Пакистаналдаса, Афгъанистаналдаса, Америкаялдаса ва Китаялдаса дипломатаз Исламабадалда байбихьана Афгъанистаналъул хIукуматалда ва ТIалибаналда гьоркьоб рекъел гьабиялда хурхараб данделъи. Гьелъул гIахьалчагIаз лъазабулеб буго гьеб данделъиялъул мурад бугин тIалибалгун Кабулалъ ритIарал кIалъа-ралъаял гьариялъе «механизмал» ралагьийин. Гьенив Афгъанистаналъул рахъалъан вакил Джавед Фейсалица абуна жал хIадурал ругин 14 соналъ халат бахъунеб бугеб дандечIей лъугIизабизелъун жидер хIукуматгун кIалъа-ралъаял гьаризе хIадурал тIалибазул сияхI кьезейин.