«РИА-Дагъистан» информациялъулаб агентлъиялъ гьатIан къоялъго кьураб баяналда хъвалеб буго МухIарамкент мухъалда бугеб таможниялъул посталда гIорхъаби цIунулез ккурав азербайджан мухъалдаса чиясухъ батун бугин цIакъго кIудияб асар гьабулебилан абуле «Трамал» абураб наркотикалъул 5 къвачIа.
Евразиялъул экономикиябгун-жамгIияб гIуцIиялда гъорлъе унеб Таможниялъулаб шураялъ гьабураб хIукмуялда рекъон рехсараб наркотик гьукъун буго цо хIукуматалдаса цогидалъубе босизе. Азербайджан мухъалдаса чиясухъа наркотик бахъиялъул хIужаялда тIасан уголовияб кодексалъул 229 статьялда рекъон рагьун буго такъсир гьабиялъул иш
Оперативиябгун-криминалияб ахIвал-хIал республикаялда хисун гьечIо. Шамат къоялъ Буйнакск мухъалъул Эрпели росулъ автомобиль кьвагьизабурал чагIи жеги кодоре щун гьечIо.
РакIалде щвезабила марталъул 16-абилеб къоялъ Буйнкск мухъалда сардилъ 10 тIубалеб гIужалда «Мерседес» автомобил кьвагьиялъул хIасилалда хвана лъабго чи. Гьел рукIана Унсоколо мухъалъул Генуб ва Унсоколо росулъа гIадамал.
Кинабаниги араб анкьида жанир Шималияб Кавказалда ккарал рагъулал тунка-гIусиялъул хIасилалда хун вуго 22 чи. Гьезда гьоркьоса изну гьечIого яргъид гIуцIаразул анкь-анкь чи хун вуго Гъабардагун Балкаразул ва Гъалгъаязул республикаялда, лъабгоял Дагъистаналда, хутIарал чагIи ккола гIадатияб халкъалда гьоркьоса, гьезулги цояв Дагъистаналдаса. Гьев ккола шамат къоялъ Шамилхъалаялда щалали лъаларел чагIаз квешго кьабун хадув хварав Унсоколо мухъалъул ГIашилтIаса ХIайбулаев ХIайбула.
КIудияб, спортивияб лъугьа-бахъинлъун букIана футбол бокьулел дагъистаниязе араб гьатIанкъо. Гьеб къоялъ МахIачахъалялъул «Анжи» команда хIалеб букIана цIияб «Анжи- Арена» абураб стадионалда.
Каспийск шагьаралда аскIоб бугеб гьеб стадион рагьун букIана 2003 соналдаго, доб мехалда гьелда цIар букIана Хазар абун. Амма дагьабго заманалъ гурони хIалтIичIого 2004 соналдаса байбихьун гьеб чIун хутIун букIана. 2011 соналъ Анжиялъул цIияв хважаинлъун миллиардер Сулейман Керимов вачIараб мехалъ байбихьана гьеб цIидасан къачIазе.
ЦIияб стадионалда буго 30 азарго чиясе гIодов чIезе бакI, МахIачхъалаялда бугеб стадион «Динамоялда» дандеккун гьеб ккола кIиго нухалъ цIикIкIун. Гьединго гьениб рагьун буго 2500 автомобиль лъезе бакI, квана-гьекъолел рукъзал ва гьел гурел цогидалги квегIенлъаби.
Экспертазул къиматалда рекъон гьеб стадион бан буго «УЕФА» абураб, футболалъул рахъалъ халкъазда гьоркьосеб гIуцIиялъул киналаго низамалги тIуразарун, гьединлъидал «Анжи –Аренаялъул» киналго ресал руго Европаялъул бищунго цIеретIурал комнадабигицин жиндирго майданалда къабул гьаризе.
ГIамаб къагIидаялъ кигIанасеб гIарац цIияб стадион базе Керимовас харж гьабурабали бицине инкар гьабуна МахIачхъалаялъул клубалъул пресс-хъулухъалъ. «Анжи-Аренаялда» хурахараб кинаб бугониги комментарий кьоларин жидецаян бичIчIизабуна. Гьелъие бугеб гIиллаги баян гьабичIо.
ГьатIан къоялъ МахIачхъалаялъул командаялъ гьениб къабул гьабуна Самараялъул «Крылья Советов» абураб команда. «Анжи-Арена» кьабун цIун букIана футболалъухъ балагьизе рачIараз. Гьаниб чанго рагIи абичIого гIоларо Анжиялъул фанклубалъул хIакъалъулъги.
