Делегатазда цадахъ вукΙарав нижер мухбир нижер мухбир Юсупов Ашаханица лъазабухъе, 23 октябралда къаси нухде рахъарал Дагъистаналъул халкъазул альтернативияб мажлисалъул делегатазул кΙиго автобус щун букΙун буго Гъизильюрт мухъалъул Алмало росоялде аскΙобе. СагΙат анцΙгогΙанаб гΙужалда рагΙун буго кьвагьдей. Хадуб баянлъун буго, жал щалалил лъаларел гΙадамаз жигули машинаялдасан автобусалъул бурдузде кьвагьдун рукΙин.
Юсупов Ашахан: «Кьвагьиялъул сас гьитΙинабго букΙана. КъватΙире лъугьараб мехалда баянлъана номерал гьечΙеб 14-билеб моделалъул «Жигулиялдаса» кьвагьдун автобусалъул бурдул риччан рукΙин. Сапар гΙуцΙулезул кΙудияс ахΙана полициялде. Кумторхъала мухъалъул полициялдасан бачΙана «Газель» автомобиль. Гьенисан къватΙире лъугьана маскабиги хурал, бронежилеталги ретΙарал полициялъул хΙалтΙухъабазул чанго чи. Заманалдаса цоял такси ккун, цогидал гΙарал, гьалмагъзаби рачΙун нахъе ине байбихьана гьенисан. Ниж чΙана бурдул къачΙазегΙан. Автобусалда нахъе рачΙунеб мехалда, полициялъ чΙезабуна нижер атобус ва бачана Кумторхъалаялъул полициялъул бутΙаялде. Доба нижеца бана кΙиго сагΙаталдаса цΙцΙикΙкΙун заман. Нижеда цадахъ рукΙарал цо-цоял жаниреги рачΙана, цΙарал, гΙумру гьабулеб бакΙал ва цогидаб цΙеххон къватΙире риччана..»
Нижер мубир Юсуповасе лъагьа-бахъаралда сверун жиндирго пикру загьир гьабурав мажлисалъул Гъуниб мухъалдаса делегат СагΙидов МахΙамадицаги рикΙкΙунеб буго, гьеб кколин республикаялъул нухмалъиялъул вакильзабаз гΙуцΙараб провокациян.
СагΙидов МахΙамад: «БутΙруз гьабураб буго гьеб кинабго. БутΙруз буюриги кьун, гьел гΙадамаз гьабуна гьединаб иш. Гьедин гьеб букΙиналда нижер ракΙ чΙарабги буго. Гьедин ккезе букΙин, нижее квал-квал гьабизе букΙин нижеда бичΙчΙун букΙана мажлисалде ниж рагъарилелде цебе загьирлъулеб букΙараб гьезул хьвада-чΙвадиялдасаго. Гьанже гьаб хΙужжаялъ гьеб тасдикъги гьабулеб буго.
Гьезда кколеб батила, ниж гьанир чΙезаруни, гьеб мажлис тΙобитΙичΙого хутΙилин. Амма дица абила, делагатазул аслияб бутΙа борчΙана добе. Цингиги гΙемер делегатал диаспорабаздасанги руго. Цогидал бакΙазда гьезие лъицаниги нух къалеб батиларо. Нухмалъиялъ гьабулеб кинабго къадарал ишал нижеца къватΙир чΙвазаризе руго.»
ГΙумаров ХΙажимурад, "Справедливая Россия" партиялъул дагъистаналъул бутΙаялъул нухмалъулев
Дагъистаналъул халкъазул альтернативияб мажлис хΙадур гьабулезул цояв «Справедливая Россия» партиялъул дагъистаналъул бутΙаялъул нухмалъулев ГΙумаров ХΙажимурадица нижер программаялъе комментариял гьарулаго загьир гьаруна тΙадеги хΙужжаби. Гьесул рагΙабазда полициялда дагъистаналъул делегатазул сапар гΙуцΙулев вукΙарав чиясе чΙваялъул хΙинкъаби кьун руго. ГΙумаровасулги ракΙ чΙараб буго республикаялда 23 октябралъул сардикь ккараб мажлисалъе квал-квал гьабиялда хурхараб хΙужа букΙиналда.
«Справедливая Россия» партиялъул дагъистаналъул бутΙаялъул нухмалъулев ГΙумаров ХΙажимурадица бицунеб буго:
Лъугьа-бахъаралда хурхараб официалияб версия загьир гьабулеб буго къокъго ва жакъасеб заманалде данде кколеб къагΙидаялдаян абуна нижер мухбирас РИА «Дагъистан» сайталъул лъазабиялде кΙвар буссинабулаго. «Москва – МахΙачхъала» рейсалъул автобусалда жанир хвалде унел ратичΙо» абураб цΙаралда гъоркъ бахъараб макъалаялда, МахΙачхъалаялъул полициялда базабун, бицунеб буго, гьеб маршурталъул автобусазда жанир хвалде унел теророристал-руччаби ругин абураб анонимияб лъазабиялда рекъон, низам цΙунулез хал гьабунин гьел гьезул. Щаклъи бугел гΙадамал ва кьвагьулел алатал автобусазда жанир ратΙичΙин, лъазабун буго республикаялъул жанисел ишазул идараялъул прес-хъулухъалъул лъазабиялдаги.
