Хабаровск шагьаралъул сверухълъиялда талат къоялъул радал Ту-95 тайпаялъул бомбаби рехулеб Россиялъул боржаро бортун, гьелда рекIарав кIиго пилот гIумруялдаса ватIалъана. Гьадин лъазабуна Интерфакс агентлъиялъ Россиялъул улка цIуниялъул министерлъиялъул баяналда мугъ чIвай гьабун.
ГIаммаб къадаралда анкьго чи вукIана боржароялда рекIарав. ЧIаго хутIарав щугояв ватун вуго.
Тохтурзабазул баяналда рекъон гъозул гIумруялъе хIинкъи щолеб гьечIо. ГIиллалъун ккун буго ункъабго моторалъул хIалтIи гьоркьоса къотIи. Заманалъ чIезарун руго гьеб тайпаялъул гьалгощинал боржаробазул роржинал.