Гьенир гьесие кьурал суалал рукIана гьабсагIаталда республикаялда бугеб жамгIиябгун политикияб ахIвал-хIалалда тIасан. Масала, жив вачIаралдаса гIуцIараб анцIго проектги бугин бицана гьес. Гьел гIумруялде рахъинаризе бажарани, щуго соналда жаниб республикаялда нусазарго чиясе хIалтIизе бакIги букIунила.
Гьединго рукIана суалал бюджеталъул гIарац бикъа-хъамиялда щаклъи ккун жанир тIамурал яги ккурал хIакимзабазда хурхунги. Масала, гьеб гIиллаялъе гIоло туснахъ гьавун вуго Хъумторхъала мухъалъул нухмалъулев, лъай кьеялъул министр хисулев. Бизнесменасул вас гъоркьлъалие восиялда щаклъи ккун жанив лъун вуго дармил министр хисулев. Гьединлъидал республикаялъул тIалъи чорокал хIакимзабаздаса бацIцIад гьабизе байбихьун бугин бицана гьеб данделъиялда Рамазан ГIабдулатIиповас. Жиндие гьединаб нухги Россиялъул президент Владимир Путиница кьун бугин.
Гьениб президентасда гьикъана рсепубликаялъул Пенсиязул фондалъул нухмалъулесда тIасанги. Ахирал къоязда гьесда тIасан гIемерал харбал руго. Абулеб буго гьев Чачаналде ун вугин. Гьеинго Пенсиязул фондалъул хIалтIул халгьабизе Москваялдаса цIех-рехчи витIун вачIиналъул баяналги руго. Низам цIунулезул щаклъи рагIула лъимал гIемер гьарурал руччабазе пачалихъалъ кьолеб гIарац Пенсиязул фондалъ бикьа-къотIиялда бан.
Рамазан ГIабдулатIиповги мукIурлъана гьеб идараялъул нухмалъулесда сверухъ хабар гIемерлъун букIиналъе. Амма чIванкъотIарал хIужаби гьечIин абуна президентас. Гьедин фондалъул нухмалъулев Сагид МуртузагIалиевасдехун жиндир кинабгIаги тIадкIалъай гьечIин жаваб кьуна гьес. ТIадкIалъаял ругила лъай кьеялъул, сахлъи цIуниялъул, росдал магIишаталъул министраздехун.
Дагъистаналъул президентасул рагIабазда бан гьадинаб пикру загьир гьабуна ЭР-ялъе республикаялъул жамгIияб палатаялъул вакил Шамиль Хадулаевас.
Шамиль Хадулаев: «Гьеб баяналда рекъон, федералияб пенсиязул фондалъул гьедигIан кIудияб тIадкIалъай гьечIо Дагъистаналда бугеб гьеб фондалъул нухмалъулев Сагид МуртазагIалиевасдехун. Амма гьелдаго цадахъ нилъеда лъалаха Рамазан ГIабдулатIипов кIалъалеб къагIидаги. Рехсезе бегьула президент вищулеб къоялъ гьес медакадемиялъул ректор ГIабдурахIман ГIусмановасда абурал рагIаби. Федералияб хIинкъи гьечIолъиялъул хъулухъалъул чагIаз жив толев гьечIин, хъулухъалдаса нахъе яан хIинкъаби кьолел ругин гIарз бахъана ректорас президентасде. Гьеб мехалда ГIабдулатIиповас жаваб кьуна ректор хIисабалдаги гIадан хIисабалдаги жиндир кинабгIаги тIадкIалъай гьечIин дудехун. Амма дудехун суал ругин низам цIунулезул. Гьеб бакIалда гьабизе кIолеб жо букIунарин жинда. Гьелдалъун президентас бихьизабулеб буго жинца Россиялъул Федерациялъул къануназул адаб гьабун, гьезул рахъкколеб букIин. Гьединлъидал низам цIунулезул тIадкIалъай букIунеб батичIони пуланаб суалада бан, жиндирги букIунарин бичIчIизабулеб буго гьес. Дагъистаналда бугеб Пенсиязул фондалъул нухмалъулесда банги гьебго жо бичIчIизабулеб буго гьес. Амма цIа гьечIого кIкIуй бахъунарин абула. Батила гьениб цо щиб букIаниги гьев чиясе, Пенсиязул фондалъул нухмалъулесе хIинкъи бугеб баян батила загьирлъун. Балагьилаха щиб гьеб киналъулго кколебани».
«Валдай» клубалъул данделъиялда Рамазан ГIабдулатIиповас лъазабуна жинца кватIичIого инкар гьабизе бугин «президент» абураб цIаралдаса. Улкаялда президент цо гурони вукIунарин, субъектазул нухмалъулел гIицIго «нухмалъулел» абун тезе кколин хIукму Россиялда президентлъун Дмитрий Медведев вугеб мехалдаго гьабун букIана.
