъай жидеего пайдаяб куцалда сверизе гьабун бугин, ралъадахъе риччаралъухъ гIадамзухъа гьез гIарац босулеб букIун бугилан…
НурмухIамадов: «Гьеб хабар нижедаги рагIун букIана, амма тасдикъ гьабизе гIурал далилал нижехъе щвечIо. Гьединлъидал мухIканаб баяниш гьеб гуребищали чIванкъотIун абизе кIоларо»
Жалаго лъугьун гIадамаз гьединан нухал къаялъул хIужаби тахшагьаралда аскIор ругел хасал бетIергьанлъиялъул хIухьбахъиялъул зонабаздаги ратизе бегьулин, амма гьезулгун хIалтIи шагьаралъул прокуратурялъ гьабулин. «ЧIегIерал ганчIал» абураб хIухьбахъиялъул зонаялдаги жидеца хIалтIи гьабун букIанин Хъумторхъала мухъалъул прокуратураялъ жидее кумек гьабеян гьарун. Гьединалго кумек гьарун рачIарал лъазабиял МахIачахъалаялъул цогидал мухъалъул прокуратураялдасанги ругин, гьабсагIат жидергоги хIалтIи гIемерлъун букIиналъ регIулел гьечIин гьелдеян абулеб буго НурмухIамадов ГIалица.
«Чвердезе гьаниб гьукъун бугилан» абураб хъарщи чIван буго гьединго МахIачхъалялъул гIадамал чвердезе унеб ралъдал рагIалдаги. Амма гьеб игIлан кинаб гIиллаялда бан, ралъдалъ бугеб лъим чорокаб букиналда бан гIадамазул сахлъи цIуниялъул мурадалдайиш чIвараб ялъуни гьелъие батIияб гIиллайищ букIарабали мухIканал баянал нижехъе щвечIо.
