Гьеб хΙалтΙи тΙоцебе байбихьана Нугъай мухъалъул прокуратураялъ. ХΙалтΙул хΙасилалъ жалго гΙажаиблъизарунаян абулеб буго информалатазе Дагъистан республикаялъул прокуратураялъул Россиялъул къанунал тΙуразариялда хадуб хал кколеб бутΙаялъул нухмалъулев СалихΙов Набица. Гьесул баяназда рекъон, Нугъай мухъалда тΙатинарун руго Ι0 гьединаб дипломгун хΙалтΙулев мугΙалим. Хадуб республикаялъул прокуратураялъ хΙукму гьабун буго тΙубараб республикаялдаго гьеб ишалда хурхун гΙатΙидаб цΙех-рех гьабизе. Гьелъул хΙасилалда Ι ноябралда щвезегΙан республикаялда тΙатинарун руго 74 гьединав мугΙалим.
«Кавказский узел» сайталъ кьолел баяназда рекъон, рищунго гΙемер хΙакъикъиял гурел дипломал тΙатинарун руго ГΙахъуша, Болъихъ, МахΙарамкент ва Ахты мухъазда ва гьединго Дагогни, Южно-Сухокумск, Дербент ва МахΙачхъала шагьаразда.
Рехсарал хΙужабазда хурхун Ι0 уголовияб хΙалтΙи гьабун буго. Нугъай мухъалдаса цо мугΙалималда тΙад диванги гьабун буго. Гьей Пачалихъияб университеталъул Дагъистаналъулаб филологиялъул факультеталъул тΙоцебесеб курсалдаса нахъе хъамун йикΙун йиго, амма гьелъ квал-квал гьабун гьечΙо мугΙалималъе хадуб хΙакъикъияб гуреб дипломалъул кумекалдалъун росулъ школалъул директор хисулейлъун хΙалтΙизе. Гьедин лъазабулеб буго республикаялъул прокуратураялъул официалияб сайталда. Нугъай мухъалъул прокурорасул лъазабиялда рекъон, гьей мугΙалим гΙайибияйлъун рикΙкΙун йиго диваналъ ва гьелъ 80 азарго гъуруш гΙакΙа бецΙизе ккола.
Дагъистаналъул прокуратураялъ гьединго лъазабулеб буго, киналго тΙатинарурал дипломал кколин Дагъистаналъул пачалихъияб университеталъул ялъуни Педагогическияб университеталъул. Къанун хвезабурал мугΙалимзабазулги гΙемерисезул гъоркьгоги диплом букΙун буго, амма тΙадегΙанаб лъай щвеялъул диплом босизе бокьун гьеб такъсиралде ун руго гьелилан бицунеб буго «Кавказский узел» сайталда рищунго гΙемерал хΙакъикъиял гурел дипломал тΙатинарураб ГΙахъуша мухъалъул лъай кьеялъул идараялъул нухмалъулев Гасбулла Ибаковас.
Дагъистаналъул лъай кьеялъул министерлъиялда хΙалтΙулев ГΙалиев Русланица рикΙкΙунеб буго рехсарал дипломал гьаб ахираб заманалда ричун росарал гурин, гьел кколин улкаялдаго гΙадлу гьечΙеб заманалда, 90-абилел соназда росарал дипломал.
ГΙалиев Руслан: «Гьел дипломал кида ричизе байбихьарал? Гьеб букΙана 90-абилел соназдаго баккараб хасаб бизнес. Киназдаго лъала кинал рукΙарал гьел сонал улкаялъе ва хас гьабун Дагъистаналъеги. ГΙадлу букΙинчΙо жамгΙияб гΙумруялъул цониги рахъалъ: политикияб, экономикияб, социалияб ва гьединго рухΙияб гΙумруялда. Лъай кьеялъул сфераялда букΙана анархия. Гьел соназда рагьизе байбихьана гьел гΙемерал лъай кьеялъул идарабазул филиалал щибаб шагьаралда. Лъай кьеялъул идараби рагьана бизнес гьабиялъул цо цΙияб къагΙидалъун. Кинабго улка дармил системаялде арабго, лъай кьеялъул рахъги гьебго бакΙалде ккана. Лъай кьеялъул система цо-цо хΙаракат бугел чагΙаз гьабуна кΙудияб гΙарац гьабулеб бакΙлъун. Советияб пачалихъалда хΙукуматалъ чΙобого лъай кьолеб букΙун батани, цΙияб пачалихъалда лъай кьеялъухъ гΙарац босизе рес щвана. Нилъеда лъала гьел филиалазул гΙемерисел доб мехалъго ва гьанжелъигΙанги руго гΙарац кьун лъай кьолеллъун. ХΙакъикъиял гурел дипломал гьабсагΙаталда, улкаялда Путинил нухмалъи байбихьаралдаса раккарал жал ругилан абизе бегьуларо. ГьабсагΙаталда гΙарац кьун диплом боси цΙакъ захΙматаб иш ккола.
