Туркиялъ Америкалъул Цолъарал Штатазулгун дандбана Сириялъулгун бугеб жиндир гIурхъида аскIоб «Исламияб пачалихъалъул» къеркьохъаназде данде цадахъаб къеркьей гьабиялъул план.
Туркиялъул президент Ражаб ТIайгьип Эрдогъаница 28 июлялда лъазабуна, курдазул яргъид гIуцIараз Туркиялъул цолъи хвезабизе гIамал гьабулеб бугин, гьединлъидал гьезулгун гьабураб ракълилаб къотIи халат бахъинабизе магIна гьечIин.
НАТО-ялъул Генералияв секретарь НАТО Йенс Столтенбергица абуна, Шималиябгун-Атлантикияб альянсалъ квербакъи гьабулеб бугин Туркиялъ гьабулеб рагъулаб операциялъе.