Гьел хIалтIудаса рахъиялъе аслияб гIилла бугила гIарац кколеб хIалалъ харж гьабичIолъи.
Россиялъул цIех-рехалъул комитеталъ хал гьабун хадуб 2012 соналъ Дагъистаналъул жанисел ишазул министерлъиялъул бюджеталдаса 28 миллион букIине кколелъуб хIалтIизабун гьечIин лъазабулеб буго гьеб идараялъ. ЦIех-рех лъугIизегIан гьеб гIарцул жаваб кьезе кколел финансаздалъун хьезариялъул бутIаялъул ункъавго хIалтIухъанасда цIарал рицунел гьечIо къуваталъул идарабаз. Гьеб гIарац хвезабиялда хурхун ункъавго полициялъул хIалтIухъанасда Россиялъул такъсиралъухъ тамихI бихьизабураб кодексалъул 285 бутIаялда рекъон тIад такъсиргьабиялъул иш гьабун буго. Къануналда рекъон бищун цIикIкIун 5 соналъ туснахъ гьаризе бегьула гьеб гIайиб тIадчIезабурал.
Гьебго къоялъ Дагъистаналъул жанисел ишазул министерлъиялъ лъазабуна МахIачхъалаялъул полициялъул отделалъул нухмалъулесул ишал тIуралевлъун Юсуп МуртазгIалиев танилан. Цебе гьеб хъулухъалда вукIарав ГIащикъов Раип 4 моцIалъ цеве заманалъ хIалтIудаса нахъе гьавун вукIана. Гьелъие гIиллаги ГIащикъов батIи-батIиял такъсиразул гIахьалчи вукIиналда щаклъи букIин кколин лъазабуна къуваталъул идарабаз, амма мухIканго кинал такъсирал ва щиб гIайиб гьесде гIунтIизабулеб бугебали бицинчIо гьез.
Дагъистаналъул жанисел ишазул министерлъиялъул пресс-хъулухъалъул бетIер ГIубайдатова Фатинаца «Эркенлъи» радиоялъе бицана жиндида мухIканго кинаб такъсир гьабиялъул гIайиб ГIашикъовасде гIунтIизабизехъин бугебали бицун бажаруларила, цохIого – цо гIемерал такъсирал гьариялъул гIайибги гIунтIизабун жанив тIамун вугев Кизляралда прокурорасул кумекчилъун вукIарав ГIабдулхIалимов МухIамадилгун хурхен букIин чIезабун букIин лъалила жиндайилан.
Фатина ГIубайдатова: «Хас гьабун кинаб такъсир гьабиялъул гIайиб ГIашиковасде гIунтIизабулеб бугебали бицун бажаруларо дихъа. МухIканго лъала дида гьев ГIабдултIалимов МухIамадилгун хурхеналда вукIараблъи. Гьезул цадахъал ишалги рукIараллъи чIезабун буго цIех-рехалъул идарабаз. ТIокIаб дица щибго бицун бажаруларо щай гурелъул я нижер идара я Дагъистаналда бугеб Россиялъул цIех-рехалъул идараялъухъе кьечIо гьесул иш. Хас гьабун гьеб ишалъул хал гьабулеб буго Россиялъул цIех-рехалъул идараялъул хIалтIухъабаз»
ГIащикъов Раипил адвокат МухIамадова Сапиятил рагIабазда рекъон гьесда хурхун такъсирчилъиялъул иш гьабун гьечIо, гьединго хIалтIудаса гьев нахъе рехханин абураб цониги кагъатги бачIун гьечIо я ГIащикъовасулхъе я гьесул адвокатазухъе.
МухIамадова Сапият: "Я дихъе яги гьесухъе жиндихъего гьев хIалтIудаса нахъе рехханин абураб цониги кагъат бачIинчIо. Гьеб бачIани нижеца диванханаялде гIарза хъвазе буго, щай гурелъул ГIащикъов Раип ХIалтIудаса вахъиялъе гIилла гьечIелъул. Гьесда тIасан ГIабдулхIалимов МухIамадил такъсирияб къокъаялда гьоркьов вукIанин, гьанив вукIанин, дова вукIанин абун бицунареб хабар гьечIо, амма цониги Раипил гIайиб бихьизабулеб далилги гьечIо лъихъниги. Кинал далилал гьезухъ рукIинел гьесда щибго гIайиб гьечIулъул.
