Амма гьеб гIарац жинца Щуланиб росулъ спортзал базе харж гьабунин бицана ЭР-ялъе Пахрудин МухIамадовас. 13 сон букIанила гьеб балеб, жинцайин абуни бащдаб лъагIалида жаниб рагIалде бахъинабунила гьеб.
Пахрудин МухIамадов: «Гьеб гIарац биччан букIана хас гьабун гьеб спортзал базе, гIицIго гьелда тIад гурони гьебги хвезабичIо. Гьединлъидал гьелда тIад дагIба щай базе кколебали дида кинго бичIчIуларо. БичIчIуларо гьединго гьеб хIужаялда сверухъ хабар тIубан гIакса мухъалъ сверизабун тIибитIизабизе низам цIунулел идарабазул нухмалъулезул кинасе къваригIун букIарабалиги. Щибаб нухалда Гъуниб мухъалда рищиял байбихьулелъул балеб ххвел гьабулеб букIана гьеб спортзал. Гьедин ана анцIила хадур сонал. Гьедин гьанже бащдаб лъагIалида жаниб спортзал рагIалде бахъинабуралъухъ дие баркала кьезе кколаан. Гъуниб мухъалъул нухмалъулев цIогьорлъун вихьизавун интернеталдаги цоги-цогидаб бакIалдаги баянал тIиритIизарилалде цере журналистазги низам цIунулезги цин гьеб росдал жамагIаталда гьикъаниги бегьилаан, дица гьезул росулъ спортзал базе биччараб гIарац бикъунищ бугеб, гуребищали лъазе. Амма нижедаго бараб жо, Аллагьас хъван батани, нижецаги ритIухъ гьабиларищха, ахиралде щвезегIан нижералдаго чIезе руго ниж».
Гьединго низам цIунулезул щаклъи буго Буйнакск мухъалъул ЧIикIаб росдал бухгалтер СагIид ГIабдулаевас микьго млн-лде гIагарун гъурущ бикъиялда. Гьес гьебщинаб гIарац босун буго Буйнакск шагьаралъулгун мухъалъул казначейлъиялдаса. ЧIикIаб росдал гIадамазе электроэнергиялъухъ кьезе кколеб букIун буго гьеб. Амма бухгалтерас гьарун руго гьереси квитанциял.
Гьебщинаб гIарац бухгалтерас жинцаго цохIо гуреб, бегавулгун ва жеги тIадехунисел идарабазул нухмалъулелгун цадахъ рекъон бикъун букIине рес бугин абуна ЭР-ялъе ЧIикIаса Расул абурав чияс.
Расул: «Нижер росдал чагIазе чIобого ток бухIизе бихьизабураб килловат буго. Гъолъухъ гIарац кьезе ккола РусГидроялъ. БакIалъул администрациялъ кьезе ккола «Энергосбыталъе». Гьанже гьезул цонигияз цIикIкIунищ гьеб босараб, ялъуни добе кьечIойищ тараб – лъазабизе кколаха».
Гьал къоязда хъулухъалдаса нахъе гьавуна лъай кьеялъул министр хисулевлъун вукIарав Идрис Мусаевги. Низам цIунулезул баяназда рекъон, мугIалимзабазул махщел камил гьабиялъул институталъул директорлъун вукIаго Идрис Мусаевас хIалтIухъабазе премиял кьунинги абун тIокI гьабун буго кIиго млн гъурущ. Амма гьесда цадахъ хIалтIулел рукIараз рикIкIунеб буго гьев вацIцIадав чи вугин, гьединлъидал гьеб батилин Мусаевасул хъулухъ къваригIун лъицаниги гьабулеб жо.
Пахрудин МухIамадов: «Гьеб гIарац биччан букIана хас гьабун гьеб спортзал базе, гIицIго гьелда тIад гурони гьебги хвезабичIо. Гьединлъидал гьелда тIад дагIба щай базе кколебали дида кинго бичIчIуларо. БичIчIуларо гьединго гьеб хIужаялда сверухъ хабар тIубан гIакса мухъалъ сверизабун тIибитIизабизе низам цIунулел идарабазул нухмалъулезул кинасе къваригIун букIарабалиги. Щибаб нухалда Гъуниб мухъалда рищиял байбихьулелъул балеб ххвел гьабулеб букIана гьеб спортзал. Гьедин ана анцIила хадур сонал. Гьедин гьанже бащдаб лъагIалида жаниб спортзал рагIалде бахъинабуралъухъ дие баркала кьезе кколаан. Гъуниб мухъалъул нухмалъулев цIогьорлъун вихьизавун интернеталдаги цоги-цогидаб бакIалдаги баянал тIиритIизарилалде цере журналистазги низам цIунулезги цин гьеб росдал жамагIаталда гьикъаниги бегьилаан, дица гьезул росулъ спортзал базе биччараб гIарац бикъунищ бугеб, гуребищали лъазе. Амма нижедаго бараб жо, Аллагьас хъван батани, нижецаги ритIухъ гьабиларищха, ахиралде щвезегIан нижералдаго чIезе руго ниж».
Гьединго низам цIунулезул щаклъи буго Буйнакск мухъалъул ЧIикIаб росдал бухгалтер СагIид ГIабдулаевас микьго млн-лде гIагарун гъурущ бикъиялда. Гьес гьебщинаб гIарац босун буго Буйнакск шагьаралъулгун мухъалъул казначейлъиялдаса. ЧIикIаб росдал гIадамазе электроэнергиялъухъ кьезе кколеб букIун буго гьеб. Амма бухгалтерас гьарун руго гьереси квитанциял.
Гьебщинаб гIарац бухгалтерас жинцаго цохIо гуреб, бегавулгун ва жеги тIадехунисел идарабазул нухмалъулелгун цадахъ рекъон бикъун букIине рес бугин абуна ЭР-ялъе ЧIикIаса Расул абурав чияс.
Расул: «Нижер росдал чагIазе чIобого ток бухIизе бихьизабураб килловат буго. Гъолъухъ гIарац кьезе ккола РусГидроялъ. БакIалъул администрациялъ кьезе ккола «Энергосбыталъе». Гьанже гьезул цонигияз цIикIкIунищ гьеб босараб, ялъуни добе кьечIойищ тараб – лъазабизе кколаха».
Гьал къоязда хъулухъалдаса нахъе гьавуна лъай кьеялъул министр хисулевлъун вукIарав Идрис Мусаевги. Низам цIунулезул баяназда рекъон, мугIалимзабазул махщел камил гьабиялъул институталъул директорлъун вукIаго Идрис Мусаевас хIалтIухъабазе премиял кьунинги абун тIокI гьабун буго кIиго млн гъурущ. Амма гьесда цадахъ хIалтIулел рукIараз рикIкIунеб буго гьев вацIцIадав чи вугин, гьединлъидал гьеб батилин Мусаевасул хъулухъ къваригIун лъицаниги гьабулеб жо.
