Декабралъул авалалда унтарав чиясе операция гьабулеб заманалда рачун ун рукIана полициялъул хIалтIухъабаз Гунашевги гьесда цадахъ хIалтIулев вукIарав хирург ХIасанов Шамильги. Шамиль чIвана хадуса жиндирго рокъов, Марат гьелдаса нахъе жанив тIамун вуго. Гьесде гIунтIизабулеб буго лъабго соналъ цеве МахIачхъалаялъул- жанисел ишазул идараялъул нухмалъулев МухIамадов АхIмад чIваялъул гIайиб.
Декабралъул 17-б къоялъ гьев Владикавказалда бугеб цIех-рехалъул изоляторалъуве вачун анилан бицун букIана Маратил адвокатас.
Дагъистаналъул ТIадегIанаб диванханаялъ Гунашевасул гIарзаялъул халги гьабунин ва Лениниский диванханаялъ январлъул 27 –б къоялъ лъагIан гьев къватIиве виччачIого тезе гьабураб хIукму хисизабичIого танин гьезилан бицана гьес «Эркенлъи» радиоялъе.
Гунашевасул адвокат рази гьечIо диванханаялъ гьабураб хIукмуялда. Хадурккун жидеца гьаризесел тадбиразул цIехедал гьес чIванкъотIун щибниги бицинчIо нижее. Жанив тIамурасулгун кIалъай гьабизе щварабищин дуеян гьикъидалги гьадинан бицана адвокатас.
МухIамадов Заур: «Полициялъул хIалтIухъан чIваялда щаклъи бугев чи хIисабалда декабралъул 8-б къоялдаса байбихьун гьесухъе щивниги виччан гьечIо, хIатта гьелда тIасан хIалтIи гьабулев цIех-рехалъул хIалтIухъанцин».
Хасавюрталдаса адвокат Сапият МухIамадовалда бичIчIулеб гьечIо Гунашев Дагъистаналдаса Владикавказалде витIиялъул магIна. Такъсир гьабиялъул хIужаги гьанибго букIаго, Гунашевги гьез Дагъистаналда ккун вукIаго щиб гIилла букIунинха гьез гьев Осетиялде вачун аравилан гьикъулеб буго гьелъ. Дагъистаналъул цIех-рехалъул хIалтIухъабаз абулеб бугин гьесул жиндирго гIумурялъе хIинкъи гьечIолъиялъул мурадалда вачанин жидеца гьев Владикавказалъул туснахъалде, гьелъул магIна кколеб бугинха Дагъистаналъул низам цIунулезда гьев цIунизе кIолеб гьечIилан абураб. Адвокаталъ рикIкIунеб буго гьев гьенив вачиналъул бугин цо мурад - гьабичIеб такъсиралъе мукIурлъизелъун гьесде тIадецуй гьаби.
Гьебго такрар гьабуна «Эркенлъи» радиоялъе Хасавюрт шагьаралъул адвокатазул коллегиялъул нухмалъулев ГIумаров ГIадилгерейица.Гьес ракIалде швезабуна Дагъистаналъул жанисел ишазул нухмалъулев МухIамадтIагьиров ГIадилгерей чIваялъул гIайиб гIунтIизабурав Барзуев Шамсулаги гьединабго куцалъ Осетиялде вачун цIех-рехалъулаб гьесие изоляторалъуб къо гьикъараб куцалъул. Жанир тIамураздехун гьениб букIунеб бербалагьиялъул гьадинан бицана гьес нижер программаялъе.
ГIумаров ГIадилгерей: « Гьадин кIолин жидеда жанив тIамурасдехун бокьараб гьабизе, нижеда кIалъазе кIолев чиги гьечIилан абураб магIнаялда гьабулеб зулму буго гьезул гьеб. Гьеб цо. КIиабизе босани Владикавказалъул жанисел ишазул министерлъиялъул минаялда аскIоб буго дозул хасаб гьеле гьединал чагIи жанир тIамулеб хасаб туснахъ, гьенире хъаравулзабиги хас гьабун Москваялдаса рачIуна ритIун. Жидеего бокьараб гьабула гьез- бокьани вухула жанив тIамурав, бокьани кьижизе виччачIого чIезавула, кваназе жо кьоларо, гьедин къо гьикъула гьез жанир тIамуразе».