РИА «Дагъистан» сайталъул лъазабиялда гьединго абулеб буго нухлол рагΙалда чΙезабун букΙараб автобусалъул бурдузде хулиганал кьвагьдун ругин, гьел ралагьиялъул тадбир халат бахъунеб бугин абун. Амма хулиганалищ яги террористалищ гьел рукΙарал кин полициялъул хΙалтΙухъабазда лъан бугебали, официалияб сайталда бицунеб гьечΙо кинниги.
Юсупов Ашахан: «Кьвагьиялъул сас гьитΙинабго букΙана. КъватΙире лъугьараб мехалда баянлъана номерал гьечΙеб 14-билеб моделалъул «Жигулиялдаса» кьвагьдун автобусалъул бурдул риччан рукΙин. Сапар гΙуцΙулезул кΙудияс ахΙана полициялде. Кумторхъала мухъалъул полициялдасан бачΙана «Газель» автомобиль. Гьенисан къватΙире лъугьана маскабиги хурал, бронежилеталги ретΙарал полициялъул хΙалтΙухъабазул чанго чи. Заманалдаса цоял такси ккун, цогидал гΙарал, гьалмагъзаби рачΙун нахъе ине байбихьана гьенисан. Ниж чΙана бурдул къачΙазегΙан. Автобусалда нахъе рачΙунеб мехалда, полициялъ чΙезабуна нижер атобус ва бачана Кумторхъалаялъул полициялъул бутΙаялде. Доба нижеца бана кΙиго сагΙаталдаса цΙцΙикΙкΙун заман. Нижеда цадахъ рукΙарал цо-цоял жаниреги рачΙана, цΙарал, гΙумру гьабулеб бакΙал ва цогидаб цΙеххон къватΙире риччана..»
Нижер мубир Юсуповасе лъагьа-бахъаралда сверун жиндирго пикру загьир гьабурав мажлисалъул Гъуниб мухъалдаса делегат СагΙидов МахΙамадицаги рикΙкΙунеб буго, гьеб кколин республикаялъул нухмалъиялъул вакильзабаз гΙуцΙараб провокациян.
СагΙидов МахΙамад: «БутΙруз гьабураб буго гьеб кинабго. БутΙруз буюриги кьун, гьел гΙадамаз гьабуна гьединаб иш. Гьедин гьеб букΙиналда нижер ракΙ чΙарабги буго. Гьедин ккезе букΙин, нижее квал-квал гьабизе букΙин нижеда бичΙчΙун букΙана мажлисалде ниж рагъарилелде цебе загьирлъулеб букΙараб гьезул хьвада-чΙвадиялдасаго. Гьанже гьаб хΙужжаялъ гьеб тасдикъги гьабулеб буго.
Гьезда кколеб батила, ниж гьанир чΙезаруни, гьеб мажлис тΙобитΙичΙого хутΙилин. Амма дица абила, делагатазул аслияб бутΙа борчΙана добе. Цингиги гΙемер делегатал диаспорабаздасанги руго. Цогидал бакΙазда гьезие лъицаниги нух къалеб батиларо. Нухмалъиялъ гьабулеб кинабго къадарал ишал нижеца къватΙир чΙвазаризе руго.»
«Справедливая Россия» партиялъул дагъистаналъул бутΙаялъул нухмалъулев ГΙумаров ХΙажимурадица бицунеб буго:
Лъугьа-бахъаралда хурхараб официалияб версия загьир гьабулеб буго къокъго ва жакъасеб заманалде данде кколеб къагΙидаялдаян абуна нижер мухбирас РИА «Дагъистан» сайталъул лъазабиялде кΙвар буссинабулаго. «Москва – МахΙачхъала» рейсалъул автобусалда жанир хвалде унел ратичΙо» абураб цΙаралда гъоркъ бахъараб макъалаялда, МахΙачхъалаялъул полициялда базабун, бицунеб буго, гьеб маршурталъул автобусазда жанир хвалде унел теророристал-руччаби ругин абураб анонимияб лъазабиялда рекъон, низам цΙунулез хал гьабунин гьел гьезул. Щаклъи бугел гΙадамал ва кьвагьулел алатал автобусазда жанир ратΙичΙин, лъазабун буго республикаялъул жанисел ишазул идараялъул прес-хъулухъалъул лъазабиялдаги.
РИА «Дагъистан» сайталъул лъазабиялда гьединго абулеб буго нухлол рагΙалда чΙезабун букΙараб автобусалъул бурдузде хулиганал кьвагьдун ругин, гьел ралагьиялъул тадбир халат бахъунеб бугин абун. Амма хулиганалищ яги террористалищ гьел рукΙарал кин полициялъул хΙалтΙухъабазда лъан бугебали, официалияб сайталда бицунеб гьечΙо кинниги.
