Гьединаб лъазаби премьер-министрас гьабуна шамат къоялда Куала-Лумпуралда трагедиялъул сон тIубаялда бан тIобитIараб къварилъиялъул тадбиралда цеве вахъунаго.
Цебесеб соналъул июлалда Амстердамалдаса Куала-Лумпуралде унеб Малайзиялъул авиакомпаниялъул лайнер бортизабиялъул хIасилалда хвана 298 чи.
Катастрофаялъул цех-реххалда гIахьаллъулел Австралиялъ, Бельгиялъ, Нидерландаз ва Украиналъ халкъаздагьоркьосеб жамгIият ахIулеб буго Цолъарал миллатазул гIуцIиялъул нухмалъиялда гъоркь халкъаздагьоркьосеб хасаб трибунал гIуцIиялде ва гIайибиязе гьениб диван гьабиялде.
9 июлалда гьеб инициативалде жиб данде букIиналъул хIакъалъулъ лъазабуна Россиялъ.