Москваялъул Хельсинкиялъул Группаялъ лъазаруна инсанасул ихтиярал цIуниялъул сфераялда жиндирго санайилаб премиялъул лауреатал.
Инсанасул ихтиярал цIунулезул сайталда лъазабухъе, премия бихьизабун буго жиндирго хIалтIиялда къвакIлъи ва бихьинчилъи бихьизабурай «Миграция и закон» абураб интеграциялъул централъул нухмалъулей Гавхар Джураевалъе.
«Халкъаздагьоркьосеб «Мемориалалъул» бетIер Арсений Рогинский ва Новосибирск шагьаралдаса художник Артем Лоскуитов лъазарун руго гьединго гIуцIиялъул премиялъул лауреаталлъун.
Лауреатазул сияхIалда руго гьединго журналисталги, батIи-батIиял жамгIиял гIуцIиязул вакильзабиги.