ЦIех-рехалъул комитеталъул Дагъистаналда бугеб бутIаялъ абулеб буго Гунашевсда хурхун гьабулеб хIалтIулъ жидер идараялъул кинабниги гIахьаллъи гьечIилан.
Декабралъул 17-б къоялъ гьев Владикавказалда бугеб цIех-рехалъул изоляторалъуве вачун анилан бицун букIана Маратил адвокатас.
Дагъистаналъул ТIадегIанаб диванханаялъ Гунашевасул гIарзаялъул халги гьабунин ва Лениниский диванханаялъ январлъул 27 –б къоялъ лъагIан гьев къватIиве виччачIого тезе гьабураб хIукму хисизабичIого танин гьезилан бицана гьес «Эркенлъи» радиоялъе.
Гунашевасул адвокат рази гьечIо диванханаялъ гьабураб хIукмуялда. Хадурккун жидеца гьаризесел тадбиразул цIехедал гьес чIванкъотIун щибниги бицинчIо нижее. Жанив тIамурасулгун кIалъай гьабизе щварабищин дуеян гьикъидалги гьадинан бицана адвокатас.
МухIамадов Заур: «Полициялъул хIалтIухъан чIваялда щаклъи бугев чи хIисабалда декабралъул 8-б къоялдаса байбихьун гьесухъе щивниги виччан гьечIо, хIатта гьелда тIасан хIалтIи гьабулев цIех-рехалъул хIалтIухъанцин».
Хасавюрталдаса адвокат Сапият МухIамадовалда бичIчIулеб гьечIо Гунашев Дагъистаналдаса Владикавказалде витIиялъул магIна. Такъсир гьабиялъул хIужаги гьанибго букIаго, Гунашевги гьез Дагъистаналда ккун вукIаго щиб гIилла букIунинха гьез гьев Осетиялде вачун аравилан гьикъулеб буго гьелъ. Дагъистаналъул цIех-рехалъул хIалтIухъабаз абулеб бугин гьесул жиндирго гIумурялъе хIинкъи гьечIолъиялъул мурадалда вачанин жидеца гьев Владикавказалъул туснахъалде, гьелъул магIна кколеб бугинха Дагъистаналъул низам цIунулезда гьев цIунизе кIолеб гьечIилан абураб. Адвокаталъ рикIкIунеб буго гьев гьенив вачиналъул бугин цо мурад - гьабичIеб такъсиралъе мукIурлъизелъун гьесде тIадецуй гьаби.
Гьебго такрар гьабуна «Эркенлъи» радиоялъе Хасавюрт шагьаралъул адвокатазул коллегиялъул нухмалъулев ГIумаров ГIадилгерейица.Гьес ракIалде швезабуна Дагъистаналъул жанисел ишазул нухмалъулев МухIамадтIагьиров ГIадилгерей чIваялъул гIайиб гIунтIизабурав Барзуев Шамсулаги гьединабго куцалъ Осетиялде вачун цIех-рехалъулаб гьесие изоляторалъуб къо гьикъараб куцалъул. Жанир тIамураздехун гьениб букIунеб бербалагьиялъул гьадинан бицана гьес нижер программаялъе.
ГIумаров ГIадилгерей: « Гьадин кIолин жидеда жанив тIамурасдехун бокьараб гьабизе, нижеда кIалъазе кIолев чиги гьечIилан абураб магIнаялда гьабулеб зулму буго гьезул гьеб. Гьеб цо. КIиабизе босани Владикавказалъул жанисел ишазул министерлъиялъул минаялда аскIоб буго дозул хасаб гьеле гьединал чагIи жанир тIамулеб хасаб туснахъ, гьенире хъаравулзабиги хас гьабун Москваялдаса рачIуна ритIун. Жидеего бокьараб гьабула гьез- бокьани вухула жанив тIамурав, бокьани кьижизе виччачIого чIезавула, кваназе жо кьоларо, гьедин къо гьикъула гьез жанир тIамуразе».
ЦIех-рехалъул комитеталъул Дагъистаналда бугеб бутIаялъ абулеб буго Гунашевсда хурхун гьабулеб хIалтIулъ жидер идараялъул кинабниги гIахьаллъи гьечIилан.