Доб мехалъги гΙарцухъ дипломал кьолел рукΙана филиалаз, жалго цΙалул идарабазе гьелдаса пайда букΙинчΙо, щайгурелъул гьезие щолеб хайир гьелдаса букΙинчΙо, гьанжеги гьечΙо. Кинабго гьабулеб буго гΙадамаз, захΙматал шартΙазда дипломал ричун гΙарац гьабизе къваригΙарал цоял, гьебги босун хΙалтΙуде лъугьине къваригΙарал кΙиабилел. ЦΙалул идарабазе гьелдаса пайда гьечΙо. Гьеб проблема цохΙо Дагъистаналъе хасиятаб гуро. РакΙалде щола, Москваялда Лужники стадионалда аскΙор рагьун ричулел рукΙана дипломал, гьезда гъорлъ МГУялъул дипломги босизе бегьулаан».
Лъай кьеялъул хΙалтΙухъабазул профсоюзалда лъазабуна гьеб тадбиралда хурхун кинабгΙаги информация жидехъе щвечΙин ва цониги чи гΙарзагун вачΙинчΙилан. Гьединалго тадбирал сахлъи цΙуниялъул сфераялдаги гьаризе ругилан лъазабулеб буго Дагъистаналъул прокуратураялъ.
Дагъистаналъул пачалихъияб университеталда хΙалтΙулев РахΙимов ГΙабдулица бицана ЭР-ялъе, цохΙо лъай кьеялъул сфераялда гуреб, цоги бокьараб идараялда гьелда релълъарал тадбирал гьаруни, гьенирги дагьал ратизе гьечΙин хΙакъикъиял гурел дипломал. Гьединазда гъорлъ Дагъистаналъул пачалихъияб университеталъул дипломал гΙемер ратиялъе гΙиллалъун гьес рикΙкΙунеб буго жибго пачалихъияб университет цогидазда данде ккун цебетΙураб букΙин ва гьеб идараялъул диплом бугел бигьаго хΙалтΙуде росулел рукΙин.
«Кавказский узел» сайталъ кьолел баяназда рекъон, рищунго гΙемер хΙакъикъиял гурел дипломал тΙатинарун руго ГΙахъуша, Болъихъ, МахΙарамкент ва Ахты мухъазда ва гьединго Дагогни, Южно-Сухокумск, Дербент ва МахΙачхъала шагьаразда.
Рехсарал хΙужабазда хурхун Ι0 уголовияб хΙалтΙи гьабун буго. Нугъай мухъалдаса цо мугΙалималда тΙад диванги гьабун буго. Гьей Пачалихъияб университеталъул Дагъистаналъулаб филологиялъул факультеталъул тΙоцебесеб курсалдаса нахъе хъамун йикΙун йиго, амма гьелъ квал-квал гьабун гьечΙо мугΙалималъе хадуб хΙакъикъияб гуреб дипломалъул кумекалдалъун росулъ школалъул директор хисулейлъун хΙалтΙизе. Гьедин лъазабулеб буго республикаялъул прокуратураялъул официалияб сайталда. Нугъай мухъалъул прокурорасул лъазабиялда рекъон, гьей мугΙалим гΙайибияйлъун рикΙкΙун йиго диваналъ ва гьелъ 80 азарго гъуруш гΙакΙа бецΙизе ккола.
Дагъистаналъул прокуратураялъ гьединго лъазабулеб буго, киналго тΙатинарурал дипломал кколин Дагъистаналъул пачалихъияб университеталъул ялъуни Педагогическияб университеталъул. Къанун хвезабурал мугΙалимзабазулги гΙемерисезул гъоркьгоги диплом букΙун буго, амма тΙадегΙанаб лъай щвеялъул диплом босизе бокьун гьеб такъсиралде ун руго гьелилан бицунеб буго «Кавказский узел» сайталда рищунго гΙемерал хΙакъикъиял гурел дипломал тΙатинарураб ГΙахъуша мухъалъул лъай кьеялъул идараялъул нухмалъулев Гасбулла Ибаковас.
