Дагъистаналда «Блогерал кьищни –къулалде данде руго» абураб рацIцIалъиялъул акциялъе байбихьи лъуна МахIачхъалаялда. Гьеб акция гIуцIаразул рагIабазда рекъон I4 сентябралда байбихьараб гьеб тIубараб анкьица халат бахъине буго.
Шамат къоялъ МахIачхъалаялда бугеб Ак-Гель хIорил рагIал бацIцIад гьабуна бищцну цебе акциячагIаз. . Гьеб тадбиралъулъ гIахьалъи гьабизе рачIун рукIана цохIо блогерал гурониги, студенталги, жамагIатчагIиги, гьелъул хIакъалъулъ рагIарал гIадатиял гIадамалги.
Дагъистаналда «Блогерал кьищни-къулалде данде руго» ян абураб акциялъул координатор Мухтар Амировас «Эркенлъи» радиоялъе бицана МахIачхъалаялда рацIцIалъи чIезабиялъул тадбиралъулъ 500 ялдасаги цIикIкIун чияс гIахьаллъи гьабунилан.
Мухтар Амиров: «Блогерал кьищни-къулалде данде руго» абураб акция гьеб цохIо блогерал гIахьаллъулеб тадбир кколаро. Гьенире гъорлъе рачIине бегьула жидеда сверухъ бугеб тIабигIаталъулги, рацIцIа-ракъалъиялъулги, гIагараб ракьалъулги, букIинеселъулги ургъел бугел чагIи. Жакъа гьанире рачIун руго гIемерал студентал, гIолилазул жамгIиял идарабазул вакилзаби, тIубарал хъизаналккун рачIана гьанире гIадатиял шагьаралда гIумру гьабун ругел гIадамал. Гьел киналго лъугьун жакъа гьаб хIорил рагIалдаса 50 гIан таргьа цIун чороклъи бакIарана. Хадусел акциязде дагьалги цIикIкIун гIадамал рачIинин хьул буго нижер. Щибаб лъагIалица тIаде цIи-цIиял шагьараз рахъ кколеб буго гьаб акциялъул. Жакъа гьадиналго тадбирал унел руго Россиялъул 160 гIан шагьаразда, кинабниги 50 азаргогIан чияс гIахьаллъиги гьабизе буго жакъа гьелъулъ.
Нижеца цереги чанги тIоритIана гьадиналго тадбирал, жеги тIоритIизеги руго. РакIаризе бакIал нилъер гIезегIан ругелъул. РацIцIалъи чIезаби гурониги цойги цIакъ кIвар бугеб суалалдеги кIвар кьезе къваригIун буго нижее. Кьищни-къул батIа-батIаго бакIарулеб цониги бакI гьечIо нилъер республикаялда. Гьаб заманалда чара гьечIого къваригIунеб иш буго гьеб. Гьединлъидал Дагъистаналъул парламенталъ гьелда хурхун хасаб къанун къабул гьабилин хьул буго нижер»
Акциялъул гIахьалчIужу Разият ИдрисхIажиевалъул пикруялда рекъон шагьаралда гIураб къадаралъ хасал кьищни-къул балел бакIал рукIаралани рацIцIалъи цIунизе бигьалъилаан.
Разият ИдрисхIажиева: «Жакъа гьанире рачIун руго жидер шагьаралъулги, сверухълъиялъулги ургъел бугел гIадамал. Гьединал дагь рукIин, гьадинаб берцинаб бакIалда бугеб чороклъи бихьараб мехалда лъалеб буго. Гьелъ рекIекълъизеги гьаюлей йиго дун. ГIемер гIадамаз хIухьбахъи гьабуле бакI буго гьаб хIорил рагIал, киназго жидедаго хадуб кьищни бакIарулеб букIарабани гьадигIан квешаб хIал букIинароан гьаниб. БакIарилин лъугьаразе гьеб базе бакIалиги гьечIо гьанир гIураб къадаралда, гьанир гурониги шагьаралдаги дагьал гурониги гьечIо гьел»
МахIачхъалаялда бижулеб гъветI-хералъул тIалаб гьабулеб хасаб «ГорЗеленхоз» абураб идараялъул хIалтIухъан ГIабас МухIамадовас «Энкенлъи» радиоялъе бицана шагьаралда рацIцIалъи чIезабизе тарал гIадамазул къадар цIакъго дагьаб бугин, гьединлъидал «Блогерал кьищни-къулалде данде руго» гIадал акциял тIоритIулел рукIиналъ гIезегIан кумек букIунила жидеейилан.
ГIабас МухIамадов: «Гьаб кIиго-лъабго километралъ халатбахъараб ах бакIарула кIиго яги лъабго чияс. Щибаб анкьида жаниб цохIул рачIуна гьел гьаб бакIаризе гьанире. Ахикьехун бугеб Ак-гель хIорил рагIалги бакIарула гьелго хIалтIухъабаз, амма хIорил добцояб рахъалда руго гIемерал ралел бакIал, гьенисан гIемер хъублъиги бачIуна гьабцояб рахъалда. БакIал ралел рагIалда щибго гIадлуги гьечIо, гьеб ганчIилги, цIулалги, цементалъулгун бетоналъулги цIезабун буго. Гьеб гурониги гIисинаб кьищни-къулги гIемер букIуна гьезул. Гьеб рахъалдаса босун гьанибехун ахикьеги щола нижее хIалтIиги гIемерлъула. Гьединлъидал цо-цо гьадинал акциял тIоритIи нижее кIудияб кумек буго»
Акция тIобитIулез кьурал баяназда рекъон рацIцIа-ракъалъиялъул тIубараб анкьица рацIцIа-ракъалъиялъул тадбирал тIоритIизе руго Дагъистаналъул шагьараздаги мухъаздаги. Кинавниги I0 азарго гIан чияс гIахьаллъи гьабизе бугин акциялъулъилан лъазабуна гьез.
