ХIукуматалъул нухмалъиялда жанир жинца хиса-басиял гьаризе рукинIалъул ГIабдулатIипов Рамазаница араб моцIрол ахиралдаго бицун букIана информалатазе. Гьедин «Вестинк Кавказа» абураб сайталъ хъвалеб буго гIагараб заманалда жаниб жинца цо хIукуматалъул нухмалъулев хисулевги гьединго кIиго министерлъиялъул нухмалъулелги хIалтIудаса рахъизе ругилан абун букIанин Дагъистаналъул нухмалъулес. Дагъистаналъул хIукуматалъул нухмалъулев хисулев МухIамадов Юсуп хIалтIудаса нахъе вахъизе хIукму гьабун буго маялъул микьабилеб къоялъ, гьеб хъулухъалде МухIамадов тIамун вукIана исана февралалда. Гьесул бакIалда тIамун вуго росдал магIишаталъул нухмалъулев хисулев Шарипов Шарип. МухIамадов Юсупго гIадин гьевги ккола тумав. ЦIияв вице-премьерасул буго 49 сон, гьес лъугIизабун буго Москваялъул, Темирязевасул цIаралда бугеб росдал магIишаталъул институт.
Исан февралалда заманаялъ Дагъистаналъул нухмалъулевлъун вачIаравго ГIабулатIиповас республикаялъул цIияб хIукумат гIуцIулаго гьесул кадровияб политикаялда рази гьечIолъи загьир гьабуна гIемерал дагъистанияз. Цониги цIияв чи гьес жиндирго командаялде гъорлъе вачинчIин, министерлъиялъул нухмулъуда тарал чагIиги гъоркьго рукIарал чагIи колилан абулеб букIана гIемерисел экспертаз. Халкъалъе бокьун бугин гьенир бажари бугел, гIолохъанал лъай бугел чагIи рихьизе, амма гIабдулатIиповас ракIалда букIахъе халкъалъул мурадал ритIухъ гьабураб хIалтIи билълъанхъизабичIилан тIалъиялде вачIаралдасаян бицана «Эркенлъи» радиоялъе жамгIияв хIаракатчи Уладиев Сулейманицаги. ХIукуматлъул вице-премьерасул хъулахъалдаса МухIамадов Юсуп нахъе гьавиялъулъги кIудияб хиса-баси бихьулеб гьечIоан гьесда.
Уладиев Сулейман: « Гьес жинцаго гьабулебги бицунебги дандекколеб гьечIо, халкъ урхъун букIана киналго цIогьабаздаса ва хъамалчагIаздаса гьес Дагъистан бацIцIад гьабилеб батилилан, амма гьел киналго гьесда аскIор руго гьабсагIат гIодорчIун. Гьезул бищунго нахъегIаназул цIар рехсезе бокьун гьечIо дие, рузманкъоялъ дирго какичури биххилилан хIинкъун. Гьесда битIараб бицунел чагIиги гьечIо, киназго бадиве веццун толев вуго, гьебин абуни бищунго хIарамаб пиша ккола исламалда жанибги. Халкъ урхъун буго ишазухъ хIасилазухъ, гьелъие тIоцебесеб иргаялда хIажалъула гьесда аскIор ругел хIалихьатаб къавм нахъе бачахъизе, гьеб масъала рагIалде бахъинабизе кIудияб захIмат къваригIунарин ккола дида. МагIарулазе жидерго миллаталъул вакиласул иш цебехун билълъине бокьун буго, гьебго мурад буго дирги».
ГIабудлатIипов нухмалъуде вачIун гIемераб мех балелде дагъистаналъул муниципалиял гIуцIабазул чанго нухмалъулел хIалтIудаса рахъана гьедин моцI данде щвелалде хIалтIудаса ратI гьаруна, Ахты, Гъизилюрт ва ЦIунтIа мухъалъул нухмалъулел. Гьанже хIукуматалъул нухмалъулев хисулев МухIамдов Юсупго гIадин жеги цо чанго министерлъилъул нухмалъулелги рахъилаин гьес хIалтIудасаян кколин жиндаян рикIкIунеб буго «Яблоко» партиялъул вакил Эседов Альбертица. Мисалалъе чIванкъотIун кинаб минитсерлъиялъул нухмалъулев хIалтIудаса эркен гьавизе кколевалиги бицан гьес, гьединазда гъорлъ гьес рехсана лъай кьеялъул министерлъиялъул нухмалъулев. Гьединго Альберт Эседовас рикIкIунеб буго цIияб хIукуматлъул гIуцIиялда ругин жакъасеб дагъистаналъул тIалабазде рекъон букIине кколеб даража жидер гьечIеб чанго министерство, гьел къокъ гьаризе кколин.
Эседов Альберт: «Мисалалъе босани Экономикаялъул рахъалъ министерлъи. Гьединаб идара гIуцIизе ккани гьедин цебетIураб экономика гьечIо жеги нилъер. Гьединго босилин промышленностлъул минтстерлъиги, гьечIо нилъер гьединаб кIудияб магIишат, тIубараб министерство рагьизе гIураб, гьелъул бакIалда гIуцIизе бегьилаан цо комитет. Печаталъул ва массовыял коммуникациязул рахъалъ минситерлъиги буго гIадада гIарц босулеб идара, миллияб политикаялъул ва бухьеназул рахъалъ министерлъиялда гъорлъе бачаниги тIуба-гъубан инаан гьелъул хIалтIи. Гурого гьеб буго гIадада бюджеталъул гIарацги кванан, жидецаго гьабулеб хIалтIи жидедаго лъаларел гIадамал хъулухъалда тIами гIадаб жо».
