Ростов-Доналда бугеб Шималияб Кавказалъул икълималъул рагъулаб диваналъ къотIи гьабун буго Пятигорскалда 2013 соналъул 27 декабрялда теракт гьабурав анлъго чиясе.
Мурад Атаев ва Шамил ГIабдулазизов гIумруялъго жанире тIамизе руго, Рамазан ва Владимир Хализовал, МухIамад Ибрагьимов ва Шамил ГъазимухIамадов цоял 17, цогидал 23 соналъ жанире тIамизе руго.
ЦIех-рехчагIазул версиялда рекъон гьез жаниб бахчун тараб бомбагун автомобиль тана Пятигорскалъул нухлул полициялъул бутIаялда аскIоб.
Кьвагьи ккун, лъабго чи чIван вуго. Полициялъулазе зарал ккечIо. Гьеб теракт гIуцIарав лъабгояв – Турал ГIалиев, Марат Идрисов ва Сиражудин Черкесов Дагъистаналда чIван руго гьез полициязде данде къеркьей гьабулеб мехалда.