ТIоцеесей блогералъ гьаб анкьида жаниб хъвараб лъабго посталъул цоялда бицунеб буго 90 сонил ригьалде вахиндал чияс цIакъ гIемер байбихьулин нахъа тараб нухлул хIисаб гьабизе. Гьединго кIиабилеб посталда хъвалеб буго чиясул цIаралъулги, фамилиялъулги, инсул цIаралъулги тIоцересел хIарпазул бугин жинди-жиндир магIна, гьелда рекъон кьезе бегьулин чиясе къиматги.
Рейтингалда кIиабилеб бакIалда йигей блогер Ренатал хъвай-хъвагIаязухъ балагьун бихьулеб буго гьей гьабсагIаталда «Каспий-2012» абураб гIолилазул форумалда йикIин. Дагъистаналдасаги гьелда сверун ругел республикабаздасаги гIолилазул 600 чи вакIарараб гьеб форумалда щибаб къойил тIоритIулел руго республикаялда машгьурал чагIазулгун дандчIваял. Масала, гьениве вачIун вукIана Дагъистаналъул нухмалъулев МухIамадов МухIамад-Саламги Лондоналда Олимпиялъул чемпионлъун вахъарав ГIисаев Мансурги. Форумалда тIасан твиттералда гьарулел хъвай-хъвагIаязда ругоан жидее цIакъ тIагIамал хинкIал кьолел ругин абуралги.
Дагъистаналъул блогеразул рейтингалда лъабабилеб бакIалда буго республикаялъул информациялъул министр ХIажиев Нарим. Гьесул цIиял постазда гьоркьоб буго гуржиязул радиоялъ гьесухъа босараб интервью (http://news.ge/ru/news/story/29785-iz-bloggera-v-ministry).
Дагьалъ цебегIан Гуржиялъулгун Дагъистаналъул гIорхъода Лопота кIкIалахъ ккараб рагъулаб тунка-гIусиялда тIасан пикру гьикъана ХIажиев Нариманида News.ge радиоялъул журналистас. Яргъид гIуцIарав 17 чи Дагъистаналдасан вачIанин Гуржиялдеян лъазабулеб августалъул ахиралда.
ХIажиев Нариман: «КигIан бокьичIониги, нижер республикаялда руго гьелдасаги кIудиял проблемаби. Гуржиялъул нухмалъиялъин абуни хасаго рищиязда цебе гьеб къабул гьабун батила гьитIинаб букIаниги бергьенлъи хIисабалда. Гьединго гъоркьлъалие росарал гIадамал эркен гьарунилан лъазабиялъги рищиязда цебе даража борхиларищха гуржиязул нухмалъулезул? Сундуе гьеб тунка-гIуси къваригIун букIараб абураб суалалъги щакдаризе тIамулел руго. 11 чиясул жаназа букъанин гьенибин абуна. Кирха ругел гьел жаназаби? Интернеталдасан видеоялъухъ балагьидал, гьечIо гьел. БахIарзал гIадин къеркьолел рукIарал гьел кутакалда къадруяб куцалда рукъанин букIана бицунеб. Террористалин абулел чагIи гьедин кин рукъулел? Лъаларо, къватIисан балагьидал, гьенир жавабаздаса гIемерал суалал руго рачIунел».
Рейтингалда анлъабилеб бакIалда йигей Анохина Светланаца (http://tushisvet.livejournal. com) хъвалеб буго гьал къоязда жий цо тIехьалъул презентациялде ун йикIанин. Гьений цо гIадан лъугьанин бицине - гьалейин, нилъер миллияб хаслъи билулеб бугилан абулин, амма жинда гIезегIан лъикI лъалин жий щиялиги, жий ячIараб бакIги. Гьединго республикаялда ахIвал-хIалги гIезегIан лъикIаб бугин, тIадеялдаса тIаде гIумруги лъикIлъулеб бугин. Светланаца хъвалеб буго жинда ккун букIанин гьенир гIенеккун рукIарал киназго кьелин гьелъие жаваб, амма рази гьечIого ахIдолей гIадан цохIо жий кканин гьений.
Анохиналъ гьединго пашманлъи загьир гьабулеб буго гьанжегIагар Лель Иранпур-Зейналов абурав суратал рахъулев чи хвеялдасаги. Дагъистаналде гьев вачIун вуго 17 сон барав чи, 1958 соналда. Жиндир эбел суратал рахъулей гIадан – Гюлли Иранпур Зейналовагун цадахъ гьев щун вукIун вуго Европаялдеги.
Блогер ва адвокат Къадиев Расулица хъвалеб буго 15 сентябралда МахIачхъалаялда кIодо гьабураб Дагъистаналъул халкъазул цолъиялъул байрамалъул. Гьеб букIанин тIасахун малъун гуреб, унголъунги гIадатиял гIадамалги къватIире рахъун гьабулеб байрамилан рикIкIунеб бугоан гьес. Гьеб къоялъ щибаб миллаталъул гIадамаз бихььизабулеб букIана жидерго ратIлилги, квен-тIехалъулги, гIадатазулги хаслъи. ГIицIго туристазда гьеб бихьизабизе рекIеда ратун гьечIин нилъан абураб ракIхвейги загьир гьабулеб буго блогерас.