Бокьарав чиясда лъалеб жо буго Раип ГIащикъов вацIцIадав чи вукIин. Гьев гIадамазги, цадахъ хIалтIулезги адаб гьабулев, бажариги бугев чи вукIиналъ, хасго Дагъистаналъул жанисел ишазул министрлъун вахъине гьесул цIикIкIарал ресал рукIин лъарабго, гьев данде кколарел тIалъиялъул чагIаз багъаризабураб жо буго ГIащикъова Раипиде данде гьебгощинаб чороклъи. ЧIван къотIун гьел гIадамазул гIайиб чIезабун бажарулел далилал гьечIолъиялъ гьезул цIарал рехсон бажарулеб гьечIо дихъа, амма ГIащикъовасда сверун гьабулеб бугебщинаб ахIи-хIур тIалъиялъул заказ бугин абизе кIола дида."
Гьединго адвокат МухIамадовалъ «Эркенлъи» радиоялъе бицана Раип ГIащикъовасул иш жий хIалтIулей коллегиялъул адвокатаз тIаде босун хадуб жидее хIинкъаби кьезе лъугьанилан.
МухIамадова Сапият: «Гьоркьоса къотIичIого телефоналде хъвадарун, кIалъан, гьазухъ – дозухъ ругьалаби ритIун хIинкъизаризе лъугьана нижер адвокаталги дунги , гьеб ГIащикъовасул ишалде гьоркьоре лъугьун хадуб. Нуж чIвазе ругин, кьвагьизарилин, кесказде къотIун реххилин, коллегия кьвагьизабилин абун хIинкъизарула ниж. Гьеб лъил хIалтIийилаги лъала нижеда, амма далилал гьечIо гьеб чIезабиялъе. Гьединлъидал дицаги гьединго дидаго цадахъ хIалтIулев адвокат Сусланов Мусацаги нижее хIинкъаби кьолел ругин гьединлъидал пачалихъалъ букIине кколеб цIуна-къай чIезабейин нижеейилан кагътал хъван руго хасал идарабазде».
ГIащикъовасул адвокатаз баян гьабухъе гьев полициялдаса тIурахъдилев яги вахчарилев гьечIо. Гьев жиндаго гIайиб гьечIолъи чIезабиялъе далилал ралагьулев вуго. Адвокатаз абулеб буго гьаб сагIат къуваталъул идарабазухъе кверде ани ГIащикъов Раип гьез жанивги тIамун, киве аравали лъачIого тIагIинавулин. Гьединлъидал гьев киналниги такъсиразда гьоркьов вукIинчIолъи чIезабун хадув ГIащикъов живго ине вугила полициялдейилан.
Россиялъул цIех-рехалъул комитеталъ хал гьабун хадуб 2012 соналъ Дагъистаналъул жанисел ишазул министерлъиялъул бюджеталдаса 28 миллион букIине кколелъуб хIалтIизабун гьечIин лъазабулеб буго гьеб идараялъ. ЦIех-рех лъугIизегIан гьеб гIарцул жаваб кьезе кколел финансаздалъун хьезариялъул бутIаялъул ункъавго хIалтIухъанасда цIарал рицунел гьечIо къуваталъул идарабаз. Гьеб гIарац хвезабиялда хурхун ункъавго полициялъул хIалтIухъанасда Россиялъул такъсиралъухъ тамихI бихьизабураб кодексалъул 285 бутIаялда рекъон тIад такъсиргьабиялъул иш гьабун буго. Къануналда рекъон бищун цIикIкIун 5 соналъ туснахъ гьаризе бегьула гьеб гIайиб тIадчIезабурал.
Гьебго къоялъ Дагъистаналъул жанисел ишазул министерлъиялъ лъазабуна МахIачхъалаялъул полициялъул отделалъул нухмалъулесул ишал тIуралевлъун Юсуп МуртазгIалиев танилан. Цебе гьеб хъулухъалда вукIарав ГIащикъов Раип 4 моцIалъ цеве заманалъ хIалтIудаса нахъе гьавун вукIана. Гьелъие гIиллаги ГIащикъов батIи-батIиял такъсиразул гIахьалчи вукIиналда щаклъи букIин кколин лъазабуна къуваталъул идарабаз, амма мухIканго кинал такъсирал ва щиб гIайиб гьесде гIунтIизабулеб бугебали бицинчIо гьез.
Дагъистаналъул жанисел ишазул министерлъиялъул пресс-хъулухъалъул бетIер ГIубайдатова Фатинаца «Эркенлъи» радиоялъе бицана жиндида мухIканго кинаб такъсир гьабиялъул гIайиб ГIашикъовасде гIунтIизабизехъин бугебали бицун бажаруларила, цохIого – цо гIемерал такъсирал гьариялъул гIайибги гIунтIизабун жанив тIамун вугев Кизляралда прокурорасул кумекчилъун вукIарав ГIабдулхIалимов МухIамадилгун хурхен букIин чIезабун букIин лъалила жиндайилан.
