Аза-азар нелегалияв мигрант, гьездаго гьоркьор руччабиги лъималги вакIарун вуго Грециягун Македониялъул гIорхъоде аскIове. Араб сордо квачараб ва цIадалаб букIаниги гьез рогьун буго къватIиб.
Цебесеб къоялъ Македониялъул тIалъиялъ жидер гIурхъи бахине къваригIарал мигрантазде данде хIалтIизабун букIана магIу бачIинабулеб газ. Хадуб гьез лъазабулеб букIана улкаялъул гъорхъода ахIвал-хIал контролалде босизе кIванин ва мигрантазул гьитIи-гьитIинал къукъаби улкаялде жанире риччанин.
Гьел мигрантазул цIикIкIунисел руго Сириялдаса, Афгъанистаналдаса, ГIиракъалдаса ва Шималияб Африкаялдаса. Грециялдасан, Македониялдасан ва Сербиялдасан гьезие бокьун буго Евроцолъиялъул магърибалъул улкабазде рорчIизе.