Гьединго фейсбукалда хъвадарулел дагъистанияз гьоркьор лъолел темабазда гьоркьоб бищун гIемер тIасанкIалъаял щолел руго бусурбаби хIакъир гьарураб фильмалдаса хадуб 21 сентябралда интернет-провайдераз дагъистаниязе ютюбалде нух къаялъул тема.
Рейтингалда кIиабилеб бакIалда йигей блогер Ренатал хъвай-хъвагIаязухъ балагьун бихьулеб буго гьей гьабсагIаталда «Каспий-2012» абураб гIолилазул форумалда йикIин. Дагъистаналдасаги гьелда сверун ругел республикабаздасаги гIолилазул 600 чи вакIарараб гьеб форумалда щибаб къойил тIоритIулел руго республикаялда машгьурал чагIазулгун дандчIваял. Масала, гьениве вачIун вукIана Дагъистаналъул нухмалъулев МухIамадов МухIамад-Саламги Лондоналда Олимпиялъул чемпионлъун вахъарав ГIисаев Мансурги. Форумалда тIасан твиттералда гьарулел хъвай-хъвагIаязда ругоан жидее цIакъ тIагIамал хинкIал кьолел ругин абуралги.
Дагъистаналъул блогеразул рейтингалда лъабабилеб бакIалда буго республикаялъул информациялъул министр ХIажиев Нарим. Гьесул цIиял постазда гьоркьоб буго гуржиязул радиоялъ гьесухъа босараб интервью (http://news.ge/ru/news/story/29785-iz-bloggera-v-ministry).
Дагьалъ цебегIан Гуржиялъулгун Дагъистаналъул гIорхъода Лопота кIкIалахъ ккараб рагъулаб тунка-гIусиялда тIасан пикру гьикъана ХIажиев Нариманида News.ge радиоялъул журналистас. Яргъид гIуцIарав 17 чи Дагъистаналдасан вачIанин Гуржиялдеян лъазабулеб августалъул ахиралда.
ХIажиев Нариман: «КигIан бокьичIониги, нижер республикаялда руго гьелдасаги кIудиял проблемаби. Гуржиялъул нухмалъиялъин абуни хасаго рищиязда цебе гьеб къабул гьабун батила гьитIинаб букIаниги бергьенлъи хIисабалда. Гьединго гъоркьлъалие росарал гIадамал эркен гьарунилан лъазабиялъги рищиязда цебе даража борхиларищха гуржиязул нухмалъулезул? Сундуе гьеб тунка-гIуси къваригIун букIараб абураб суалалъги щакдаризе тIамулел руго. 11 чиясул жаназа букъанин гьенибин абуна. Кирха ругел гьел жаназаби? Интернеталдасан видеоялъухъ балагьидал, гьечIо гьел. БахIарзал гIадин къеркьолел рукIарал гьел кутакалда къадруяб куцалда рукъанин букIана бицунеб. Террористалин абулел чагIи гьедин кин рукъулел? Лъаларо, къватIисан балагьидал, гьенир жавабаздаса гIемерал суалал руго рачIунел».
Рейтингалда анлъабилеб бакIалда йигей Анохина Светланаца (http://tushisvet.livejournal. com) хъвалеб буго гьал къоязда жий цо тIехьалъул презентациялде ун йикIанин. Гьений цо гIадан лъугьанин бицине - гьалейин, нилъер миллияб хаслъи билулеб бугилан абулин, амма жинда гIезегIан лъикI лъалин жий щиялиги, жий ячIараб бакIги. Гьединго республикаялда ахIвал-хIалги гIезегIан лъикIаб бугин, тIадеялдаса тIаде гIумруги лъикIлъулеб бугин. Светланаца хъвалеб буго жинда ккун букIанин гьенир гIенеккун рукIарал киназго кьелин гьелъие жаваб, амма рази гьечIого ахIдолей гIадан цохIо жий кканин гьений.
Анохиналъ гьединго пашманлъи загьир гьабулеб буго гьанжегIагар Лель Иранпур-Зейналов абурав суратал рахъулев чи хвеялдасаги. Дагъистаналде гьев вачIун вуго 17 сон барав чи, 1958 соналда. Жиндир эбел суратал рахъулей гIадан – Гюлли Иранпур Зейналовагун цадахъ гьев щун вукIун вуго Европаялдеги.
Блогер ва адвокат Къадиев Расулица хъвалеб буго 15 сентябралда МахIачхъалаялда кIодо гьабураб Дагъистаналъул халкъазул цолъиялъул байрамалъул. Гьеб букIанин тIасахун малъун гуреб, унголъунги гIадатиял гIадамалги къватIире рахъун гьабулеб байрамилан рикIкIунеб бугоан гьес. Гьеб къоялъ щибаб миллаталъул гIадамаз бихььизабулеб букIана жидерго ратIлилги, квен-тIехалъулги, гIадатазулги хаслъи. ГIицIго туристазда гьеб бихьизабизе рекIеда ратун гьечIин нилъан абураб ракIхвейги загьир гьабулеб буго блогерас.
Гьединго фейсбукалда хъвадарулел дагъистанияз гьоркьор лъолел темабазда гьоркьоб бищун гIемер тIасанкIалъаял щолел руго бусурбаби хIакъир гьарураб фильмалдаса хадуб 21 сентябралда интернет-провайдераз дагъистаниязе ютюбалде нух къаялъул тема.