Дагъистаналъул лъай кьеялъул министерлъиялда хΙалтΙулев ГΙалиев Русланица рикΙкΙунеб буго рехсарал дипломал гьаб ахираб заманалда ричун росарал гурин, гьел кколин улкаялдаго гΙадлу гьечΙеб заманалда, 90-абилел соназда росарал дипломал.
ГΙалиев Руслан: «Гьел дипломал кида ричизе байбихьарал? Гьеб букΙана 90-абилел соназдаго баккараб хасаб бизнес. Киназдаго лъала кинал рукΙарал гьел сонал улкаялъе ва хас гьабун Дагъистаналъеги. ГΙадлу букΙинчΙо жамгΙияб гΙумруялъул цониги рахъалъ: политикияб, экономикияб, социалияб ва гьединго рухΙияб гΙумруялда. Лъай кьеялъул сфераялда букΙана анархия. Гьел соназда рагьизе байбихьана гьел гΙемерал лъай кьеялъул идарабазул филиалал щибаб шагьаралда. Лъай кьеялъул идараби рагьана бизнес гьабиялъул цо цΙияб къагΙидалъун. Кинабго улка дармил системаялде арабго, лъай кьеялъул рахъги гьебго бакΙалде ккана. Лъай кьеялъул система цо-цо хΙаракат бугел чагΙаз гьабуна кΙудияб гΙарац гьабулеб бакΙлъун. Советияб пачалихъалда хΙукуматалъ чΙобого лъай кьолеб букΙун батани, цΙияб пачалихъалда лъай кьеялъухъ гΙарац босизе рес щвана. Нилъеда лъала гьел филиалазул гΙемерисел доб мехалъго ва гьанжелъигΙанги руго гΙарац кьун лъай кьолеллъун. ХΙакъикъиял гурел дипломал гьабсагΙаталда, улкаялда Путинил нухмалъи байбихьаралдаса раккарал жал ругилан абизе бегьуларо. ГьабсагΙаталда гΙарац кьун диплом боси цΙакъ захΙматаб иш ккола.
Доб мехалъги гΙарцухъ дипломал кьолел рукΙана филиалаз, жалго цΙалул идарабазе гьелдаса пайда букΙинчΙо, щайгурелъул гьезие щолеб хайир гьелдаса букΙинчΙо, гьанжеги гьечΙо. Кинабго гьабулеб буго гΙадамаз, захΙматал шартΙазда дипломал ричун гΙарац гьабизе къваригΙарал цоял, гьебги босун хΙалтΙуде лъугьине къваригΙарал кΙиабилел. ЦΙалул идарабазе гьелдаса пайда гьечΙо. Гьеб проблема цохΙо Дагъистаналъе хасиятаб гуро. РакΙалде щола, Москваялда Лужники стадионалда аскΙор рагьун ричулел рукΙана дипломал, гьезда гъорлъ МГУялъул дипломги босизе бегьулаан».
Лъай кьеялъул хΙалтΙухъабазул профсоюзалда лъазабуна гьеб тадбиралда хурхун кинабгΙаги информация жидехъе щвечΙин ва цониги чи гΙарзагун вачΙинчΙилан. Гьединалго тадбирал сахлъи цΙуниялъул сфераялдаги гьаризе ругилан лъазабулеб буго Дагъистаналъул прокуратураялъ.
Дагъистаналъул пачалихъияб университеталда хΙалтΙулев РахΙимов ГΙабдулица бицана ЭР-ялъе, цохΙо лъай кьеялъул сфераялда гуреб, цоги бокьараб идараялда гьелда релълъарал тадбирал гьаруни, гьенирги дагьал ратизе гьечΙин хΙакъикъиял гурел дипломал. Гьединазда гъорлъ Дагъистаналъул пачалихъияб университеталъул дипломал гΙемер ратиялъе гΙиллалъун гьес рикΙкΙунеб буго жибго пачалихъияб университет цогидазда данде ккун цебетΙураб букΙин ва гьеб идараялъул диплом бугел бигьаго хΙалтΙуде росулел рукΙин.