Гьедин гьанжелъагIан киназдаго лъалеб махIачхъалаялъул рахъккун церерахъунел Дикая дивизия абураб къукъа букIун батани Дагъистаналда, гьанже гьединаб къукъа лъабгониги буго. Гьезул цояб ккола «Акула каспия» абураб фанклуб.
Гьеб къукъа гIуцIизе ккеялъе гIилла кинаб букIарабали гьадин бицана Эркенлъи радиоялъе цIияб фанклубалъул нухмалъулев МухIамадов Асбулица:
МухIамадов Асбул: «Нижер фан-клуб буго аслиб куцалъ гIолохъанал футбол бокьулел Дагъистаниязе рагьараб бакI. Республикаялда гIемер руго батIия-батIиял гIиллабазда бан «Дикая Дивизиялъ» жидедаго гъорлъе рачинчIого тарал гIолохъаби, 20 соналдаса гIолохъанаб ригьалъул гIадамал росуларо гьез жидерго клубалде Нижер гьанирин абуни гьединал гIурхъаби гьечIо лъиениги чIезарун.
Гьединлъидал нижеца рес кьола футболалъул матч тIобитIулеб мехалъ жанире ине щвечIого хутIарал лъималазе стадионалде рорчIизе. Нижер къукъаялде рачIине рес буго 10 сон барал лъималазулцин. Гьезул букIине буго жидерго хасаб гIодор чIолеб бакI, Анжиялъул гIисинал фанатал рукIин ратIа рахъизелъун тIад ретIунеб хасаб ретIел.
РакIчIун абизе кIола цIияб фан клуб гIуцIи нижеца битIараб хIукму гьабунилан. Щайгурелъул гIемерал гIолохъаби руго жакъа Анжиялъул рахъккун футболалде рачиIне бокьарал. Гьезие гIололъун гIуцIараб буго нижер клубги».
Амма гьелъул магIна кколарин жал «Дикая Дивизиягун» тушбаби хIисабалда рукIунилан тIаде жубана Асбулица хадубги. Жакъа гьеб къукъаялъ гьабулеб хIалтIуда тIасан жидер щибниги тIасанкIалъай гьечIин.
ГIицIго нижеда гьоркьоб бугеб батIалъи бугин жал лъиданиги рачIел, эркенаб фанклуб букIин. «Дикая Дивизия» абуни кколин официалиб куцалъ «Анжи» командаялда бараб къукъа.
Евразиялъул экономикиябгун-жамгIияб гIуцIиялда гъорлъе унеб Таможниялъулаб шураялъ гьабураб хIукмуялда рекъон рехсараб наркотик гьукъун буго цо хIукуматалдаса цогидалъубе босизе. Азербайджан мухъалдаса чиясухъа наркотик бахъиялъул хIужаялда тIасан уголовияб кодексалъул 229 статьялда рекъон рагьун буго такъсир гьабиялъул иш
Оперативиябгун-криминалияб ахIвал-хIал республикаялда хисун гьечIо. Шамат къоялъ Буйнакск мухъалъул Эрпели росулъ автомобиль кьвагьизабурал чагIи жеги кодоре щун гьечIо.
РакIалде щвезабила марталъул 16-абилеб къоялъ Буйнкск мухъалда сардилъ 10 тIубалеб гIужалда «Мерседес» автомобил кьвагьиялъул хIасилалда хвана лъабго чи. Гьел рукIана Унсоколо мухъалъул Генуб ва Унсоколо росулъа гIадамал.
Кинабаниги араб анкьида жанир Шималияб Кавказалда ккарал рагъулал тунка-гIусиялъул хIасилалда хун вуго 22 чи. Гьезда гьоркьоса изну гьечIого яргъид гIуцIаразул анкь-анкь чи хун вуго Гъабардагун Балкаразул ва Гъалгъаязул республикаялда, лъабгоял Дагъистаналда, хутIарал чагIи ккола гIадатияб халкъалда гьоркьоса, гьезулги цояв Дагъистаналдаса. Гьев ккола шамат къоялъ Шамилхъалаялда щалали лъаларел чагIаз квешго кьабун хадув хварав Унсоколо мухъалъул ГIашилтIаса ХIайбулаев ХIайбула.
КIудияб, спортивияб лъугьа-бахъинлъун букIана футбол бокьулел дагъистаниязе араб гьатIанкъо. Гьеб къоялъ МахIачахъалялъул «Анжи» команда хIалеб букIана цIияб «Анжи- Арена» абураб стадионалда.