Шамат къоялъ МахIачхъалаялда бугеб Ак-Гель хIорил рагIал бацIцIад гьабуна бищцну цебе акциячагIаз. . Гьеб тадбиралъулъ гIахьалъи гьабизе рачIун рукIана цохIо блогерал гурониги, студенталги, жамагIатчагIиги, гьелъул хIакъалъулъ рагIарал гIадатиял гIадамалги.
Дагъистаналда «Блогерал кьищни-къулалде данде руго» ян абураб акциялъул координатор Мухтар Амировас «Эркенлъи» радиоялъе бицана МахIачхъалаялда рацIцIалъи чIезабиялъул тадбиралъулъ 500 ялдасаги цIикIкIун чияс гIахьаллъи гьабунилан.
Мухтар Амиров: «Блогерал кьищни-къулалде данде руго» абураб акция гьеб цохIо блогерал гIахьаллъулеб тадбир кколаро. Гьенире гъорлъе рачIине бегьула жидеда сверухъ бугеб тIабигIаталъулги, рацIцIа-ракъалъиялъулги, гIагараб ракьалъулги, букIинеселъулги ургъел бугел чагIи. Жакъа гьанире рачIун руго гIемерал студентал, гIолилазул жамгIиял идарабазул вакилзаби, тIубарал хъизаналккун рачIана гьанире гIадатиял шагьаралда гIумру гьабун ругел гIадамал. Гьел киналго лъугьун жакъа гьаб хIорил рагIалдаса 50 гIан таргьа цIун чороклъи бакIарана. Хадусел акциязде дагьалги цIикIкIун гIадамал рачIинин хьул буго нижер. Щибаб лъагIалица тIаде цIи-цIиял шагьараз рахъ кколеб буго гьаб акциялъул. Жакъа гьадиналго тадбирал унел руго Россиялъул 160 гIан шагьаразда, кинабниги 50 азаргогIан чияс гIахьаллъиги гьабизе буго жакъа гьелъулъ.
Акциялъул гIахьалчIужу Разият ИдрисхIажиевалъул пикруялда рекъон шагьаралда гIураб къадаралъ хасал кьищни-къул балел бакIал рукIаралани рацIцIалъи цIунизе бигьалъилаан.
Разият ИдрисхIажиева: «Жакъа гьанире рачIун руго жидер шагьаралъулги, сверухълъиялъулги ургъел бугел гIадамал. Гьединал дагь рукIин, гьадинаб берцинаб бакIалда бугеб чороклъи бихьараб мехалда лъалеб буго. Гьелъ рекIекълъизеги гьаюлей йиго дун. ГIемер гIадамаз хIухьбахъи гьабуле бакI буго гьаб хIорил рагIал, киназго жидедаго хадуб кьищни бакIарулеб букIарабани гьадигIан квешаб хIал букIинароан гьаниб. БакIарилин лъугьаразе гьеб базе бакIалиги гьечIо гьанир гIураб къадаралда, гьанир гурониги шагьаралдаги дагьал гурониги гьечIо гьел»
МахIачхъалаялда бижулеб гъветI-хералъул тIалаб гьабулеб хасаб «ГорЗеленхоз» абураб идараялъул хIалтIухъан ГIабас МухIамадовас «Энкенлъи» радиоялъе бицана шагьаралда рацIцIалъи чIезабизе тарал гIадамазул къадар цIакъго дагьаб бугин, гьединлъидал «Блогерал кьищни-къулалде данде руго» гIадал акциял тIоритIулел рукIиналъ гIезегIан кумек букIунила жидеейилан.
ГIабас МухIамадов: «Гьаб кIиго-лъабго километралъ халатбахъараб ах бакIарула кIиго яги лъабго чияс. Щибаб анкьида жаниб цохIул рачIуна гьел гьаб бакIаризе гьанире. Ахикьехун бугеб Ак-гель хIорил рагIалги бакIарула гьелго хIалтIухъабаз, амма хIорил добцояб рахъалда руго гIемерал ралел бакIал, гьенисан гIемер хъублъиги бачIуна гьабцояб рахъалда. БакIал ралел рагIалда щибго гIадлуги гьечIо, гьеб ганчIилги, цIулалги, цементалъулгун бетоналъулги цIезабун буго. Гьеб гурониги гIисинаб кьищни-къулги гIемер букIуна гьезул. Гьеб рахъалдаса босун гьанибехун ахикьеги щола нижее хIалтIиги гIемерлъула. Гьединлъидал цо-цо гьадинал акциял тIоритIи нижее кIудияб кумек буго»
Акция тIобитIулез кьурал баяназда рекъон рацIцIа-ракъалъиялъул тIубараб анкьица рацIцIа-ракъалъиялъул тадбирал тIоритIизе руго Дагъистаналъул шагьараздаги мухъаздаги. Кинавниги I0 азарго гIан чияс гIахьаллъи гьабизе бугин акциялъулъилан лъазабуна гьез.
