Рехсараб къануналъ жамгIияталда, информалатазда гьоркьоб бахIс бижизабуна ва бищунго гIемер критика гьабураблъун ккана гьеб. Къанун хIадураразул цояв, «Цолъараб Россия» партиялдаса Пачалихъияб Думаялъул депутат Александр Сидякиница бицунеб буго гьелдаго релълъарал къанунал цоги пачалихъаздаги ругин ва тIоцебесеб иргаялда рехсана Цолъарал Штатал.
Къанун гIумруялде бахун гIемер мех инчIониги, гьелда рекъон хIалтIи байбихьун бугилан абизе бегьула. Дагъистаналда хIалтIулеб «Правозащита» абураб инсанасул ихтиярал цIунулеб идараялъул нухмалъулей Рустамова Гульнараца бицана ЭР-ялъе, Федералияб хIинкъи гьечIолъиялъул идараялдаса Юстициялъул министерлъиялде хитIаб гьабун бугин нижер идараялъе къватIисел пачалихъаздасан гIарац щвеялда хурхун. Щолеб гьечIилан жаваб щвейдал гIодориччан руго, лъаларо кигIан заманалъ гьезул сабру гIелебали»-ян абуна Гульнара Рустамовалъ.
Дагъистаналъул ЖамгIияб палатаялъул член, журналист ГIабдулхIамидов Аликица бицана ЭР-ялъе Дагъистаналда гьеб къануналда гъоркье ккеялда хIинкъи бугел идараби жинда лъаларин ва гьелда хурхун щибниги абизе жеги цудунго бугин.
ГIабдулхIамидов Алик: «БатIалъи гьечIо Дагъистаналда бугониги, цоги регионалда бугониги, нилъ киналго Россиялда жанир ругелъул. Гьединаб къанун хIалтIулеб бугони, гьеб нилъер гьанибги хIалтIизабизе буго гьелда гъоркье кколел идарабазда аскIоб. Россиялда кидаго къанунал рукIуна кьварарал, амма гIемерисеб мехалъ гьел хIалтIизаруларо. Гьединлъидал, дида ккола хIинкъизе гIилла гьечIин. Дида лъалеб бакIалдаса гIебеде гьединал къанунал киса-кирего дунялалда руго. РакIалде щвезаре Цолъарал штатазда рищиязде халкъазда гьоркьосел хал гьабулел чагIи риччангутIи. Коммерческиял гурел идарабазда гьениб къватIисел пачалихъазул агенталилан абула. Гьеб къанун цохIо нилъер пачалихъалъ ургъараб жо гуро. Балагьилаха кин хIалтIизабизе бугебали къанун. Нахъойги абулеб буго, нилъер кидаго проблема букIуна гьел къанунал хIалтIизариялъул, жилго къанунал квешал ругилан абизе кIоларо. ЛъикIищ квешищ нилъее гьеб къанун букIин, гьелъие жаваб заманалъ кьела».
Дагъистаналдаса Пачалихъияб Думаялде депутат СафаргIалиев Гаджиметица гьеб къануналда хурхун баян кьезе инкар гьабуна. Гьединго инкар гьабуна баян кьезе коммерческиял гурел идарабазде гъоркье жиб кколеб «Агьлю-Сунна» абураб идараялъул пресс-хъулухъалъул нухмалъулев, адвокат Увайсов Зияудиница. «Мемориал» абураб инсанасул ихтиярал цIунулеб идараялъул Дагъистаналда йигей вакил Денисенко Еленаца бицана жидер идараялда хурхун киналгIаги халгьабиял рукIинчIин ва хIисабкьей тIалаб гьабичIин. «Надежда» абураб рахIмуялъулаб идараялъул Дагъистаналда бугеб бутIаялъул нухмалъулев Нурудинов Тимурица бицана гьеб къанун гIумруялде бахъун хадуб пачалихъалъе магъало кьеялъул тадбирал дагьал захIмалъизе ругилан рагIи гурони, жидер идараялда гьеб къанун жеги хъвачIин.
Къанун гIумруялде бахун гIемер мех инчIониги, гьелда рекъон хIалтIи байбихьун бугилан абизе бегьула. Дагъистаналда хIалтIулеб «Правозащита» абураб инсанасул ихтиярал цIунулеб идараялъул нухмалъулей Рустамова Гульнараца бицана ЭР-ялъе, Федералияб хIинкъи гьечIолъиялъул идараялдаса Юстициялъул министерлъиялде хитIаб гьабун бугин нижер идараялъе къватIисел пачалихъаздасан гIарац щвеялда хурхун. Щолеб гьечIилан жаваб щвейдал гIодориччан руго, лъаларо кигIан заманалъ гьезул сабру гIелебали»-ян абуна Гульнара Рустамовалъ.
Дагъистаналъул ЖамгIияб палатаялъул член, журналист ГIабдулхIамидов Аликица бицана ЭР-ялъе Дагъистаналда гьеб къануналда гъоркье ккеялда хIинкъи бугел идараби жинда лъаларин ва гьелда хурхун щибниги абизе жеги цудунго бугин.
ГIабдулхIамидов Алик: «БатIалъи гьечIо Дагъистаналда бугониги, цоги регионалда бугониги, нилъ киналго Россиялда жанир ругелъул. Гьединаб къанун хIалтIулеб бугони, гьеб нилъер гьанибги хIалтIизабизе буго гьелда гъоркье кколел идарабазда аскIоб. Россиялда кидаго къанунал рукIуна кьварарал, амма гIемерисеб мехалъ гьел хIалтIизаруларо. Гьединлъидал, дида ккола хIинкъизе гIилла гьечIин. Дида лъалеб бакIалдаса гIебеде гьединал къанунал киса-кирего дунялалда руго. РакIалде щвезаре Цолъарал штатазда рищиязде халкъазда гьоркьосел хал гьабулел чагIи риччангутIи. Коммерческиял гурел идарабазда гьениб къватIисел пачалихъазул агенталилан абула. Гьеб къанун цохIо нилъер пачалихъалъ ургъараб жо гуро. Балагьилаха кин хIалтIизабизе бугебали къанун. Нахъойги абулеб буго, нилъер кидаго проблема букIуна гьел къанунал хIалтIизариялъул, жилго къанунал квешал ругилан абизе кIоларо. ЛъикIищ квешищ нилъее гьеб къанун букIин, гьелъие жаваб заманалъ кьела».
Дагъистаналдаса Пачалихъияб Думаялде депутат СафаргIалиев Гаджиметица гьеб къануналда хурхун баян кьезе инкар гьабуна. Гьединго инкар гьабуна баян кьезе коммерческиял гурел идарабазде гъоркье жиб кколеб «Агьлю-Сунна» абураб идараялъул пресс-хъулухъалъул нухмалъулев, адвокат Увайсов Зияудиница. «Мемориал» абураб инсанасул ихтиярал цIунулеб идараялъул Дагъистаналда йигей вакил Денисенко Еленаца бицана жидер идараялда хурхун киналгIаги халгьабиял рукIинчIин ва хIисабкьей тIалаб гьабичIин. «Надежда» абураб рахIмуялъулаб идараялъул Дагъистаналда бугеб бутIаялъул нухмалъулев Нурудинов Тимурица бицана гьеб къанун гIумруялде бахъун хадуб пачалихъалъе магъало кьеялъул тадбирал дагьал захIмалъизе ругилан рагIи гурони, жидер идараялда гьеб къанун жеги хъвачIин.