Каспийск шагьаралда аскIоб бугеб гьеб стадион рагьун букIана 2003 соналдаго, доб мехалда гьелда цIар букIана Хазар абун. Амма дагьабго заманалъ гурони хIалтIичIого 2004 соналдаса байбихьун гьеб чIун хутIун букIана. 2011 соналъ Анжиялъул цIияв хважаинлъун миллиардер Сулейман Керимов вачIараб мехалъ байбихьана гьеб цIидасан къачIазе.
ЦIияб стадионалда буго 30 азарго чиясе гIодов чIезе бакI, МахIачхъалаялда бугеб стадион «Динамоялда» дандеккун гьеб ккола кIиго нухалъ цIикIкIун. Гьединго гьениб рагьун буго 2500 автомобиль лъезе бакI, квана-гьекъолел рукъзал ва гьел гурел цогидалги квегIенлъаби.
Экспертазул къиматалда рекъон гьеб стадион бан буго «УЕФА» абураб, футболалъул рахъалъ халкъазда гьоркьосеб гIуцIиялъул киналаго низамалги тIуразарун, гьединлъидал «Анжи –Аренаялъул» киналго ресал руго Европаялъул бищунго цIеретIурал комнадабигицин жиндирго майданалда къабул гьаризе.
ГIамаб къагIидаялъ кигIанасеб гIарац цIияб стадион базе Керимовас харж гьабурабали бицине инкар гьабуна МахIачхъалаялъул клубалъул пресс-хъулухъалъ. «Анжи-Аренаялда» хурахараб кинаб бугониги комментарий кьоларин жидецаян бичIчIизабуна. Гьелъие бугеб гIиллаги баян гьабичIо.
ГьатIан къоялъ МахIачхъалаялъул командаялъ гьениб къабул гьабуна Самараялъул «Крылья Советов» абураб команда. «Анжи-Арена» кьабун цIун букIана футболалъухъ балагьизе рачIараз. Гьаниб чанго рагIи абичIого гIоларо Анжиялъул фанклубалъул хIакъалъулъги.
Гьедин гьанжелъагIан киназдаго лъалеб махIачхъалаялъул рахъккун церерахъунел Дикая дивизия абураб къукъа букIун батани Дагъистаналда, гьанже гьединаб къукъа лъабгониги буго. Гьезул цояб ккола «Акула каспия» абураб фанклуб.
Гьеб къукъа гIуцIизе ккеялъе гIилла кинаб букIарабали гьадин бицана Эркенлъи радиоялъе цIияб фанклубалъул нухмалъулев МухIамадов Асбулица:
МухIамадов Асбул: «Нижер фан-клуб буго аслиб куцалъ гIолохъанал футбол бокьулел Дагъистаниязе рагьараб бакI. Республикаялда гIемер руго батIия-батIиял гIиллабазда бан «Дикая Дивизиялъ» жидедаго гъорлъе рачинчIого тарал гIолохъаби, 20 соналдаса гIолохъанаб ригьалъул гIадамал росуларо гьез жидерго клубалде Нижер гьанирин абуни гьединал гIурхъаби гьечIо лъиениги чIезарун.
Гьединлъидал нижеца рес кьола футболалъул матч тIобитIулеб мехалъ жанире ине щвечIого хутIарал лъималазе стадионалде рорчIизе. Нижер къукъаялде рачIине рес буго 10 сон барал лъималазулцин. Гьезул букIине буго жидерго хасаб гIодор чIолеб бакI, Анжиялъул гIисинал фанатал рукIин ратIа рахъизелъун тIад ретIунеб хасаб ретIел.
РакIчIун абизе кIола цIияб фан клуб гIуцIи нижеца битIараб хIукму гьабунилан. Щайгурелъул гIемерал гIолохъаби руго жакъа Анжиялъул рахъккун футболалде рачиIне бокьарал. Гьезие гIололъун гIуцIараб буго нижер клубги».
Амма гьелъул магIна кколарин жал «Дикая Дивизиягун» тушбаби хIисабалда рукIунилан тIаде жубана Асбулица хадубги. Жакъа гьеб къукъаялъ гьабулеб хIалтIуда тIасан жидер щибниги тIасанкIалъай гьечIин.
ГIицIго нижеда гьоркьоб бугеб батIалъи бугин жал лъиданиги рачIел, эркенаб фанклуб букIин. «Дикая Дивизия» абуни кколин официалиб куцалъ «Анжи» командаялда бараб къукъа.