ЦохIо Дагъистналъул хIукуматлъул нухмалъиялда жаниб гуребги кадровиял хиса-басиял гьединго хъитIана цогидал идарабаздаги. Гьедин Россиялъул Президент Владимир Путинил бихьизабиялда рекъон хIалтIудаса рахъана Шималияб Кавказлъул федералияб округалъул ункъо мухъалда геьлаго цадахъ Дагъситаналдаги хъулухъалдса эркен гьаруна цIех-рехалъул комитеталъул нухмалъулелги. Дагъистаналда гьеб идараялъул нухмалъулевлъун вукIарав Алексей Саврулинил бакIалда щив вачIине вугевали абураб баян жеги къватIибе кьечIо лъицаниги.
Исан февралалда заманаялъ Дагъистаналъул нухмалъулевлъун вачIаравго ГIабулатIиповас республикаялъул цIияб хIукумат гIуцIулаго гьесул кадровияб политикаялда рази гьечIолъи загьир гьабуна гIемерал дагъистанияз. Цониги цIияв чи гьес жиндирго командаялде гъорлъе вачинчIин, министерлъиялъул нухмулъуда тарал чагIиги гъоркьго рукIарал чагIи колилан абулеб букIана гIемерисел экспертаз. Халкъалъе бокьун бугин гьенир бажари бугел, гIолохъанал лъай бугел чагIи рихьизе, амма гIабдулатIиповас ракIалда букIахъе халкъалъул мурадал ритIухъ гьабураб хIалтIи билълъанхъизабичIилан тIалъиялде вачIаралдасаян бицана «Эркенлъи» радиоялъе жамгIияв хIаракатчи Уладиев Сулейманицаги. ХIукуматлъул вице-премьерасул хъулахъалдаса МухIамадов Юсуп нахъе гьавиялъулъги кIудияб хиса-баси бихьулеб гьечIоан гьесда.
Уладиев Сулейман: « Гьес жинцаго гьабулебги бицунебги дандекколеб гьечIо, халкъ урхъун букIана киналго цIогьабаздаса ва хъамалчагIаздаса гьес Дагъистан бацIцIад гьабилеб батилилан, амма гьел киналго гьесда аскIор руго гьабсагIат гIодорчIун. Гьезул бищунго нахъегIаназул цIар рехсезе бокьун гьечIо дие, рузманкъоялъ дирго какичури биххилилан хIинкъун. Гьесда битIараб бицунел чагIиги гьечIо, киназго бадиве веццун толев вуго, гьебин абуни бищунго хIарамаб пиша ккола исламалда жанибги. Халкъ урхъун буго ишазухъ хIасилазухъ, гьелъие тIоцебесеб иргаялда хIажалъула гьесда аскIор ругел хIалихьатаб къавм нахъе бачахъизе, гьеб масъала рагIалде бахъинабизе кIудияб захIмат къваригIунарин ккола дида. МагIарулазе жидерго миллаталъул вакиласул иш цебехун билълъине бокьун буго, гьебго мурад буго дирги».
ГIабудлатIипов нухмалъуде вачIун гIемераб мех балелде дагъистаналъул муниципалиял гIуцIабазул чанго нухмалъулел хIалтIудаса рахъана гьедин моцI данде щвелалде хIалтIудаса ратI гьаруна, Ахты, Гъизилюрт ва ЦIунтIа мухъалъул нухмалъулел. Гьанже хIукуматалъул нухмалъулев хисулев МухIамдов Юсупго гIадин жеги цо чанго министерлъилъул нухмалъулелги рахъилаин гьес хIалтIудасаян кколин жиндаян рикIкIунеб буго «Яблоко» партиялъул вакил Эседов Альбертица. Мисалалъе чIванкъотIун кинаб минитсерлъиялъул нухмалъулев хIалтIудаса эркен гьавизе кколевалиги бицан гьес, гьединазда гъорлъ гьес рехсана лъай кьеялъул министерлъиялъул нухмалъулев. Гьединго Альберт Эседовас рикIкIунеб буго цIияб хIукуматлъул гIуцIиялда ругин жакъасеб дагъистаналъул тIалабазде рекъон букIине кколеб даража жидер гьечIеб чанго министерство, гьел къокъ гьаризе кколин.
Эседов Альберт: «Мисалалъе босани Экономикаялъул рахъалъ министерлъи. Гьединаб идара гIуцIизе ккани гьедин цебетIураб экономика гьечIо жеги нилъер. Гьединго босилин промышленностлъул минтстерлъиги, гьечIо нилъер гьединаб кIудияб магIишат, тIубараб министерство рагьизе гIураб, гьелъул бакIалда гIуцIизе бегьилаан цо комитет. Печаталъул ва массовыял коммуникациязул рахъалъ минситерлъиги буго гIадада гIарц босулеб идара, миллияб политикаялъул ва бухьеназул рахъалъ министерлъиялда гъорлъе бачаниги тIуба-гъубан инаан гьелъул хIалтIи. Гурого гьеб буго гIадада бюджеталъул гIарацги кванан, жидецаго гьабулеб хIалтIи жидедаго лъаларел гIадамал хъулухъалда тIами гIадаб жо».
ЦохIо Дагъистналъул хIукуматлъул нухмалъиялда жаниб гуребги кадровиял хиса-басиял гьединго хъитIана цогидал идарабаздаги. Гьедин Россиялъул Президент Владимир Путинил бихьизабиялда рекъон хIалтIудаса рахъана Шималияб Кавказлъул федералияб округалъул ункъо мухъалда геьлаго цадахъ Дагъситаналдаги хъулухъалдса эркен гьаруна цIех-рехалъул комитеталъул нухмалъулелги. Дагъистаналда гьеб идараялъул нухмалъулевлъун вукIарав Алексей Саврулинил бакIалда щив вачIине вугевали абураб баян жеги къватIибе кьечIо лъицаниги.