Фатина ГIубайдатова: «Хас гьабун кинаб такъсир гьабиялъул гIайиб ГIашиковасде гIунтIизабулеб бугебали бицун бажаруларо дихъа. МухIканго лъала дида гьев ГIабдултIалимов МухIамадилгун хурхеналда вукIараблъи. Гьезул цадахъал ишалги рукIараллъи чIезабун буго цIех-рехалъул идарабаз. ТIокIаб дица щибго бицун бажаруларо щай гурелъул я нижер идара я Дагъистаналда бугеб Россиялъул цIех-рехалъул идараялъухъе кьечIо гьесул иш. Хас гьабун гьеб ишалъул хал гьабулеб буго Россиялъул цIех-рехалъул идараялъул хIалтIухъабаз»
ГIащикъов Раипил адвокат МухIамадова Сапиятил рагIабазда рекъон гьесда хурхун такъсирчилъиялъул иш гьабун гьечIо, гьединго хIалтIудаса гьев нахъе рехханин абураб цониги кагъатги бачIун гьечIо я ГIащикъовасулхъе я гьесул адвокатазухъе.
МухIамадова Сапият: "Я дихъе яги гьесухъе жиндихъего гьев хIалтIудаса нахъе рехханин абураб цониги кагъат бачIинчIо. Гьеб бачIани нижеца диванханаялде гIарза хъвазе буго, щай гурелъул ГIащикъов Раип ХIалтIудаса вахъиялъе гIилла гьечIелъул. Гьесда тIасан ГIабдулхIалимов МухIамадил такъсирияб къокъаялда гьоркьов вукIанин, гьанив вукIанин, дова вукIанин абун бицунареб хабар гьечIо, амма цониги Раипил гIайиб бихьизабулеб далилги гьечIо лъихъниги. Кинал далилал гьезухъ рукIинел гьесда щибго гIайиб гьечIулъул.
Бокьарав чиясда лъалеб жо буго Раип ГIащикъов вацIцIадав чи вукIин. Гьев гIадамазги, цадахъ хIалтIулезги адаб гьабулев, бажариги бугев чи вукIиналъ, хасго Дагъистаналъул жанисел ишазул министрлъун вахъине гьесул цIикIкIарал ресал рукIин лъарабго, гьев данде кколарел тIалъиялъул чагIаз багъаризабураб жо буго ГIащикъова Раипиде данде гьебгощинаб чороклъи. ЧIван къотIун гьел гIадамазул гIайиб чIезабун бажарулел далилал гьечIолъиялъ гьезул цIарал рехсон бажарулеб гьечIо дихъа, амма ГIащикъовасда сверун гьабулеб бугебщинаб ахIи-хIур тIалъиялъул заказ бугин абизе кIола дида."
Гьединго адвокат МухIамадовалъ «Эркенлъи» радиоялъе бицана Раип ГIащикъовасул иш жий хIалтIулей коллегиялъул адвокатаз тIаде босун хадуб жидее хIинкъаби кьезе лъугьанилан.
МухIамадова Сапият: «Гьоркьоса къотIичIого телефоналде хъвадарун, кIалъан, гьазухъ – дозухъ ругьалаби ритIун хIинкъизаризе лъугьана нижер адвокаталги дунги , гьеб ГIащикъовасул ишалде гьоркьоре лъугьун хадуб. Нуж чIвазе ругин, кьвагьизарилин, кесказде къотIун реххилин, коллегия кьвагьизабилин абун хIинкъизарула ниж. Гьеб лъил хIалтIийилаги лъала нижеда, амма далилал гьечIо гьеб чIезабиялъе. Гьединлъидал дицаги гьединго дидаго цадахъ хIалтIулев адвокат Сусланов Мусацаги нижее хIинкъаби кьолел ругин гьединлъидал пачалихъалъ букIине кколеб цIуна-къай чIезабейин нижеейилан кагътал хъван руго хасал идарабазде».
ГIащикъовасул адвокатаз баян гьабухъе гьев полициялдаса тIурахъдилев яги вахчарилев гьечIо. Гьев жиндаго гIайиб гьечIолъи чIезабиялъе далилал ралагьулев вуго. Адвокатаз абулеб буго гьаб сагIат къуваталъул идарабазухъе кверде ани ГIащикъов Раип гьез жанивги тIамун, киве аравали лъачIого тIагIинавулин. Гьединлъидал гьев киналниги такъсиразда гьоркьов вукIинчIолъи чIезабун хадув ГIащикъов живго ине вугила полициялдейилан.