Гьединго рукIана суалал бюджеталъул гIарац бикъа-хъамиялда щаклъи ккун жанир тIамурал яги ккурал хIакимзабазда хурхунги. Масала, гьеб гIиллаялъе гIоло туснахъ гьавун вуго Хъумторхъала мухъалъул нухмалъулев, лъай кьеялъул министр хисулев. Бизнесменасул вас гъоркьлъалие восиялда щаклъи ккун жанив лъун вуго дармил министр хисулев. Гьединлъидал республикаялъул тIалъи чорокал хIакимзабаздаса бацIцIад гьабизе байбихьун бугин бицана гьеб данделъиялда Рамазан ГIабдулатIиповас. Жиндие гьединаб нухги Россиялъул президент Владимир Путиница кьун бугин.
Гьениб президентасда гьикъана рсепубликаялъул Пенсиязул фондалъул нухмалъулесда тIасанги. Ахирал къоязда гьесда тIасан гIемерал харбал руго. Абулеб буго гьев Чачаналде ун вугин. Гьеинго Пенсиязул фондалъул хIалтIул халгьабизе Москваялдаса цIех-рехчи витIун вачIиналъул баяналги руго. Низам цIунулезул щаклъи рагIула лъимал гIемер гьарурал руччабазе пачалихъалъ кьолеб гIарац Пенсиязул фондалъ бикьа-къотIиялда бан.
Рамазан ГIабдулатIиповги мукIурлъана гьеб идараялъул нухмалъулесда сверухъ хабар гIемерлъун букIиналъе. Амма чIванкъотIарал хIужаби гьечIин абуна президентас. Гьедин фондалъул нухмалъулев Сагид МуртузагIалиевасдехун жиндир кинабгIаги тIадкIалъай гьечIин жаваб кьуна гьес. ТIадкIалъаял ругила лъай кьеялъул, сахлъи цIуниялъул, росдал магIишаталъул министраздехун.
Дагъистаналъул президентасул рагIабазда бан гьадинаб пикру загьир гьабуна ЭР-ялъе республикаялъул жамгIияб палатаялъул вакил Шамиль Хадулаевас.
Шамиль Хадулаев: «Гьеб баяналда рекъон, федералияб пенсиязул фондалъул гьедигIан кIудияб тIадкIалъай гьечIо Дагъистаналда бугеб гьеб фондалъул нухмалъулев Сагид МуртазагIалиевасдехун. Амма гьелдаго цадахъ нилъеда лъалаха Рамазан ГIабдулатIипов кIалъалеб къагIидаги. Рехсезе бегьула президент вищулеб къоялъ гьес медакадемиялъул ректор ГIабдурахIман ГIусмановасда абурал рагIаби. Федералияб хIинкъи гьечIолъиялъул хъулухъалъул чагIаз жив толев гьечIин, хъулухъалдаса нахъе яан хIинкъаби кьолел ругин гIарз бахъана ректорас президентасде. Гьеб мехалда ГIабдулатIиповас жаваб кьуна ректор хIисабалдаги гIадан хIисабалдаги жиндир кинабгIаги тIадкIалъай гьечIин дудехун. Амма дудехун суал ругин низам цIунулезул. Гьеб бакIалда гьабизе кIолеб жо букIунарин жинда. Гьелдалъун президентас бихьизабулеб буго жинца Россиялъул Федерациялъул къануназул адаб гьабун, гьезул рахъкколеб букIин. Гьединлъидал низам цIунулезул тIадкIалъай букIунеб батичIони пуланаб суалада бан, жиндирги букIунарин бичIчIизабулеб буго гьес. Дагъистаналда бугеб Пенсиязул фондалъул нухмалъулесда банги гьебго жо бичIчIизабулеб буго гьес. Амма цIа гьечIого кIкIуй бахъунарин абула. Батила гьениб цо щиб букIаниги гьев чиясе, Пенсиязул фондалъул нухмалъулесе хIинкъи бугеб баян батила загьирлъун. Балагьилаха щиб гьеб киналъулго кколебани».
«Валдай» клубалъул данделъиялда Рамазан ГIабдулатIиповас лъазабуна жинца кватIичIого инкар гьабизе бугин «президент» абураб цIаралдаса. Улкаялда президент цо гурони вукIунарин, субъектазул нухмалъулел гIицIго «нухмалъулел» абун тезе кколин хIукму Россиялда президентлъун Дмитрий Медведев вугеб мехалдаго гьабун букIана.
